SOPONI 3:2 - Bible sar

² Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

Bibəl ta Sar̄

² Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

SOPONI 3:2 Referans Kwoze

JEREMI 22:21

M-ɔ̄r̄ najə̄ seí dan ń usiīneé dɔ yá̰a̰ tə́ aĺ ní. ba ī-tél ə́da na: m̄-gḛy koō ngōn̄ najə̄ sḛ́ý aĺ bátə́. I yá̰á̰ ń noō n ī-rāā kə ngōn̄ dūúí bátə́ ɓōólaā ní. Ḭ̄ ōō najə̄ yāḿ nja kógə̄ḿ alé.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ *ngé koō ta yāsí gə̄ tītə̄ ɓɔl kə́ nge kəhɔ yá̰a̰.

IJAI 43:22

Kɔ́ɔ̄ɓē əda na: *Israel, i mā n ī-ɓārə́m̄ ní alé. Banī ḭ̄, gír de gə̄ yā Jakob, kɔr asiī seḿ kɔ̄ɔ́.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

Gōsə̄ najə̄ gə̄ 5:12

Loo ń noō tə́ ā əda na ké ī-rāā i ba̰ý n kɔjə̄ nelīneé aĺ ní wa, ké kemií rāā i ba̰ý n kídəń ndán̄g kə́ ndángə̄nī dɔ hálí tə́ ní wa,

PĀ GƏ̄ 78:22

Tɔdɔ̄ nin̄ ənīn̄ kemdə́ adə̄n̄ Nə́ɓā aĺ ō, taān̄ kem kadə̄ ni asə kajədə́ aĺ ō.

PĀ GƏ̄ 73:28

Banī ndi majə yāḿ mā i ndi ngɔr rɔ̄ Nə́ɓā tə́. m̄-ɓɔ̄ɔ̄ rɔ̄ḿ i rɔ̄ Kɔ́ɔ̄ɓē Nə́ɓā tə́, kadə̄ m-ɔ́jəń kəla rāāí gə̄ malang.

PĀ GƏ̄ 50:17

Ḭ̄ ń ī-gḛy ndéy kɔjə̄ aĺ ō, ī-mbātə́ najə̄ yāḿ ō ní.

PĀ GƏ̄ 10:4

Nge kem ndul ɔsə rɔ̄n kə̄ dɔɔ́, əda na Nə́ɓā na gətóo. Kum kedə̄ yān malang n noó ngóy.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ *ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ *ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ *unjə̄ njáý njáý ō.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā *Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ *Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

JEREMI 35:13

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel əda ní n toó: Āw̄ ə́da de kə́ *Juda tə́ gə̄ ō, de gə̄ ń ndin̄ Jerusalem tə́ ní ō na: Ā ī-mbātíī yá̰a̰ gə̄ ń m̄-ndóōsí ní ō, ā ī-mbātíī najə̄ kɔrə̄ḿ gə̄ ō i bátə́ rə́ngáý tə́? Najə̄ ń Kɔ́ɔ̄ɓē əda ní n noó.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ *táĺ yā *Israel tə́ alé. Nin̄ sāān̄ Kɔ́ɔ̄ɓē alé.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

Gōsə̄ najə̄ gə̄ 1:7

Ɓōĺ ndíĺ Kɔ́ɔ̄ɓē i ta kəla gír ger̄ yá̰a̰. I de kə́ ngáā aĺ gə̄ n a rāān̄ yá̰á̰ ndóō ō, kum kedə̄ ō mbóó tə́ ní.

2 TIMOTE 3:16

Najə̄ gə̄ malang ń ndangən̄ kem makətūbə̄ yā Nə́ɓā tə́ ní, teēn̄ i ta Nə́ɓā tə́. Majə ndóoń deē yá̰a̰ ō, kɔjəń deē kadə̄ gír̄ yān i gō tə́ aĺ ō, tūrəń deē dɔ hálən tə́ ō, ndóoń deē loo rāā yá̰á̰ kə́ gōtə́ ō,

JEREMI 13:25

Dūbə̄ yá̰a̰ kənge yāí ń m̄-mbɔ̄jə́ m-ādī ní n toó, tɔdɔ̄ dɔí ndígə̄nal dɔḿ tə́ ō, ə̄nī kemií ādə̄ yá̰á̰ kə́ rɔ̄kum aĺ ō. Najə̄ ń Kɔ́ɔ̄ɓē əda ní n noó.

EJEKIEL 22:24

Ḭ̄ ngōn̄ deē, ə́dá ngán *Israel gə̄ na ɓē yādə́ to i tītə̄ dɔ nang kə́ man̄ edə tū tə́ aĺ beē. Ndɔ̄ wōn̄g yāḿ tə́ ní man̄ edə dɔ tə́ alé.

IJAI 9:12

Kɔ́ɔ̄ɓē ənda gír deē yān gə̄, banī *Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.