TƏ́DA 15:3 - Bible sar

³ ba ā ī-róōī dā̰ horoó yā kadə̄m̄, aláa ā ī-tunī dā̰ kənī ndū, aláa dā̰ kə́ kə gō kem ndigə yāsí, aláa dā̰ kə́ ndɔ̄ rāā nāā tə́ yā kadə̄m̄ anī, ā ī-gērāī i man̄g, aláa i batə̄, aláa i bə̄yā̰ n ā ī-tunī yā kadə̄ sēēn nel̄ Kɔ́ɔ̄ɓē ní.

Bibəl ta Sar̄

³ ba ā ī-róōī dā̰ horoó yā kadə̄m̄, aláa ā ī-tunī dā̰ kənī ndū, aláa dā̰ kə́ kə gō kem ndigə yāsí, aláa dā̰ kə́ ndɔ̄ rāā nāā tə́ yā kadə̄m̄ anī, ā ī-gērāī i man̄g, aláa i batə̄, aláa i bə̄yā̰ n ā ī-tunī yā kadə̄ sēēn nel̄ Kɔ́ɔ̄ɓē ní.

TƏ́DA 15:3 Referans Kwoze

Teē Ngán Israel gə̄ 29:18

Ā ī-róō horoó malang dɔ*lo tun̄ yá̰á̰ tə́. Nge ń noō i *yá̰a̰ tun̄ kə́ róō horoó tām̄ yā Kɔ́ɔ̄ɓē tə́ kə́ sēēn nelə̄n.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

TƏ́DA 28:27

Ā ī-róōī dā̰ horoó kadə̄ sēēn sɔl̄ kem Kɔ́ɔ̄ɓē. I man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ *yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ *yá̰a̰ tun̄ kə́ Nə́ɓā ndigə ō, nel̄ kemən ō beé.

LEBI GƏ̄ 27:2

kəda ngán *Israel gə̄ ndū najə̄ gə̄ ń toō: Ré deē kə́rēý ənī ndūn yā kadə̄ Kɔ́ɔ̄ɓē deē anī, a asə kadə̄ nar kum gotə.

EPEJƏ 5:2

Ī-táriī naā tītə̄ ń *Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ *yá̰a̰ ndējə̄ ō, *yá̰a̰ tun̄ ō, kə́ sēēn nel̄ Nə́ɓā beé ní.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

NDŪ NAJƏ̄ 12:17

Dɔ kōō gémē aláa kasə *nduú, aláa yibə̄ kə́ nge ko̰ kutə kə́ ɔ̄rī tām̄ yā Nə́ɓā tə́ ní, ā ə́saī kə̄ kem ɓē yāsí gə̄ tə́ alé. Ā ə́saī hágə man̄g aĺ ō, hágə batə̄ aĺ ō, hágə bə̄yā̰ aĺ ō. Kadə̄ karī yāsí gə̄ ń ādī Nə́ɓā tām̄ ndūsí kə́ ə̄nīī tə́, aláa kanjə̄ núm̄ kemsí tə́ ní ō, yá̰a̰ yāsí gə̄ ń ī-ndējī Nə́ɓā kə gō kem ndigə yāsí ō ní, ā ə́saī kə̄ kem ɓē yāsí gə̄ tə́ alé.

NDŪ NAJƏ̄ 12:11

I loo ń Kɔ́ɔ̄ɓē Nə́ɓā yāsí a gə̄rā yā kəndā rīn dɔ tə́ ní n ā āwī kə yá̰a̰ malang ń m-ə̄ndā dɔsí tə́ kadə̄ ādī ní tū tə́ ní: Dā̰ yāsí gə̄ kə́ yā róō horoó kə taá malang ō, kə́ yā tun̄ tām̄ yā kem kógə̄ḿ ō, dɔ yá̰a̰ yāsí kə́ nge ko̰ kutə kə́ ɔ̄rī ō, yá̰a̰ yāsí gə̄ ń ā ādī kə gō kem ndigə yāsí ní ō, yá̰a̰ malang ń ā ī-gə̄rāī yā kadə̄ Kɔ́ɔ̄ɓē kadə̄ karī tə́ tām̄ ndūsí kə́ ə̄nīī tə́ ō ní, ā āwīneé i loo ngeé ń noō tə́.

NDŪ NAJƏ̄ 12:6

Dā̰ yāsí gə̄ kə́ yā róō horoó ō, kə́ yā tun̄ karī gə̄ ō, dɔ yá̰a̰ yāsí kə́ nge ko̰ kutə ō, yá̰a̰ yāsí gə̄ ń ī-ndējī Nə́ɓā kə gō kem ndigə yāsí ní ō, kadə̄ karī yāsí gə̄ ń ādī Nə́ɓā tām̄ ndūsí kə́ ə̄nīī tə́, aláa kanjə̄ núm̄ kemsí tə́ ní ō, hágə man̄g yāsí gə̄ ō, hágə batə̄ yāsí gə̄ ō, hágə bə̄yā̰ yāsí gə̄ ō ní, ā āwīneé i loo ń noō tə́.

TƏ́DA 29:8

Ā ī-róōī dā̰ gə̄ horoó kadə̄ sedə́ sɔl̄ kem Kɔ́ɔ̄ɓē. Dā̰ kə́ loodə́ kógə̄ḿ nujə aĺ gə̄ ń ā ī-róōīdə́ horoó ní n toó: Man̄g kə́ bəra ō, bal batə̄ ō, ngán batə̄ kə́ ɓāl̄ kógə̄ḿ gə̄ sīrí ō.

LEBI GƏ̄ 10:13

adə̄ na ā ə́san̄ i kem *loo kə́ táĺ tə́. Gotə ndujə̄ kə́ ndégə̄ dɔ róō horoó kadə̄ Kɔ́ɔ̄ɓē ní, na i tām̄ yān ni Aaro̰ tə́ kə ngánən gēé. Na yá̰á̰ ń Kɔ́ɔ̄ɓē ədan ni n noó.

LEBI GƏ̄ 7:16

Ré deē kógə̄ḿ ndējə̄ dā̰ kə́ yā tun̄ tām̄ yā kem kógə̄ḿ tə́ kə gō kem ndigə yānneé, aláa i tām̄ yá̰á̰ kə́ ni ənī ndūn yā rāā tə́ anī, a əsan̄ dā̰ ní i ndɔ̄ tunə̄n tə́ ō, teē kə ndɔ̄ kə́ noō anī a əsan̄ gotə kɔ̄ɔ́ ō.

Teē Ngán Israel gə̄ 29:41

A tə́ndān̄ yá̰a̰ gə̄ ń noō dɔ ngōn̄ batə̄ kə́ nge ko̰ jōó tə́ ō. I *yá̰a̰ ndējə̄ kə́ sēēn nelə̄m̄ mā Kɔ́ɔ̄ɓē.

Teē Ngán Israel gə̄ 29:25

Gō tə́ anī ā ī-tél yā taā jīdə́ tə́ yā róō horoó dɔ *loo tun̄ yá̰á̰ tə́ naā tə́ kə dā̰ kə́ yā róō horoó kadə̄m̄. Nge ń noō i yá̰á̰ kə́ tun̄ kadə̄ Kɔ́ɔ̄ɓē kə́ sēēn nelə̄n.

2 KORḚNTƏ 2:15

Tɔdɔ̄ jə-to i tītə̄ sēē ítər kə́ otə majə kə́ *Kərist ndējə̄ Nə́ɓā beé. Jḭḭ i sēē ítər tām̄ yā ngé gə̄ ń nin̄ i dɔ róbə kajə tə́ ní ō, tām̄ yā ngé tḭ̄ḭ̄ ta rɔ̄də́ gə̄ tə́ ō.

2 KORḚNTƏ 2:16

Tām̄ yā ngé tḭ̄ḭ̄ ta rɔ̄də́ tə́ ɓáa i sēē nīń kə́ a əla deē ta yo tə́. Ba tām̄ yā ngé gə̄ ń nin̄ i dɔ róbə ndi kə kumuú tə́ ní ɓáa, i sēē ndi kə kumuú kə́ a rāā kadə̄ deē ndi kə kumneé. Ba i náā n asə rāā kəla kə́ tītə̄ ń noō ní?

PĀ GƏ̄ 54:6

Á̰a̰ā̰, Nə́ɓā i nge dḭḭ̄m̄, i Kɔ́ɔ̄ɓē ngóy n i nge kəhɔm̄ kə̄ dɔɔ́ ní.

TƏ́DA 6:15

A adə̄ mápá kə́ rāā kə ndujə̄ kə́ lándāá kanjə̄ *kaa mápa kem keē kógə̄ḿ ō, mápá kə́ rāā kə ndujə̄ kə́ ló̰ȳ kə yibīí ō, makəla gə̄ kə́ rāān̄də́ kanjə̄ kaa mápa ba tə́ten̄ yibə̄ dɔ tə́ ō, ndujə̄ ō, kasə *nduú kə́ tām̄ yā yá̰á̰ kə́ yā tun̄ gə̄ tə́ ō.

ESDRAS 7:17

Gində̄ arjā̰a̰ ngeé ń toō ní, ré ūgə̄ nú anī, ā ə̄ndā kumií gō tə́ majə yā mangəń man̄g kə́ bəra gə̄ ō, bal batə̄ gə̄ ō, ngán batə̄ gə̄ ō, yá̰a̰ malang kə́ tām̄ yā *yá̰a̰ ndējə̄ kə́ rāā kə kōó tə́ kə́ yā ndējə̄ dɔdə́ gə̄ tə́ ō, kasə *nduú kə́ yā tə́te dɔdə́ gə̄ tə́ ō, ba ā ī-ndējə̄ yá̰a̰ gə̄ ń noō malang dɔ *loo tun̄ yá̰á̰ tə́, kem kújə yā Nə́ɓā yāsí tə́ Jerusalem.