Makətūbə̄ ń Pol ndang adə̄ Rom gə̄ ní 7:12 - Bible sar

¹² Adə̄ *ndū najə̄ i yá̰á̰ kə́ majaĺ alé ba i yá̰á̰ kə́ táĺ ō, gō míndə i yá̰á̰ kə́ *táĺ ō, kə́ gōtə́ ō, kə́ majə ō.

Bibəl ta Sar̄

¹² Adə̄ ndū najə̄ i yá̰á̰ kə́ majaĺ alé ba i yá̰á̰ kə́ táĺ ō, gō míndə i yá̰á̰ kə́ táĺ ō, kə́ gōtə́ ō, kə́ majə ō.

Makətūbə̄ ń Pol ndang adə̄ Rom gə̄ ní 7:12 Referans Kwoze

1 TIMOTE 1:8

Tɔdɔ̄ jə-gerī kadə̄ *ndū najə̄ i yá̰á̰ kə́ majə, banī ré jə-rāāī i yá̰á̰ ń adə̄n̄ ndū najə̄ tāmən tə́ ní tá.

PĀ GƏ̄ 119:137

Kɔ́ɔ̄ɓē, ḭ̄ i de kə́ gōtə́ ō, yá̰a̰ gə̄ ń ī-ra dɔ tə́ yā rāā ní i yá̰á̰ kə́ súmūú gə̄ ō.

Makətūbə̄ ń Pol ndang adə̄ Rom gə̄ ní 7:14

Jə-ger̄ majə kadə̄ *ndū najə̄ i yá̰á̰ yā Ndíĺ. Ba mā i de kə́ kə dā̰ rɔ̄ḿ ō, mā i ɓəlo yā majaĺ ō.

PĀ GƏ̄ 119:172

Ādə̄ ta ndo̰ḿ ənī pā tɔ̄yń yá̰a̰ gə̄ ń ɔ́sə kə de gēé ta rāā ní, tɔdɔ̄ gō míndí gə̄ malang i yá̰á̰ kə́ gōtə́ gə̄.

Makətūbə̄ ń Pol ndang adə̄ Rom gə̄ ní 3:31

A ń noō ní, kadə̄ taā ń taān̄ kem ní rāā kadə̄ *ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

NEHEMI 9:13

Ḭ̄ ń ī-ndi dɔ rā̰ tə́ ní ī-risə dɔ mbal̄ *Sinai tə́ ba ɔ̄r̄ najə̄ sedə́. Ə́dádə́ gō míndə kə́ gōtə́ kə́ kadə̄ rāān̄ gə̄ ō, ɔ́jə́də́ *ndū najə̄ kə́ rɔ̄kum gə̄ ō, jī bēl̄ loo rāā yá̰a̰ gə̄ ō, yá̰á̰ kə́ majə gə̄ kə́ kadə̄ rāān̄ gə̄ ō.

NDŪ NAJƏ̄ 10:12

Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō.

NDŪ NAJƏ̄ 4:8

I nápar de kə́ ngá̰ý kə́ rá gə̄ n *ndū najə̄ yādə́ gə̄ ō, jī-bēl̄ loo rāā yá̰a̰ yādə́ gə̄ ō, ton̄ kə gōó majə tītə̄ ndū najə̄ gə̄ malang ń m-ɔ́jə́sí ɓōólaā ní?

PĀ GƏ̄ 119:140

Najə̄ yāí ɔjə tɔ́gən kə̄ ndágá rɔ̄kum ō, nge kəla yāí ndigə najə̄ yāí ngá̰ý ō.

PĀ GƏ̄ 119:127

Nelə̄m̄ kə gō míndí gēé tɔȳ lɔ́r, tɔȳ lɔ́ŕ kə́ *unjə̄ njáý njáý.

PĀ GƏ̄ 119:38

Ī-rāā yá̰a̰ gə̄ ń ɔ́sə kə de gēé ta rāā ní tām̄ yā nge kəla yāí tə́. Loo ń noō tə́ de gə̄ a ɓōlə́n̄ ndílí.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

Makətūbə̄ ń Pol ndang adə̄ Rom gə̄ ní 7:16

Ba ré yá̰á̰ ń m̄-gḛy aĺ ní m̄-rāā anī, loo ń noō tə́ ní m̄-ndigə i najə̄ gō *ndū najə̄ tə́ ō, m-ə́da kadə̄ ndū najə̄ i yá̰á̰ kə́ majə ō.

PĀ GƏ̄ 119:86

Gō míndí gə̄ malang i najə̄ kə́ rɔ̄kum gə̄. Ngé ba̰ā̰ḿ gə̄ ngɔ̄də̄n̄ gōḿ kanjə̄ kumən ní, ī-rāā seḿ.