Makətūbə̄ ń Pol ndang adə̄ Rom gə̄ ní 9:16 - Bible sar

¹⁶ Adə̄ gə̄rā ń Nə́ɓā gə̄rā de gə̄ ní, i tām̄ kem ndigə yā deē tə́ aĺ ō, i tām̄ kəhɔ rɔ̄ tɔgə yā deē tə́ aĺ ō, banī i kə gō ka̰a̰ ń Nə́ɓā nəkɔ́ a̰a̰ kum tō ndoō yā deē ní ngóy.

Bibəl ta Sar̄

¹⁶ Adə̄ gə̄rā ń Nə́ɓā gə̄rā de gə̄ ní, i tām̄ kem ndigə yā deē tə́ aĺ ō, i tām̄ kəhɔ rɔ̄ tɔgə yā deē tə́ aĺ ō, banī i kə gō ka̰a̰ ń Nə́ɓā nəkɔ́ a̰a̰ kum tō ndoō yā deē ní ngóy.

Makətūbə̄ ń Pol ndang adə̄ Rom gə̄ ní 9:16 Referans Kwoze

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

Makətūbə̄ ń Pol ndang adə̄ Rom gə̄ ní 9:11

Ba loo gə̄rā ń Nə́ɓā a gə̄rā de gə̄ ní, i yá̰á̰ kə́ nəkɔ́ ɔjə loon kété jóo: Nə́ɓā a gə̄rā de gə̄ i kə gō ɓāŕ ń nəkɔ́ a ɓāŕdə́ ní, banī i tām̄ kəla rāādə́ gə̄ tə́ alé. Yā kɔjəń kadə̄ n-əya̰ yá̰á̰ kə́ nəkɔ́ ɔjə loon kété kɔ̄ɔ́ aĺ ní, Nə́ɓā əda Rebeka na: Nge kə́ nga tɔ́gə a əla dɔn gíŕ tɔ́gə yā nge kə́ dūú tə́ ní. Ba dan ngeé ń noō tə́ ní Rebeka ojə ngán gə̄ ní aĺ ɓáý.

Najə̄ kə́ Majə yā Jeju ń Luk ndang ní 10:21

*Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.

IJAI 65:1

Kɔ́ɔ̄ɓē əda na: M-ə̄ndā dɔ rɔ̄ḿ danaá kɔ̄ɔ́ yā kadə̄ m̄-dal najə̄, banī deē dəjem̄ najə̄ alé. M-ə̄ndā dɔ rɔ̄ḿ danaá kɔ̄ɔ́ tām̄ yā kəla tə́, banī de kə́ yā sāā njaḿ kadə̄ m̄-rāā seneé gətóo. M-ə́dá nápar de gə̄ kə́ ɓāŕmə̄n̄ kadə̄ m̄-rāā sedə́ alé na: Mā i laā, mā i laā!

JA̰A̰ 3:8

Tɔdɔ̄ nél a əla kumən i kə̄ loo ń nəkɔ́ ndigə tə́ ní. Ḭ̄ ōō i ká̰a̰n, ba ī-ger̄ loo ń ḭḭ tū tə́ ní alé. Deē ń i Ndíl n ojən ní, kɔ́ɔ̄ i tītə̄ noō ō.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ *táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

MATIYE 4:8

*Diabəl aw̄ seneé dɔ mbal̄ kógə̄ḿ kə́ ngāl̄ ngá̰ý tə́ ɓáý to̰, ɔjən ɓē ko̰o̰ gə̄ malang kə́ dɔ nang tə́, naā tə́ kə yá̰á̰ kə́ to *kɔsə gɔn yādə́ gēé

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

GALATƏ 2:2

Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.