TƏ́DA 18:2 - Bible sar

² I ḭ̄ ō, ngání gə̄ ō n ā āwī ta kújə́ ń sandúkə *ndū najə̄ i kemeé tə́ ní. Ba ādə̄ ngákó̰ó̰í gə̄ kə́ gír ɓē yā Lebi tə́ ń i gír ɓē yā bɔbí ní, aw̄n̄ seí *loo kə́ táĺ tə́. I nin̄ n a utə̄n̄ gōí ō, a ɔsən̄ kílí ō ní.

Bibəl ta Sar̄

² I ḭ̄ ō, ngání gə̄ ō n ā āwī ta kújə́ ń sandúkə ndū najə̄ i kemeé tə́ ní. Ba ādə̄ ngákó̰ó̰í gə̄ kə́ gír ɓē yā Lebi tə́ ń i gír ɓē yā bɔbí ní, aw̄n̄ seí loo kə́ táĺ tə́. I nin̄ n a utə̄n̄ gōí ō, a ɔsən̄ kílí ō ní.

TƏ́DA 18:2 Referans Kwoze

TA KƏLA 29:34

Ni ndān̄ ngōn̄ ɓáý, ba ojə ngōn̄ kə́ dəngam ɓáý to̰, anī əda na: Kə́ ɓōó ń toō ní kem ngaaḿ a əhɔ yāḿ, tɔdɔ̄ m-ójə́ ngáń kə́ dəngam gə̄ mətá seneé. Əndā rī ngōn̄ ní na i Lebi.

EJEKIEL 44:15

Dan ń *Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, *ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ *táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

2 YÁ̰A̰ GƏ̄ 30:16

Nin̄ ran̄ loo kəla yādə́ gə̄ tə́ tītə̄ ń i jī bēl̄ loo rāādə́ ní, kə gō *ndū najə̄ yā Moijə ń i deē yā Nə́ɓā ní. *Ngán Lebi gə̄ i ngé taā mósə dā̰ kə́ tun̄ gə̄ kadə̄ *ngé tun̄ yá̰a̰ gə̄, ɓáa nin̄ gə̄ ń toō i ngé taā ɓōkə́ dɔ *loo tun̄ yá̰á̰ tə́.

TƏ́DA 18:4

Nin̄ i ngé kutə gōí gə̄ ō, a rāān̄ kəla malang kə́ tām̄ yā *kújə kənge naā tə́ ō. De kə́ karī a ərōsí tə́ alé.

TƏ́DA 17:7

Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ *kújə kənge naā. Ɓá anī kil̄ man̄ utə̄ dɔ kújə́ ní. *Kɔsə gɔn yā Kɔ́ɔ̄ɓē teē danaá.

TƏ́DA 8:22

Gō tə́ anī *ngán Lebi gə̄ əlan̄ gír rāā kəla yādə́ kə́ tām̄ yā *kújə kənge naā tə́ ta kum *Aaro̰ tə́ nin̄ kə ngánən gēé. I beé n rāānəń yá̰á̰ ń Kɔ́ɔ̄ɓē əda Moijə ní kə *ngán Lebi gēé ní.

TƏ́DA 8:19

m-ādə̄ *Aaro̰ nin̄ kə ngánən gēé i kadə̄ rāān̄ kəla *kújə kənge naā tam̄ yā ngán *Israel gə̄ tə́ ō, kadə̄ rāān̄ yá̰á̰ kə́ yā kutəń dɔ majaĺ yādə́ ō. I beé tá yá̰a̰ a rāań ngán Israel gē ń a ndɔ́tə̄n̄ kə̄ rɔ̄ *loo kə́ táĺ tə́ ní alé.

TƏ́DA 4:15

Dan ń ngán Israel gə̄ a ndɔ́tə̄n̄ ɓē anī, *Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem *loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem *kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

HEBƏRO 9:6

Dan ń yá̰a̰ gə̄ ń noō malang i kə́ tə́ndādə́ tītə̄ ń noō ní, *ngé tun̄ yá̰a̰ gə̄ a udən̄ kem kújə tandā kə́ ta kəga dɔ tə́ i kə dɔ ndɔ̄ gə̄ yā rāań kəla yādə́.

TƏ́DA 1:53

Banī *ngán Lebi gə̄ a ndin̄ ɓē i kə gō gidə kújə́ ń *ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán *Israel gēé alé.

TƏ́DA 3:5

Kɔ́ɔ̄ɓē əda Moijə na:

EJEKIEL 44:11

Kem loo yāḿ kə́ *táĺ tə́ ɓáa, kəla ń nin̄ a rāān̄ tām̄ yāḿ tə́ ní, i ngɔ̄m̄ ta róbə gə̄ kə́ tū kújə yā Kɔ́ɔ̄ɓē tə́ ō, i rāā kəla kə́ tayā tayā gə̄ ō. Dā̰ gə̄ ń ndējə̄n̄ tām̄ yā *yá̰a̰ tun̄ kə́ kə taá malang tə́ ō, tām̄ yā gotə *yá̰a̰ tun̄ kə́ rang gə̄ tə́ ō ní, nin̄ asən̄ tɔ̄l̄. Nin̄ a rāān̄ kəla yā kadə̄ ngán *Israel gə̄.

MALASI 2:4

Loo ń noō tə́ ā ī-gerī yá̰á̰ ń toō: I Kɔ́ɔ̄ɓē kə́ bo kə́ tɔ́gən i ngá̰ý n m̄-tāāsí toō. *Madə̄ naā ń m-ə́hɔ kə ngán *Lebi gēé ní, m̄-ndigə ngɔ̄m̄.