TƏ́DA 10:9 - Bible sar

⁹ Dan ń ā ī-ndiī dɔ nang yāsí tə́ ba ḭ́ḭḭ̄ yā rɔ̄ɔ̄ madə̄ ba̰ā̰sí gə̄ kə́ ngé rāā kumsí ndoō tə́ gə̄ anī, ā ī-tétī ndū bərúnjə gə̄ ní kadə̄ əgań kem Kɔ́ɔ̄ɓē Nə́ɓā yāsí dɔsí tə́ ba taāńsí jī madə̄ ba̰ā̰sí gə̄ tə́ əya̰sí dɔɔ́.

Bibəl ta Sar̄

⁹ Dan ń ā ī-ndiī dɔ nang yāsí tə́ ba ḭ́ḭḭ̄ yā rɔ̄ɔ̄ madə̄ ba̰ā̰sí gə̄ kə́ ngé rāā kumsí ndoō tə́ gə̄ anī, ā ī-tétī ndū bərúnjə gə̄ ní kadə̄ əgań kem Kɔ́ɔ̄ɓē Nə́ɓā yāsí dɔsí tə́ ba taāńsí jī madə̄ ba̰ā̰sí gə̄ tə́ əya̰sí dɔɔ́.

TƏ́DA 10:9 Referans Kwoze

1 SAMUEL 10:18

ba ədadə́ na: Kɔ́ɔ̄ɓē Nə́ɓā yā Israel ɔr̄ najə̄ i tītə̄ ń toō beé: I mā n m̄-teē sesí sḭḭ̄ Israel gə̄ kɔ̄ɔ́ kem ɓē kə́ Ejiptə tə́ ní. I mā n m-ɔ̄r̄sí kɔ̄ɔ́ jī de kə́ Ejiptə gə̄ tə́ ō, ngé ko̰o̰ ɓē kə́ rang gə̄ ń rāān̄ kumsí ndoō tə́ ō ní. Najə̄ ń Kɔ́ɔ̄ɓē əda ní n noó.

NGÉ SARYA 2:18

Dan ń Kɔ́ɔ̄ɓē a əla kə nge saryaá anī nəkɔ́ i seneé naā tə́ yā gāngəń dɔ ngán Israel gə̄ jī madə̄ ba̰ā̰də́ gə̄ tə́ kə ndɔ̄ gə̄ malang ń nge sarya ndiń kə kumneé ní. Tɔdɔ̄ kum Kɔ́ɔ̄ɓē o̰o̰n tām̄ yādə́ tə́ dan ń ngé rāā kumdə́ ndoō tə́ gə̄ a rāān̄də́ adə̄ a nōōn̄ ní.

TA KƏLA 8:1

Anī əga kem Nə́ɓā dɔ Noe tə́ ō, dɔ dā̰ kə́ bembeé gə̄ tə́ ō, kə́ ɓēé gə̄ tə́ ō ń nin̄ i seneé kem toó ní. Adə̄ ni-rāā adə̄ nél əla dɔ nang tə́ adə̄ man̄ iī.

PĀ GƏ̄ 106:42

Madə̄ ba̰ā̰də́ gə̄ rāān̄ kumdə́ ndoō tə́ ō, əlan̄ rɔ̄sɔl̄ dɔdə́ tə́ ō.

PĀ GƏ̄ 106:4

Kɔ́ɔ̄ɓē, loo ń ā ī-rāā kem majə kə gír deē yāí gēé anī, ī-gír̄ dɔḿ tə́! Dan ń ā ájə́ gír deē yāí gə̄ anī, á̰a̰ gōḿ.

2 YÁ̰A̰ GƏ̄ 13:14

Dan ń Juda gə̄ tūrə̄n̄ kumdə́ ní anī a̰a̰n̄ kadə̄ rɔ̄ɔ̄ i kété ō, gogə́ ō. Anī əgan̄ kɔŕ kə̄ dɔ Kɔ́ɔ̄ɓē tə́ ō, *ngé tun̄ yá̰a̰ gə̄ kɔ̄rə́n̄ bərúnjə gə̄ ō.

NGÉ SARYA 10:12

Sidon gə̄ ō, Amalek gə̄ ō, Maon gə̄ ō, rāān̄ kumsí ndoō tə́ á ī-ɓāŕmī kadə̄ m̄-rāā sesí m-ájə́sí aĺ a?

NGÉ SARYA 10:8

Adə̄ ɓāl̄ ń noō tə́ ní tetən̄də́ rɔ̄ɔ̄ ō, kem ɓāl̄ kutə gidə i sɔ́sɔ́ ní rāān̄ ngán *Israel gə̄ ń ndin̄ gidə bā Jurdḛ kə́ dām̄ kə́ nú tə́ dɔ nang yā *Amor gə̄ tə́ gō nang kə́ Galaad tə́ ní kə́ tōr̄ gə̄ ō, rāān̄ kumdə́ ndoō tə́ ō.

JOJUE 6:5

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán *Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

TƏ́DA 31:6

Moijə əladə́ ta rɔ̄ɔ̄ tə́ ba adə̄ Pinas kə́ ngōn̄ Eleajar ń i nge tun̄ yá̰á̰ ní dān̄də́. Pinas ɔy yá̰á̰ kə́ táĺ gə̄ ō, bərúnjə kə́ yā kɔ̄ŕ gə̄ ō jīn tə́.

1 KORḚNTƏ 14:8

Ba ré bərúnjə ɓār̄ kə gōó aĺ anī, i náā n a ndi dɔ rɔ̄n tə́ tām̄ yā rɔ̄ɔ̄ tə́ ní?

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

JEREMI 4:21

M-ā m-á̰a̰ dərapóo rɔ̄ɔ̄ ō, m-ā m-ōō kōō tōw̄ ō, i bátə́ ta kə́ rá?

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

JEREMI 4:5

Ə̄nīī mbēr̄ ń toō *Juda tə́. Ə̄nīī mbēr̄ ní ādə̄ de kə́ Jerusalem gə̄ oōn̄. Ī-kɔ̄rí tōw̄ kem ɓēé. Əgaī kɔŕ ə́daī na: Ī-kánī naā kadə̄ j-udiī kem loo kə́ ngan̄g gə̄ tə́.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

PĀ GƏ̄ 136:23

Dan ń yá̰á̰ kə́ to kum tō ndoō teē dɔjí tə́ ní, əga kemən dɔjí tə́, tɔdɔ̄ kem majə yān to ngándáńg.

NGÉ SARYA 6:34

Banī Kɔ́ɔ̄ɓē əla ndílən rɔ̄ Jedeo̰ tə́ tītə̄ kūbə̄ kə́ kəla rɔ̄ deē tə́ beē adə̄ ni kɔ̄ŕ tōw̄ ɓāŕəń Abiejer gə̄ ō,

NGÉ SARYA 6:9

n-gān̄g dɔsí jī de gə̄ kə́ Ejiptə tə́ ō, jī de gə̄ malang ń rāān̄ kumsí ndoō tə́ ní ō, n-tə̄ɓā madə̄ ba̰ā̰sí gə̄ nosí tə́ kɔ̄ɔ́ ba n-adə̄ńsí dɔ nang yādə́ ní ō.

NGÉ SARYA 3:27

Dan ń ugə̄ loo ní tə́ anī, kɔ̄ŕ tōw̄ dɔ mbal̄ yā *Epəraim tə́ ɓāŕəń ngán *Israel gə̄. Gō tə́ anī risən̄ kɔ̄ɔ́ dɔ mbalá, nəkɔ́ i kété no ngán Israel gə̄ tə́.

SOPONI 1:16

Ndɔ̄ ngeé ń noō tə́ ní, deē a oō kōō áskar gə̄ loo kɔ̄ŕ bərúnjə́ tə́ ō, loo túr̄ kɔĺ rɔ̄ɔ̄ tə́ ō, dɔ ɓē gə̄ kə́ ndogə̄ mbal̄ gə̄ gīrə̄n̄ gidədə́ gə̄ tə́ ō, dɔ kújə́ ngɔ̄m̄ ɓē yādə́ gə̄ kə́ ngāl̄ ɓururu kum kə̄ dɔɔ́ gə̄ tə́ ō.

OJEE 5:8

Kɔ́ɔ̄ɓē əda na: Ī-kɔ̄ríī tōw̄ gajə batə̄ kem ɓē kə́ Gibea tə́, ī-kɔ̄ríī bərúnjə kem ɓē kə́ Rama tə́! Ī-tāāī de kə́ Bet Aben gə̄. Sḭḭ̄ de kə́ gír ɓē yā Benjamḛ tə́ gə̄, madə̄ ba̰ā̰ a rə̄ngō rɔ̄n i gidəsí tə́ n a ənīńsí rɔ̄ɔ̄ ní.

EJEKIEL 7:14

De gə̄ a kɔ̄rə́n̄ bərúnjə ngá̰ý ō, a əndān̄ dɔ yá̰a̰ malang danaá kɔ̄ɔ́ ō ɓá tā, ba deē kógə̄ḿ kə́ yā kaw̄ ta rɔ̄ɔ̄ tə́ a gətóo. Tɔdɔ̄ wōn̄g rāām̄ i kə ngán *Israel gēé malang.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

LEBI GƏ̄ 23:24

kəda ngán *Israel gə̄ ndū najə̄ gə̄ ń toō: Ndɔ̄ kə́ ta kəga dɔ yā nāā kə́ nge ko̰ sīrí i ndɔ̄ kɔr̄ koō yāsí, adə̄ i ndɔ̄ sabat. I ndɔ̄ kəga kem dɔ yá̰a̰ gə̄ ń rāān̄ yá̰á̰ tə́ ní ō, i ndɔ̄ kəga kɔr̄ rɔ̄nel̄ dɔ Kɔ́ɔ̄ɓē tə́ ō, i ndɔ̄ kán̄ naā yā rɔȳm̄ ō.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán *Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

JEREMI 49:2

Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ *Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.

NDŪ NAJƏ̄ 20:1

Ré āw̄ yā rɔ̄ɔ̄ madə̄ ba̰ā̰í gə̄, ba á̰á̰ sə́nda gə̄ ō, púsə rɔ̄ɔ̄ gə̄ ō, kósə de gə̄ kə́ kutədə́ i ngá̰ý tɔȳ yāí ō anī, ī-lōō ɓōĺ. Tɔdɔ̄ Kɔ́ɔ̄ɓē Nə́ɓā yāí ń teē seí kɔ̄ɔ́ kem ɓē kə́ Ejiptə tə́ ní i naā tə́ seí.