Makətūbə̄ ń Pol ndang adə̄ Rom gə̄ ní 5:12 - Bible sar

¹² I de kə́ kal kógə̄ḿ beē n rāā adə̄ majaĺ reē dɔ nang tə́ ní, ba majaĺ reē kə yoó, adə̄ de gə̄ malang oyn̄, tɔdɔ̄ nin̄ malang rāān̄ majaĺ.

Bibəl ta Sar̄

¹² I de kə́ kal kógə̄ḿ beē n rāā adə̄ majaĺ reē dɔ nang tə́ ní, ba majaĺ reē kə yoó, adə̄ de gə̄ malang oyn̄, tɔdɔ̄ nin̄ malang rāān̄ majaĺ.

Makətūbə̄ ń Pol ndang adə̄ Rom gə̄ ní 5:12 Referans Kwoze

Makətūbə̄ ń Pol ndang adə̄ Rom gə̄ ní 5:19

Tɔdɔ̄, tītə̄ ń de kə́ kal kógə̄ḿ beē mbātə́ najə̄ ta Nə́ɓā tə́, adə̄ de kə́ ngá̰ý gə̄ malang télən̄ń gíŕ ngé rāā majaĺ gə̄ ní, tītə̄ nəkɔ́ ń toō ɓáý to̰, de kə́ kal kógə̄ḿ beē a oō najə̄ ta Nə́ɓā tə́ yā kadə̄ de kə́ ngá̰ý gə̄ télnə̄ń de kə́ súmūú gə̄ ō.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju *Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū *kɔsə gɔn yā Nə́ɓā tə́ aĺ ní.

JAKƏ 1:15

Ba dan ń ngur yá̰á̰ kə́ majaĺ kə́ kem deē tə́ ní ndān̄ ngōn̄ anī, a ojə i rāā majaĺ, ba dan ń rāā majaĺ tɔgə anī a ojə i yo.

TA KƏLA 2:17

ba ī-lōō kəsa kan̄ kāgə̄ kə́ ré deē əsa anī a ger̄ yá̰á̰ kə́ majə ō, yá̰á̰ kə́ majaĺ ō, tɔdɔ̄ ndɔ̄ ń ā ə́sá tə́ ní, ā óy.

PĀ GƏ̄ 51:5

Tɔdɔ̄ yá̰á̰ kə́ gōtə́ aĺ gə̄ ń m̄-rāā ní m̄-ger̄. Yá̰á̰ kə́ majaĺ ń m̄-rāā ní to ta kumḿ tə́ ngándáńg.

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

Makətūbə̄ ń Pol ndang adə̄ Rom gə̄ ní 5:18

I beé n yá̰a̰ rāā kə́ gōtə́ aĺ yā de kə́ kal kógə̄ḿ beē ń i Adam ní, reēń kə saryaá dɔ deē ndul gə̄ tə́ malang ní. I tītə̄ noō n yá̰a̰ rāā kə́ gōtə́ yā de kə́ kal kógə̄ḿ beē ń i Jeju Kərist ní, unəń sarya kɔ̄ɔ́ dɔ deē ndul gə̄ tə́ malang ō, rāā adə̄ nin̄-ndin̄neé kə kumdə́ ō ní.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

1 KORḚNTƏ 15:56

Yá̰á̰ kə́ ta katə yā yo i majaĺ, ba tɔ́gə yā majaĺ i *ndū najə̄.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.