Makətūbə̄ ń Pol ndang adə̄ Rom gə̄ ní 8:13 - Bible sar

¹³ Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

Bibəl ta Sar̄

¹³ Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

Makətūbə̄ ń Pol ndang adə̄ Rom gə̄ ní 8:13 Referans Kwoze

GALATƏ 6:8

Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

1 KORḚNTƏ 9:27

m̄-rāā rɔ̄ḿ yá̰á̰ kə́ ngan̄g, m-ə́la dɔ rɔ̄ḿ gíŕ tɔ́gə́ḿ tə́, na sōgə́ m-ɔ́jə de kə́ rang gə̄ najə̄ oy anī Nə́ɓā mbātə́m̄ kɔ̄ɔ́.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

GALATƏ 5:24

De gə̄ ń nin̄ i yā *Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

EPEJƏ 4:22

yá̰á̰ kə majaĺ gə̄ ń ī-rāāī kété jóó ní, majə kadə̄ ī-lōōī gírí. I beé n ā ī-lōōiń gíŕ háĺsí kə́ jóó tə́ ní. Tām̄ yá̰á̰ kə́ majaĺ gə̄ ń gólə̄n̄sí kété ní, a nujən̄ i deē.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ *unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

Makətūbə̄ ń Pol ndang adə̄ Rom gə̄ ní 7:5

Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī *Ndíĺ kə́ Táĺ rosə kemsí.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

EPEJƏ 4:30

*Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju *Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 8:12

Tītə̄ ń toō ní ngákó̰ó̰ḿ gə̄, i gáŕ kadə̄ jə-rāāī yá̰a̰ gə̄ ń Nə́ɓā ndigə ní, ba i gáŕ kadə̄ jə-rāāī yá̰a̰ gə̄ ń dā̰ rɔ̄jí kə́ nge rāā majaĺ ń toō ndigə ní to̰ alé.

Makətūbə̄ yā Job 20:13

Nel̄ tan ngá̰ý, adə̄ a əsan i jəke jəke kanjə̄ kəya̰n dɔɔ́ ō, ni ngɔ̄mən kem tan tə́ ɓáý ō.