TƏ́DA 16:5 - Bible sar

⁵ Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

Bibəl ta Sar̄

⁵ Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

TƏ́DA 16:5 Referans Kwoze

PĀ GƏ̄ 65:4

Yá̰á̰ kə́ gōtə́ aĺ gə̄ tɔyn̄ tɔ́gə́ḿ, banī ḭ̄ ásə kɔr̄ majaĺ yājí gə̄ kɔ̄ɔ́.

TƏ́DA 17:5

Nge ń noō i yā terə̄ń kem ngán Israel gə̄ na i de kə́ rang n a róō kajaja ta kum Kɔ́ɔ̄ɓē tə́ alé, ba i de gə̄ kə́ gír kaa yā *Aaro̰ tə́ ta ngóy. De kə́ rang ń a róō ní, yá̰á̰ ń rāā Kore nin̄ kə de kə́ gōn tə́ gə̄ ní a rāān ō. Yá̰á̰ ń rāā Kore ní, Kɔ́ɔ̄ɓē əndā ta Moijə tə́ adə̄ ədan kété kɔ̄ɔ́.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

TƏ́DA 16:3

Nin̄ kánə̄n̄ naā dɔ Moijə nin̄ kə *Aaro̰ tə́ ba ədan̄də́ na: Ń toō asə tā. Ngán Israel gə̄ malang nin̄ i de kə́ táĺ gə̄ ō, Kɔ́ɔ̄ɓē i dɔ dáńdə́ tə́ ō, ba i náā n adə̄sí ta róbə kḭḭ dɔ ngé gə̄ ń Kɔ́ɔ̄ɓē kán̄də́ naā tə́ ní?

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, *ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. *Adə̄ i tītə̄ ń noō.

KƏLA RĀĀ 22:14

Ni-əda ɓáý to̰ na: Nə́ɓā yā kaají gə̄ gə̄rā əndāī dɔ jīn kadə̄ ī-ger̄ yá̰á̰ ń kemən ndigə ní ō, kadə̄ á̰a̰ nge kə́ kal kógə̄ḿ beē ń ni i de kə́ sew ní ō, kadə̄ ōō najə̄ kə́ tan tə́ ō.

KƏLA RĀĀ 13:2

Ndɔ̄ kógə̄ḿ tə́ dan ń nin̄-ɔsən̄ dɔdə́ naā tə́ ba rāān̄ kəla adə̄n̄ Kɔ́ɔ̄ɓē ō, *ndin̄ ɓō tām̄ yā Nə́ɓā tə́ ō anī, *Ndíĺ kə́ Táĺ ədadə́ na kə ɔrə̄n̄ Sol ō Barnabas ō kə əndān̄də́ tayā tām̄ yān tə́, kadə̄ rāān̄ kəla ń na n-ɓāŕdə́ kə rīí ní.

KƏLA RĀĀ 1:24

Gō tə́ anī nin̄ malang ndɔ̄ȳn̄ Nə́ɓā ədan̄ na: Kɔ́ɔ̄ɓē, ḭ̄ ń i nge ger̄ kem de gə̄ malang ní, ɔ́jə́jí deē ń ī-gə̄rān dan de kə́ jōó gə̄ ń toō tə́

KƏLA RĀĀ 1:2

bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā *Ndíĺ kə́ Táĺ.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

EJEKIEL 40:46

Kem kújə́ ń tan i kə̄ dām̄ mbɔ́r ɓē kə́ ko̰ó̰ tə́ ní, i tām̄ yā *ngé tun̄ yá̰a̰ gə̄ ń a rāān̄ kəla ta *loo tun̄ yá̰á̰ tə́ ní. Dan de gə̄ kə́ gír ɓē yā Lebi tə́ ní, i ngé gə̄ ń i Sadok n ojədə́ ní ngóy n asən̄ kudə kem *loo kə́ táĺ tə́, yā rāā kəla kadə̄ Kɔ́ɔ̄ɓē ní.

PĀ GƏ̄ 105:26

Loo ń noō tə́ ni-əla nge kəla yān Moijə ō, *Aaro̰ ń ni gə̄rān ní ō.

1 SAMUEL 2:28

Dan de gə̄ kə́ gír ɓē yā ngán *Israel gə̄ tə́ malang ní, i kaaí *Aaro̰ n m̄-gə̄rān kadə̄ i ni n i *nge tun̄ yá̰a̰ yāḿ kə́ kadə̄ al̄ aw̄ dɔ *loo tun̄ yá̰a̰ yāḿ tə́ ō, róō kajaja ō, ra ta kumḿ tə́ kə epod. Tá yá̰a̰ malang ń ngán Israel gə̄ a tun̄ adə̄mə̄n̄ ní, m̄-tél kə núsənneé m-ādə̄n ō, m-ādə̄ ngánən gə̄ ō, ngán kaan gə̄ ō.

Teē Ngán Israel gə̄ 28:1

Ī-ɓāŕ ngōkó̰ó̰í *Aaro̰ nin̄ kə ngánən gēé, Nadab ō, Abihu ō, Eleajar ō, Itamar ō, ādə̄ reēn̄ rɔ̄í tə́. Ɔ̄r̄ kam̄də́ tayā dan ngán *Israel gə̄ tə́ ādə̄ rāān̄ kəla *tun̄ yá̰a̰ yāḿ.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ *táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

EPEJƏ 2:13

Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə *Kərist.

KƏLA RĀĀ 15:7

Dan ń nin̄-nējə̄n̄ naā najə̄ ngá̰ý anī, Piyer ḭḭ dɔɔ́ ba ədadə́ na: Ngákó̰ó̰ḿ gə̄, ī-gerī majə kadə̄ ta kəla gíŕ tə́ ní Nə́ɓā gə̄rām̄ adə̄ m-ɔ́jə de gə̄ ń i *Jipə aĺ gə̄ ní Najə̄ kə́ Majə ɓēé loosí laā adə̄ oōn̄ ō, taān̄ kem ō.

LEBI GƏ̄ 8:2

Ī-ɓāŕ *Aaro̰ nin̄ kə ngánən̄ gēé ō, ɔ́y kūbə̄ gə̄ ō, ún *yibə̄ kə́ táĺ ō, ə́hɔ man̄g kə́ bəra kə́ tun̄ tām̄ yā majaĺ tə́ ō, bal batə̄ kə́ jōó gə̄ ō, ún keē ń mápá kə́ kanjə̄ *kaa mápa gə̄ i kemeé ní ō,

Teē Ngán Israel gə̄ 28:43

Aaro̰ nin̄ kə ngánən gēé a əlan̄ gíŕdə́ tə́ yā kudəń kem *kújə kənge naā tə́, aĺ ɓáa yā kaw̄ń kə̄ *loo tun̄ yá̰á̰ tə́ yā rāań kəla *tun̄ yá̰a̰ kem *loo kə́ táĺ tə́. Tītə̄ ń noō ɓáa a reēn̄ kə majaĺ dɔdə́ tə́ aĺ ō, a oyn̄ aĺ ō. Nge ń noō i ndū najə̄ kə́ a to ngándáńg tām̄ yā Aaro̰ tə́ ō, tām̄ yā ngánən gə̄ tə́ ō, ngán kaan gə̄ tə́ ō.

TƏ́DA 16:6

Beé ní ḭ Kore ō, de kə́ gōí tə́ gə̄ ō, ɔ́yiī ganán gə̄,

TƏ́DA 17:8

Moijə nin̄ kə *Aaro̰ aw̄n̄ ta *kújə kənge naā tə́.

JEREMI 30:21

Ngār yān a teē i dan gír deē yān nəkɔ́ gə̄ tə́. A ojən̄ nge ko̰o̰ ɓē yān i ɓēé looneé. M-ā m̄-rāān kadə̄ ndɔ́tə̄ kə̄ ngɔr. Ni a reē rɔ̄ḿ tə́. Tɔdɔ̄ i náā n a asə nāā ndɔ́tə̄ kum kə̄ rɔ̄ḿ tə́ ní? Najə̄ ń Kɔ́ɔ̄ɓē əda ní n noó.

JEREMI 49:19

Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

JEREMI 50:44

Tɔdɔ̄ i náā n to tītə̄ḿ mā ní? Tītə̄ ɓɔl kə́ al̄ bup teē dɔ gɔ́sə bā Jurdḛ tə́ yā kaw̄ kum kə̄ loo kə́ man̄ ra tū tə́ tə́ beē. M-ā m̄-rāā kadə̄ de gə̄ a̰ȳn̄ naā kɔ̄ɔ́ Babilon tə́ gidə kógə̄ḿ, m-ā m̄-bə̄gā ngé rɔ̄ɔ̄ kə́ balsáa gə̄ dɔn tə́. I nge kul̄ yá̰á̰ kə́ rá n a asə dum̄ taḿ mā ní?

EJEKIEL 43:19

Ngé tun̄ yá̰a̰ gə̄ kə́ gír yā Lebi tə́, kə́ kem kojə yā Sadok tə́ ní, ā ādə̄də́ man̄g kə́ bəra kógə̄ḿ. I nin̄ ngóy n ta róbə i yādə́ kadə̄ ndɔ́tə̄n̄ kə̄ rɔ̄ḿ tə́ ba rāān̄ kəla adə̄mə̄n̄ ní. I mā Kɔ́ɔ̄ɓē Nə́ɓā n m-ə́da najə̄ ń noō ní. A ndējə̄n̄ man̄g kə́ bəra ngeé ń noō kadə̄ i *yá̰a̰ tun̄ kə́ kadə̄ m̄-mā̰yń rɔ̄ḿ dɔ majaĺ yādə́ tə́.

EJEKIEL 45:4

Loo ngeé ń noō i kə́ *táĺ, tɔdɔ̄ ɔrə̄n̄ kamən tām̄ yā *ngé tun̄ yá̰a̰ gə̄ ń a rāān̄ kəla kem *loo kə́ táĺ tə́ ní. A rāān̄ kújə yādə́ gə̄ i dɔ nang ngeé ń toō tə́ ō, a ngɔ̄mə̄n̄ loo ní i tām̄ yā loo kə́ yā ɓōĺ gidə tə́ ō.

Teē Ngán Israel gə̄ 28:41

Ā ī-tə́la kūbə̄ gə̄ ń noō rɔ̄ ngōkó̰ó̰í Aaro̰ tə́ ō, rɔ̄ ngánən gə̄ tə́ ō. Ā úr yibə̄ dɔdə́ tə́ ō, ā ə̄ndādə́ dɔ kəla tun̄ yá̰á̰ tə́ ō. Ā ɔ̄r̄ kam̄də́ tayā i tītə̄ ń noō kadə̄ rāān̄neé kəla *tun̄ yá̰a̰ yāḿ.

PĀ GƏ̄ 115:10

Sḭḭ̄ de kə́ gír kojə yā *Aaro̰ tə́ gə̄, ə̄ndāī kemsí dɔ Kɔ́ɔ̄ɓē tə́! I ni n i nge rāā sedə́ ō, der yādə́ ō ní!