TƏ́DA 19:16 - Bible sar

¹⁶ Ré deē kógə̄ḿ njə̄rā bembeé ba əɓa dɔ nīń de kə́ tɔ̄l̄nən̄ kə kaskaraá aké oy i yo kə́ karī, aláa əndā njan i dɔ kə̄ngā deē tə́, aké əɓa i dɔ ɓádə deē anī, a téĺ kə́ yḛr ndɔ̄ sīrí.

Bibəl ta Sar̄

¹⁶ Ré deē kógə̄ḿ njə̄rā bembeé ba əɓa dɔ nīń de kə́ tɔ̄l̄nən̄ kə kaskaraá aké oy i yo kə́ karī, aláa əndā njan i dɔ kə̄ngā deē tə́, aké əɓa i dɔ ɓádə deē anī, a téĺ kə́ yḛr ndɔ̄ sīrí.

TƏ́DA 19:16 Referans Kwoze

MATIYE 23:27

Sḭḭ̄ ngé ndóō de gə̄ ndū najə̄ gə̄ ō, *Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-toī i tītə̄ dɔ ɓádə gə̄ kə́ rāān hō̰rō̰ tū tə́ beē. Adə̄ ré deē a̰a̰ gidə kə́ ndágá ɓáa majə, banī kemdə́ rosə kə kə̄ngā de kə́ koy gə̄ ō, kə yá̰á̰ kə́ yḛr kə́ tayā tayā gə̄ ō.

TƏ́DA 31:19

Banī sḭḭ̄ malang ń ī-tɔ̄lī deē, aké ɔ́diī rɔ̄ nīń deē ní, ī-ndiī gidə ɓē tə́ ndágá ndɔ̄ sīrí sḭḭ̄ gə̄gē ɓəlo yāsí kə́ dəyá̰ gə̄ gə̄gē. Ā ī-tə́goī rɔ̄sí kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō, kadə̄ ī-téliīń de gə̄ kə́ majaĺ tákə̄də́ alé gə̄.

Najə̄ kə́ Majə yā Jeju ń Luk ndang ní 11:44

Rɔ̄ ndoō i yāsí! Tām̄ sḭḭ̄ ī-toī i tītə̄ dɔ ɓádə gə̄ ń deē a̰ā̰ alé ba njə̄rā dɔ tə́ ní!

TƏ́DA 19:11

Deē ń ɔdə nīń deē ní, tél de kə́ yḛr ndɔ̄ sīrí.

TƏ́DA 19:15

Səmbē ń ndi kem kújə tandā tə́ ba ta i kə́ kutə̄ aĺ ō, kə́ do̰ō̰ kə kəlaá aĺ ō ní a téĺ kə́ yḛr.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ *Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí *unjə̄ njáý njáý.

LEBI GƏ̄ 21:1

Kɔ́ɔ̄ɓē mēr̄ Moijə kəda *ngé tun̄ yá̰a̰ gə̄ ń i ngán *Aaro̰ gə̄ ní ndū najə̄ gə̄ ń toō: De kə́ *nge tun̄ yá̰a̰ a aw̄ rɔ̄ nīń ngeen deē tə́ alé na sōgə́ tél de kə́ yḛr.

TƏ́DA 5:2

Ə́dá ngán *Israel gə̄ ādə̄ tə̄ɓān̄ de kə́ majaĺ tákə̄də́ gə̄ kɔ̄ɔ́ kem ɓēé, de kə́ ngé bānjə̄ gə̄ ō, ngé bájal gə̄ ō, de gə̄ ń ɔdən̄ nīń ní ō.

TƏ́DA 6:6

Kem ndɔ̄ gə̄ ń ɔrə̄ń kam̄ rɔ̄n tām̄ yā Kɔ́ɔ̄ɓē tə́ ní, a aw̄ rɔ̄ nīń deē tə́ alé.

TƏ́DA 9:6

Banī de kə́rēý gə̄ ń ɔdən̄ rɔ̄ nīń ní asən̄ rāā pétə́ *Pákə ndɔ̄ ń noō tə́ alé, tɔdɔ̄ majaĺ tákə̄də́. Ndɔ̄ nəkɔ́ ń noō tə́ nin̄ ədan̄ Moijə nin̄ kə *Aaro̰ na:

EJEKIEL 44:26

Kutə̄ gō anī, i gáŕ kadə̄ ni tə́go rɔ̄n kadə̄ *unjə̄ njáý njáý. Ba gō tə́ anī ni a ngóō ndɔ̄ sīrí pá tá a rāā kəla kem kújə yā Kɔ́ɔ̄ɓē tə́ ɓáý.