Makətūbə̄ ń Pol ndang adə̄ Rom gə̄ ní 8:7 - Bible sar

⁷ Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír *ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

Bibəl ta Sar̄

⁷ Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

Makətūbə̄ ń Pol ndang adə̄ Rom gə̄ ní 8:7 Referans Kwoze

1 KORḚNTƏ 2:14

Deē ń aw̄ kə Ndíl Nə́ɓāá aĺ ní, a asə ndigə najə̄ kə́ rɔ̄kum gə̄ kə́ ḭḭn̄ rɔ̄ Ndíĺ ní tə́ alé: Najə̄ gə̄ ní i najə̄ kə́ to mbóo ta kumən ni tə́. Ni-asə ger̄ kumdə́ alé, tɔdɔ̄ deē a asə kəda najə̄ dɔ yá̰á̰ tə́ i kə ta kūl̄ Ndíl.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

Makətūbə̄ ń Pol ndang adə̄ Rom gə̄ ní 7:22

*Ndū najə̄ yā Nə́ɓā nel̄ kemḿ ngá̰ý,

HEBƏRO 8:10

Ni-əda ɓáý to̰ na: Gō ndɔ̄ gə̄ ngeé ń noō tə́ ní, *madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā *ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

2 TIMOTE 3:4

a télən̄ kɔ̄ɔ́ gír madə̄də́ gə̄ tə́ ō, a rāān̄ yá̰a̰ kanjə̄ gíŕ yá̰a̰ ō, kɔjə rɔ̄ utə̄ kumdə́ kɔ̄ɔ́ ō, a gḛyn̄ Nə́ɓā alé ba a gḛyn̄ i rɔ̄nel̄ yādə́ tá.

KOLOSƏ 1:21

Sḭḭ̄ ń kété sḭḭ̄ i sa̰y rɔ̄ Nə́ɓā tə́ ō, sḭḭ̄ i madə̄ ba̰ā̰n gə̄ ō, sɔɔ̄ń gír̄ yāsí ō, yá̰a̰ rāāsí kə́ majaĺ gə̄ ō ní,

Makətūbə̄ ń Pol ndang adə̄ Rom gə̄ ní 8:4

Ni-rāā tītə̄ ń noō i yā kadə̄ yá̰á̰ kə́ gōtə́ ń *ndū najə̄ əndā dɔ de gə̄ tə́ ní, i kə́ rāā tɔ̄l̄ ta kemjí jḭḭ̄ ń jə-ndiī i kə gō yā dā̰ rɔ̄ɔ́ to̰ alé, banī i kə gō yā *Ndíĺ kə́ Táĺ ní.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

Makətūbə̄ ń Pol ndang adə̄ Rom gə̄ ní 3:31

A ń noō ní, kadə̄ taā ń taān̄ kem ní rāā kadə̄ *ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

Makətūbə̄ ń Pol ndang adə̄ Rom gə̄ ní 1:30

ngé rāā mə́naā gə̄ ō, madə̄ kɔ̄l̄ Nə́ɓā gə̄ ō. Nin̄ i ngé sāā najə̄ gə̄ ō, ngé kɔjə rɔ̄də́ gə̄ ō, ngé kɔr ta rɔ̄də́ gə̄ ō. Nin̄ i ngé sāā kum kedə̄ kə́ rang gə̄ yā rāāń yá̰á̰ kə́ majaĺ gə̄ ō, ngé mbātə́ najə̄ ta bɔbə̄də́ kə kó̰ó̰də́ gə̄ tə́ ō.

MATIYE 12:34

Sḭḭ̄ ń i gír ɓūtə̄ lī kakə́m gə̄ ní, loo kadə̄ ā ɔ̄rī najə̄ kə́ majə dan ń sḭḭ̄ i kə́ majaĺ gə̄ ní i ba̰ý? Tɔdɔ̄ i yá̰á̰ kə́ rosə kemií ngá̰ý n a teē taí tə́ kə́ najə̄ tə́ ní.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

MATIYE 5:19

Adə̄ deē ń a mbātə́ gō míndə́ kógə̄ḿ kə́ dūú ngá̰ý ō, a ndóō de gə̄ kadə̄ mbātə́n̄ ō ní, a rāānən̄ i de kə́ dūú ngá̰ý kə́ kem *Ɓē ko̰o̰ kə́ dɔ rā̰ tə́ tə́. Banī deē ń rāā yá̰á̰ ń ndū najə̄ əda ní ō, a ndóō madə̄n gə̄ kadə̄ rāān̄ tītə̄ ń noō ō ní, a rāānən̄ de kə́ bo tə́ kem *Ɓē ko̰o̰ kə́ dɔ rā̰ tə́.

JEREMI 13:23

De kə́ *Kus asə tūr̄ ɓálən a? Kagə asə tūr̄ bḭḭ̄n a? Sḭḭ̄ de gə̄ ń rāā majaĺ ndér̄sí kɔ̄ɔ́ ní, ā ásiī rāā yá̰á̰ kə́ majə a?

2 YÁ̰A̰ GƏ̄ 19:2

Yehu *nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

PĀ GƏ̄ 53:1

Pā kə́ kem makətūbə̄ yā ngār yā gōsə̄ pā gə̄ tə́. Deē ā ə̄nīn i kə ndūí kə́ ɔjə kadə̄ rɔ̄í nelī alé. I pā yā Dabid kə́ yā ndóoń deē yá̰a̰.

1 KORḚNTƏ 9:21

Ré mā i dan de kə́ kanjə̄ *ndū najə̄ gə̄ tə́ anī, mā ń i de kə́ kanjə̄ ndū najə̄ yā Nə́ɓā alé, tɔdɔ̄ ndū najə̄ yāḿ i *Kərist ní, m̄-ndi tītə̄ kə́ mā i kanjə̄ ndū najə̄ dɔḿ tə́, kadə̄ m-ə́ngeń ngé gə̄ ń ndin̄ kanjə̄ ndū najə̄ ní.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ *de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

EJEKIEL 14:5

I tītə̄ ń noō n najə̄ yāḿ a əsōń kem ngán *Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.