Makətūbə̄ ń Pol ndang adə̄ Rom gə̄ ní 8:15 - Bible sar

¹⁵ Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

Bibəl ta Sar̄

¹⁵ Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

Makətūbə̄ ń Pol ndang adə̄ Rom gə̄ ní 8:15 Referans Kwoze

2 TIMOTE 1:7

Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

1 KORḚNTƏ 2:12

Banī jḭḭ̄ j-əngeī i ndíĺ kə́ dɔ nang tə́ laā alé, ba i Ndíĺ kə́ ḭḭ rɔ̄ Nə́ɓā tə́, yā kadə̄ jə-gerīneé yá̰á̰ gə̄ ń Nə́ɓā adə̄jí kə gō kem ndaa yānneé ní.

Makətūbə̄ ń Pol ndang adə̄ Rom gə̄ ní 8:16

Ndíĺ Nə́ɓā əda ndíĺjí wáńg na jḭḭ̄ i ngáń Nə́ɓā.

HEBƏRO 2:15

Banī Jeju gān̄g dɔ ngé gə̄ ń ndin̄ tītə̄ ɓəlo gə̄ beé kə dɔ ndɔ̄ ndidə́ kə kumdə́ gə̄ malang ní, tɔdɔ̄ nin̄-ɓōlə́n̄ i yo.

EPEJƏ 1:5

Sɔɔ̄ń táŕ kə́ kemən tə́ ní, nəkɔ́ əndā dɔjí danaá kété kadə̄ jə-téliī ngánən gə̄ kə ta kūl̄ Jeju *Kərist. Ni-gḛy kadə̄ i tītə̄ ń noō, tɔdɔ̄ nelə̄n.

1 JA̰A̰ 4:18

Ɓōĺ gətóo tū táŕ tə́, banī táŕ kə́ majə ɔtə̄ kə taá tə̄ɓā ɓōĺ ndágá kɔ̄ɔ́, tɔdɔ̄ ɓōĺ ɔjə kadə̄ ndéy a to noó. Deē ń ndi kə ɓōló ní táŕ kə́ kemən tə́ majə ɔtə̄ kə taá alé.

MARK 14:36

Ni-əda na: Aba, Bɔbə́ḿ, ḭ̄ ásə rāā yá̰a̰ malang, úń kópə́ ń toō dɔḿ tə́ kɔ̄ɔ́. Banī kadə̄ i kə gō kem ndigə yāḿ alé, ba kadə̄ i kə gō kem ndigə yāí ḭ̄ kɔ́ tá.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.

Najə̄ kə́ Majə yā Jeju ń Luk ndang ní 11:2

Anī Jeju ədadə́ na: Ré ā ī-ndɔ̄yī anī, ə́daī na: Bɔbə̄jí, ādə̄ de gə̄ tɔ̄ȳn̄ rīí, ādə̄ *Ɓē ko̰o̰ yāí reē ō.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

Najə̄ kə́ Majə yā Jeju ń Luk ndang ní 22:42

Bɔbə́ḿ, ḭ̄ kɔ́ ndigə anī, úń kópə́ ń toō rɔ̄ḿ tə́ kɔ̄ɔ́, banī kadə̄ i gō kem ndigə yāḿ mā n kə yā rāā ní alé, ba kadə̄ i gō kem ndigə yāí ḭ̄ kɔ́ tá.

JA̰A̰ 16:8

Loo ń ni a ugə̄ anī, a əhɔ de kə́ dɔ nang tə́ gə̄ kə najá tām̄ yā majaĺ tə́ ō, yá̰á̰ kə́ gōtə́ tə́ ō, sarya yā Nə́ɓā tə́ ō.

Teē Ngán Israel gə̄ 20:19

Nin̄-ədan̄ Moijə na kə nəkɔ́ kə ɔr̄ najə̄ sedə́ anī n-a n-oōn̄, ba kadə̄ Nə́ɓā kə ɔr̄ najə̄ sedə́ to̰ alé na sōgə́ n-oyn̄.

KƏLA RĀĀ 16:29

Anī nge ngɔ̄m̄ dəngáý gə̄ ní dəje hor ba udə kújə dəngáyá láẃ, əsō nja Pol nin̄ kə Silas tə́. Ɓōĺ rāān adə̄ rɔ̄n ndew yakə yakə.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

Najə̄ kə́ Majə yā Jeju ń Luk ndang ní 8:37

Loo ń noō tə́ ɓáa kósə de kə́ gō nang ngeé ń noō tə́ gə̄ malang dəjen̄ Jeju kadə̄ ɔtə kɔ̄ɔ́ dɔ nang yādə́ tə́, tɔdɔ̄ ɓōĺ asədə́ nák. Adə̄ Jeju ɔtə al̄ kem toó yā tél ta kaw̄ kə̄ gogə́.

Najə̄ kə́ Majə yā Jeju ń Luk ndang ní 8:28

Dan ń a̰a̰ Jeju anī əga kɔŕ ngá̰ý ō, əsō kə̄ nang tə́ njan tə́ ō, ba un ndūn kə̄ dɔɔ́ ədań ngá̰ý ɓororo na: Jeju, Ngōn̄ Nə́ɓā kə́ dɔɔ́, yāí i rí seḿ? m̄-rāāī ɓɔ́ ba ī-lōō rāām̄ yá̰á̰ kə́ tōr̄.

TƏ́DA 17:12

Aaro̰ rāā yá̰á̰ ń Moijə ədan ní. Ni-un ganán ba a̰ȳ ngɔ̄də̄ aw̄ dan de gə̄ tə́, anī a̰a̰ kadə̄ mo̰y ní əla gír tɔ̄l̄ de gə̄ kɔ̄ɔ́ ɓá. Ni-róō kajaja ō, rāā yá̰á̰ kə́ yā kutə̄ń dɔ majaĺ yā ngán Israel gə̄ ō.

JAKƏ 2:19

Ré ī-taā kem kadə̄ Nə́ɓā i kal kógə̄ḿ beē anī, ī-rāā i yá̰á̰ kə́ majə, ba ndíĺ kə́ majaĺ gə̄ taān̄ kem ō, ɓōĺ rāādə́ adə̄ ndewn̄ yakə yakə ō.

Makətūbə̄ ń Pol ndang adə̄ Rom gə̄ ní 8:26

Adə̄ i tītə̄ ń toō beé n *Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

Makətūbə̄ ń Pol ndang adə̄ Rom gə̄ ní 9:4

Tām̄ nin̄ i ngán *Israel gə̄: Nə́ɓā rāādə́ i ngánən gə̄ tə́ ō, adə̄də́ *kɔsə gɔn yān ō, rāā *madə̄ naā sedə́ ō, adə̄də́ *ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

2 KORḚNTƏ 11:4

Tɔdɔ̄ ré deē kógə̄ḿ reē ɔjəsí najə̄ yā Jeju kə́ rang ba i yā nge ń j-ɔjəsí najə̄ yān kété ní alé, aláa ə́hɔī ndíĺ kə́ rang kə̄ rɔ̄sí tə́ ba i nge ń ə́ngein̄ kété ní alé, aláa ī-taāī kem Najə̄ kə́ Majə kə́ rang ba i nge ń ī-taāī kem kété ní aĺ anī, sḭḭ̄ ī-tə́gāī tasí dɔ tə́ majə ngá̰ý.

GALATƏ 5:1

*Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

MATIYE 25:25

m̄-ɓōĺ, adə̄ m-āw̄ m̄-ɓɔ̄ɔ̄ sə́lē yāí nang tə́. Ngarā̰ kum sə́lē yāí ní n toó: Ī-taā.