TƏ́DA 16:9 - Bible sar

⁹ Gə̄rā ń Nə́ɓā yā Israel gə̄rāsí dan ngán *Israel gə̄ tə́, ba adə̄sí ta róbə kaw̄ rɔ̄n tə́ ō, gə̄rāsí kadə̄ ī-rāāī kəla kə́ tām̄ yā *kújə yā Kɔ́ɔ̄ɓē tə́ ō, kadə̄ ī-raī no ngé kán̄ naā kə́ Israel tə́ ī-ndɔ̄yī Nə́ɓā kə rīdə́ ō ní asəsí aĺ ɓáý a?

Bibəl ta Sar̄

⁹ Gə̄rā ń Nə́ɓā yā Israel gə̄rāsí dan ngán Israel gə̄ tə́, ba adə̄sí ta róbə kaw̄ rɔ̄n tə́ ō, gə̄rāsí kadə̄ ī-rāāī kəla kə́ tām̄ yā kújə yā Kɔ́ɔ̄ɓē tə́ ō, kadə̄ ī-raī no ngé kán̄ naā kə́ Israel tə́ ī-ndɔ̄yī Nə́ɓā kə rīdə́ ō ní asəsí aĺ ɓáý a?

TƏ́DA 16:9 Referans Kwoze

IJAI 7:13

Anī Ijai əda na: I beé ní, sḭḭ̄ ń i de gə̄ kə́ gír kojə yā mban̄g Dabid tə́ ní, ōōī! Sḭḭ̄ ī-rāāī de gə̄ adə̄ kɔr rāādə́ ō, tá to tītə̄ kə́ nge ń noō asəsí aĺ ɓáý beē. Sḭḭ̄ ī-rāāī Nə́ɓā yāḿ adə̄ kɔr rāān ō!

NDŪ NAJƏ̄ 10:8

Loo ń noō tə́ Kɔ́ɔ̄ɓē adə̄ de kə́ gír ɓē yā Lebi tə́ gə̄ kəla kətō *sandúkə madə̄ naā yā Kɔ́ɔ̄ɓē ō, kəla ra ta kum Kɔ́ɔ̄ɓē tə́ rāań kəla yān ō, tɔ́rəń tadə́ dɔ de gə̄ tə́ kə rīneé ō. I kəla gə̄ ń noō n ɓōólaā gə̄gē a rāān̄ ɓáý ní.

NEHEMI 12:44

Kújə gə̄ ń a ɓōkə́n̄ yá̰á̰ kə́ ndējə̄ gə̄ ō, a kánə̄n̄ yá̰á̰ kə́ ta kəga dɔ gə̄ ō, *dɔ yá̰á̰ kə́ kɔr̄ kógə̄ḿ dan kə́ kutə tə́ gə̄ ō, kemeé ní, tə́ndān̄ de gə̄ ndɔ̄ ngeé ń noō tə́ kadə̄ ngɔ̄mə̄n̄ ō, kadə̄ táān̄ yá̰a̰ gə̄ ń *ndū najə̄ adə̄ *ngé tun̄ yá̰a̰ gə̄ ō ngán *Lebi gə̄ ō ní kem ndɔr̄ gə̄ kə́ kə gō gidə ɓē gēé tə́ yā reēń kemeé ō. Kəla ń ngé tun̄ yá̰a̰ gə̄ ō ngán Lebi gə̄ ō rāān̄ ní, nel̄ de gə̄ malang kə́ *Juda tə́.

1 SAMUEL 18:23

Ngé kəla yā Saul gə̄ aw̄ ədan̄ Dabid najə̄ ní. Anī Dabid ədadə́ na: Sḭḭ̄ á̰a̰ī kadə̄ tél um mban̄g ní i yá̰á̰ kə́ hɔliyɔ a? Tá mā i nge ndoō ō, de kə́ bo aĺ ō.

TƏ́DA 16:13

Ī-teē sejí kɔ̄ɔ́ kem ɓē kə́ mba ō, yibə̄ tejə ō i ngá̰ý tū tə́ tə́, ba ī-reē sejí kem dəla loo tə́ kadə̄ j-oy kɔ̄ɔ́ ní asiī aĺ ɓáý á ī-sāā ndi dɔjí tə́ kə́ ngār tə́ ɓáý to̰ a.

TƏ́DA 3:6

Ī-ɓāŕ de gə̄ kə́ gír ɓē yā Lebi tə́ ādə̄ reēn̄ kadə̄ ré kəla to ɓáa Aaro̰ *nge tun̄ yá̰a̰ əladə́, a ɔsən̄ kílən kem kəlaá.

TƏ́DA 1:53

Banī *ngán Lebi gə̄ a ndin̄ ɓē i kə gō gidə kújə́ ń *ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán *Israel gēé alé.

EJEKIEL 34:18

Ngé kə́rēý gə̄ dɔ dáńsí tə́ nel̄də́ kəsa mu kə́ loo kə́ majə ngá̰ý tə́ aĺ i tām̄ rí tə́? Gotə mu ń na̰y ní, nin̄ aw̄ tə́ɓān̄ njadə́ tə́ ɓáý to̰ i tām̄ rí tə́? Ka̰ȳ man̄ kə́ kumən unjə̄ asəsí aĺ a? Man̄ ń sḭḭ̄ ā̰yī aĺ ní, ə́laī njasí kum tə́ ī-pukə́tūiń adə̄ kumən kusə́rū i tām̄ rí tə́?

2 YÁ̰A̰ GƏ̄ 35:3

*Ngán Lebi gə̄ ń əndān̄ kəla ndóō ngán *Israel gə̄ yá̰a̰ dɔdə́ tə́ ō. Kɔ́ɔ̄ɓē ɔr̄də́ tayā kə rī kəla yānneé ō ní, ni-ɔr̄ najə̄ sedə́ əda na: Kújə yā Kɔ́ɔ̄ɓē ń Salomo̰ ngōn̄ Dabid mban̄g kə́ Israel tə́ rāā ní, ré ə̄ndāī sandúkə́ kə́ táĺ i kemeé anī ā ōtōniī dɔ bɔ̄gə̄sí tə́ to̰ alé. Ngɔlaā ní ī-rāāī kəla yā Kɔ́ɔ̄ɓē Nə́ɓā yāsí ō, yā deē yān gə̄ ń i Israel gə̄ ní ō.

2 SAMUEL 7:19

Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā?

TA KƏLA 30:15

Lea tél ədan na: Ī-taā ngaaḿ ní asiī aĺ ɓáý á, ā ī-sāā taā mandəragor yā ngōnə̄ḿ ɓáý to̰ a? Rasel tél ədan na: Majə! Jakob a to seí ndɔ̄ɔ́ ɓōólaā tām̄ yā mandəragor yā ngōnīí tə́.

1 KORḚNTƏ 4:3

Kə́ tām̄ yāḿ mā tə́ tā anī, ká i sḭḭ̄, aké i ngé rāā sarya yā de gə̄ n gāngə̄n̄ sarya dɔḿ tə́ gə̄gē anī, i karī seḿ. Mə̄kɔ́ m̄-gān̄g sarya dɔ rɔ̄ḿ tə́ aĺ ō.

KƏLA RĀĀ 13:2

Ndɔ̄ kógə̄ḿ tə́ dan ń nin̄-ɔsən̄ dɔdə́ naā tə́ ba rāān̄ kəla adə̄n̄ Kɔ́ɔ̄ɓē ō, *ndin̄ ɓō tām̄ yā Nə́ɓā tə́ ō anī, *Ndíĺ kə́ Táĺ ədadə́ na kə ɔrə̄n̄ Sol ō Barnabas ō kə əndān̄də́ tayā tām̄ yān tə́, kadə̄ rāān̄ kəla ń na n-ɓāŕdə́ kə rīí ní.

TƏ́DA 3:9

*Ngán Lebi gə̄ ní ā ādə̄də́ kə *Aaro̰ nin̄ kə ngánən gēé. Ngán Israel gə̄ a adə̄n̄də́ sedə́ ō, a ɔrə̄n̄ kemdə́ dɔdə́ tə́ ō.

TƏ́DA 16:8

Moijə əda Kore ɓáý to̰ na: *Ngán Lebi gə̄, ōōī.

EJEKIEL 44:16

I nin̄ ngóy n a udən̄ kem loo yāḿ kə́ *táĺ tə́ ō, a ndɔ́tə̄n̄ kə̄ ta tábəl kə́ kə rī rāań kəla yāḿ tə́ tə́ ō ní. Nin̄ a ɓōlə́n̄ gidə jī bēl̄ loo rāā yá̰a̰ gə̄ kə́ yā rāań kəla ngeé ń toō.