TƏ́DA 18:1 - Bible sar

¹ Anī Kɔ́ɔ̄ɓē əda *Aaro̰ na: Yá̰á̰ kə́ rāā gōtə́ aĺ gə̄ kə́ kem *loo kə́ táĺ yā Nə́ɓā tə́ ní, najə̄n a əsō i dɔí ḭ̄ tə́ ō, dɔ ngání gə̄ tə́ ō, dɔ ngán kaaí gə̄ tə́ ō, dɔ ngééí gə̄ tə́ ō. Ba yá̰á̰ kə́ gōtə́ aĺ gə̄ ń sḭḭ̄ kɔ́ gə̄ ī-rāāī kə ngání gə̄ loo kəla yāsí tə́ ní, najə̄n a əsō i dɔsí sḭḭ̄ kɔ́ gə̄ tə́.

Bibəl ta Sar̄

¹ Anī Kɔ́ɔ̄ɓē əda Aaro̰ na: Yá̰á̰ kə́ rāā gōtə́ aĺ gə̄ kə́ kem loo kə́ táĺ yā Nə́ɓā tə́ ní, najə̄n a əsō i dɔí ḭ̄ tə́ ō, dɔ ngání gə̄ tə́ ō, dɔ ngán kaaí gə̄ tə́ ō, dɔ ngééí gə̄ tə́ ō. Ba yá̰á̰ kə́ gōtə́ aĺ gə̄ ń sḭḭ̄ kɔ́ gə̄ ī-rāāī kə ngání gə̄ loo kəla yāsí tə́ ní, najə̄n a əsō i dɔsí sḭḭ̄ kɔ́ gə̄ tə́.

TƏ́DA 18:1 Referans Kwoze

Teē Ngán Israel gə̄ 28:38

Aaro̰ a do̰ō̰ yá̰á̰ súū rɔ̄ ní nɔtə non tə́ ngándáńg yā kaw̄ń ta kumḿ mā Kɔ́ɔ̄ɓē tə́. M-ā m̄-ndigə *yá̰a̰ ndējə̄ gə̄ ń ngán *Israel gə̄ a reēn̄neé kadə̄m̄ tə́ ní i kə ta kūl̄ yá̰á̰ súū rɔ̄ ń noō. Ká ré ngán Israel gə̄ rāān̄ yá̰á̰ kə́ gōtə́ aĺ gə̄ loo reē tə́ kə yá̰a̰ gə̄ ń ɔrə̄n̄ kam̄ tām̄ yāḿ tə́ ní gə̄gē anī, mā Kɔ́ɔ̄ɓē m-ā m̄-ndigə.

1 PIYER 2:24

*Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

HEBƏRO 4:15

Jḭḭ̄ i kə ngol *ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

TƏ́DA 17:13

Ni-ra dɔ dán de kə́ koy gə̄ kə de kə́ kə kumuú gə̄ tə́. Tā anī mo̰y kə́ ngan̄g ngá̰ý ní asən tɔ̄l̄ de gə̄.

TƏ́DA 17:7

Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ *kújə kənge naā. Ɓá anī kil̄ man̄ utə̄ dɔ kújə́ ní. *Kɔsə gɔn yā Kɔ́ɔ̄ɓē teē danaá.

TƏ́DA 17:3

Ādə̄ tə́ndān̄ ganán gə̄ yā de gə̄ ń oyn̄ tām̄ majaĺ yādə́ tə́ ní kə mūú ādə̄ hɔɔ́lɔ̄ péĺ péĺ, ba lábə̄n̄ dɔ *loo tun̄ yá̰á̰ tə́, tɔdɔ̄ ganán gə̄ ní ugə̄n̄ ta kum Kɔ́ɔ̄ɓē tə́ kɔ̄ɔ́ ɓá, adə̄ i yá̰á̰ kə́ táĺ gə̄ ō, a télən̄ yá̰á̰ kə́ yā kadə̄ əgań kem ngán *Israel gə̄ dɔ yá̰á̰ ń rāā yá̰á̰ tə́ ní ō.

TƏ́DA 14:34

Ə̄ndāī ma̰ȳ dɔ nang kə́ Kanaan i ndɔ̄ kutə sɔ́, adə̄ yá̰á̰ kə́ tōr̄ kə́ tām̄ majaĺ yāsí tə́ a rāāsí i ɓāl̄ kutə sɔ́.Ɓāl̄ kógə̄ḿ i tām̄ yā ndɔ̄ kə́ kógə̄ḿ tə́. I beé tá ā ī-gerīiń yá̰á̰ ń a rāā de gə̄ ń m̄-mbātə́ najə̄ gōdə́ tə́ ní.

LEBI GƏ̄ 22:9

Ādə̄ *ngé tun̄ yá̰a̰ gə̄ rāān yá̰á̰ gə̄ ń m-ɔ́jə́də́ kadə̄ rāān̄ ní ō, ādə̄ ənīn̄ najə̄ dɔdə́ tə́ tām̄ yā yá̰a̰ kəsa tə́ aĺ ō. Tɔdɔ̄ ré rāān̄ yá̰á̰ kə́ *táĺ gə̄ ń noō yá̰á̰ kə́ karī tə́ anī, a oyn̄. Mā i Kɔ́ɔ̄ɓē nge kɔr̄ kam̄də́.

LEBI GƏ̄ 10:17

Dā̰ bal bə̄yā̰ kə́ táĺ ngá̰ý ní ké əsan̄ kem *loo kə́ táĺ tə́ aĺ i najə̄ rí tə́ wa? Kɔ́ɔ̄ɓē na adə̄də́ i yā kɔrə̄ń majaĺ gə̄ ń ngán Israel gə̄ na rāān̄ ní ō, yā rāān̄ yá̰á̰ kə́ yā kutə̄ń dɔ majaĺ yādə́ gə̄ ō ta kumən tə́.

LEBI GƏ̄ 22:16

Tɔdɔ̄ ré majə kadə̄ əsan̄ alé tá əsan̄ anī, nin̄ ənīn̄ i najə̄ dɔ ngán Israel gə̄ tə́, adə̄ i gáŕ kadə̄ əgān̄ kə̄rā. Mā i Kɔ́ɔ̄ɓē nge kɔr̄ kam̄də́.

TƏ́DA 3:6

Ī-ɓāŕ de gə̄ kə́ gír ɓē yā Lebi tə́ ādə̄ reēn̄ kadə̄ ré kəla to ɓáa Aaro̰ *nge tun̄ yá̰a̰ əladə́, a ɔsən̄ kílən kem kəlaá.

TƏ́DA 16:10

Kɔ́ɔ̄ɓē adī ḭ Kore ō, ngákó̰ó̰í gə̄ malang ń nin̄ i *ngán Lebi gə̄ ní ō, ta róbə kaw̄ rɔ̄n tə́ kɔ̄ɔ́ ɓá, anī ī-sāāī kənge kəla *tun̄ yá̰a̰ dɔ tə́ ɓáý to̰ a?

TƏ́DA 18:11

Yá̰a̰ malang ń ngán *Israel gə̄ a ndējə̄n̄ Nə́ɓā ní, dɔn kə́ kɔr̄ i tām̄ yāsí tə́ ō. M-ādə̄sí kə ngáńsí kə́ dəngam gə̄ ō, kə́ dəyá̰ gə̄ ō, kə ndū kə́ a to ngándáńg. De gə̄ malang kə́ kem ndogə̄ yāsí tə́ ń majaĺ tákə̄də́ aĺ ní, a əsan̄.

NDŪ NAJƏ̄ 10:8

Loo ń noō tə́ Kɔ́ɔ̄ɓē adə̄ de kə́ gír ɓē yā Lebi tə́ gə̄ kəla kətō *sandúkə madə̄ naā yā Kɔ́ɔ̄ɓē ō, kəla ra ta kum Kɔ́ɔ̄ɓē tə́ rāań kəla yān ō, tɔ́rəń tadə́ dɔ de gə̄ tə́ kə rīneé ō. I kəla gə̄ ń noō n ɓōólaā gə̄gē a rāān̄ ɓáý ní.

NGÉ SARYA 17:12

Ni-əndān kem kəla tun̄ yá̰á̰ tə́ adə̄ tél *nge tun̄ yá̰a̰ yān ō, adə̄n loo ɓēé looneé adə̄ ndiń ō.

EJEKIEL 4:4

Ī-to dɔ jīí kə́ geleé tə́. Kum mbang malang ń ā ī-toń dɔ jīí kə́ geleé tə́ ní, ún i yá̰a̰ rāā kə́ gōtə́ aĺ gə̄ yā ɓē ko̰o̰ kə́ *Israel tə́ dɔí tə́ ō, ī-tə́gā taí i gír kɔȳn tə́ ō.