Makətūbə̄ ń Pol ndang adə̄ Rom gə̄ ní 8:5 - Bible sar

⁵ Tɔdɔ̄ ngé gə̄ ń njə̄rān̄ i kə tɔ́gə yā dā̰ rɔ̄ɔ́ ní, gírə̄n̄ i dɔ yá̰a̰ yā dā̰ rɔ̄ tə́, ba ngé gə̄ ń njə̄rān̄ i kə tɔ́gə yā Ndíĺ ní, gírə̄n̄ i dɔ yá̰a̰ yā Ndíĺ tə́.

Bibəl ta Sar̄

⁵ Tɔdɔ̄ ngé gə̄ ń njə̄rān̄ i kə tɔ́gə yā dā̰ rɔ̄ɔ́ ní, gírə̄n̄ i dɔ yá̰a̰ yā dā̰ rɔ̄ tə́, ba ngé gə̄ ń njə̄rān̄ i kə tɔ́gə yā Ndíĺ ní, gírə̄n̄ i dɔ yá̰a̰ yā Ndíĺ tə́.

Makətūbə̄ ń Pol ndang adə̄ Rom gə̄ ní 8:5 Referans Kwoze

1 KORḚNTƏ 2:14

Deē ń aw̄ kə Ndíl Nə́ɓāá aĺ ní, a asə ndigə najə̄ kə́ rɔ̄kum gə̄ kə́ ḭḭn̄ rɔ̄ Ndíĺ ní tə́ alé: Najə̄ gə̄ ní i najə̄ kə́ to mbóo ta kumən ni tə́. Ni-asə ger̄ kumdə́ alé, tɔdɔ̄ deē a asə kəda najə̄ dɔ yá̰á̰ tə́ i kə ta kūl̄ Ndíl.

JA̰A̰ 3:6

Nge ń i deē n ojən ní i deē ō, nge ń i Ndíl n ojə ní i Ndíl ō.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā *Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl *Kərist aĺ anī, ni i deē yān alé.

MARK 8:33

Ba Jeju mbel, a̰a̰ ngé ndóō yá̰a̰ yān gēé ba ndán̄g Piyer, ədan na: Ī-tél gōḿ tə́ kɔ̄ɔ́ *Sətan, tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

2 KORḚNTƏ 10:3

Jḭḭ i deē ndul gə̄ ɓá tā, ba j-a jə-rɔ̄ɔ̄ i tītə̄ ń deē ndul gə̄ a rɔ̄ɔ̄n̄neé ní alé.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. *De kə́ dɔ rā̰ tə́ kə́ to *kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

1 KORḚNTƏ 15:48

De kə́ dɔ nang tə́ gə̄ a ton̄ i tītə̄ de kə́ dɔ nang tə́ ō, *de kə́ dɔ rā̰ tə́ gə̄ a ton̄ i tītə̄ de kə́ dɔ rā̰ tə́ ō.

GALATƏ 5:17

Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.