Makətūbə̄ ń Pol ndang adə̄ Rom gə̄ ní 5:1 - Bible sar

¹ Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju *Kərist.

Bibəl ta Sar̄

¹ Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

Makətūbə̄ ń Pol ndang adə̄ Rom gə̄ ní 5:1 Referans Kwoze

IJAI 32:17

Yá̰á̰ kə́ gōtə́ a ojə kem sɔl̄ lɔm, ni a reē kə ndi lápə́yaá ō, kə ndi kanjə̄ sōl̄ yá̰á̰ kógə̄ḿ ō, kə́ njɔ́ḿ gə̄ tə́ ō.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā *Ndíĺ kə́ Táĺ.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

KOLOSƏ 1:20

yā kadə̄ yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, tél ndin̄ naā tə́ seneé kə ta kūl̄ Ngōnə̄neé ō, tām̄ yā Ngōnən tə́ ō. Loo ń noō tə́ ni-rāā adə̄ lɔm to kə ta kūl̄ mósə Ngōnən ń a̰ȳ tū kāgə̄ kə́ dēsə́ tə́ ní.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju *Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ *Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ *Ndíĺ kə́ Táĺ adə̄ ní.

2 TESALONIK 3:16

Ādə̄ Kɔ́ɔ̄ɓē kə́ nge kem sɔl̄ lɔm sɔl̄ kemsí ngándáńg ō, kə ta róbə́ kə́ tayā tayā gə̄ ō. Ādə̄ Kɔ́ɔ̄ɓē i naā tə́ sesí malang.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

Makətūbə̄ ń Pol ndang adə̄ Rom gə̄ ní 4:5

Ba ré deē kógə̄ḿ rāā kəla aĺ gə̄gē, ba taā kem kadə̄ Nə́ɓā a rāā de kə́ nge rāā majaĺ kadə̄ a tél de kə́ gōtə́ anī, Nə́ɓā a rāā kadə̄ deē ń toō a tél de kə́ súmūú najə̄ taā ń ni-taā kem tə́ ní.

KOLOSƏ 3:15

Ādə̄ kem sɔl̄ yā *Kərist o̰o̰ ɓē kemsí tə́, tɔdɔ̄ Nə́ɓā ɓāŕsí kadə̄ ī-téliī de kə́ kógə̄ḿ beē gə̄. Ī-téliī ngé ndadə̄ Nə́ɓā gə̄.

IJAI 54:13

Ngání gə̄ malang ní, m-ā m̄-ndóōdə́ yá̰a̰ ō, nin̄ a ndin̄ dan majə tə́ ō.

Makətūbə̄ ń Pol ndang adə̄ Rom gə̄ ní 15:33

Ādə̄ Nə́ɓā kə́ nge kadə̄ de gə̄ kem sɔl̄ lɔm ndi naā tə́ sesí malang. *Adə̄ i tītə̄ ń noō.

KƏLA RĀĀ 10:36

Najə̄ ń Nə́ɓā ɔr̄ kə ngán *Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju *Kərist ń i Kɔ́ɔ̄ɓē yā de gə̄ malang ní.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń *ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

IJAI 27:5

Ba ré de kógə̄ḿ əla dɔn gírə́ḿ tə́ kadə̄ m̄-ngɔ̄mən anī, ni a əndā najə̄ naā tə́ seḿ kadə̄ lɔm to dɔ dáńjí tə́, a̰á̰ā̰, ni a əndā najə̄ naā tə́ seḿ yā kadə̄ lɔm to.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju *Kərist tə́ anī, najə̄ gətóo dɔsí tə́.

Makətūbə̄ ń Pol ndang adə̄ Rom gə̄ ní 5:18

I beé n yá̰a̰ rāā kə́ gōtə́ aĺ yā de kə́ kal kógə̄ḿ beē ń i Adam ní, reēń kə saryaá dɔ deē ndul gə̄ tə́ malang ní. I tītə̄ noō n yá̰a̰ rāā kə́ gōtə́ yā de kə́ kal kógə̄ḿ beē ń i Jeju Kərist ní, unəń sarya kɔ̄ɔ́ dɔ deē ndul gə̄ tə́ malang ō, rāā adə̄ nin̄-ndin̄neé kə kumdə́ ō ní.

Najə̄ kə́ Majə yā Jeju ń Luk ndang ní 19:42

Nə́ngētə́ ɓōólaā ń toō ḭ̄ ī-ger̄ yá̰á̰ ń a adī lɔm ní anī, ba ngɔlaā yá̰á̰ ń toō i kə́ ɓɔ̄ɔ̄ kɔ̄ɔ́ ta kumií tə́.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

Najə̄ kə́ Majə yā Jeju ń Luk ndang ní 19:38

ba ədan̄ na: Tɔ́r̄ ta i dɔ nge ń reē tə́ ní, dɔ mban̄g ń reē kə rī Kɔ́ɔ̄ɓēé tə́ ní. Kem sɔl̄ lɔm i dɔ rā̰ tə́ ō, *kɔsə gɔn i yā Nə́ɓā dɔɔ́ nú ō.

IJAI 55:12

Ā ī-teēī kɔ̄ɔ́ kem ɓē kə́ Babilon tə́ i kə rɔ̄nelēé ō, a télən̄ yā kaw̄ sesí gogə́ ɓēé loosí i kə kem kə́ sɔl̄ lɔmɔɔ́ ō. Dan ń ā ī-mānī anī, mbal̄ bo gə̄ ō, ngán mbal̄ gə̄ ō, a urən̄ kɔĺ rɔ̄nel̄. Kāgə̄ kə́ bembeé gə̄ malang a əndan̄ jīdə́ gíŕsí tə́.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ *ndū najə̄ gə̄ alé, ba i kadə̄ deē taā kem Jeju *Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī *ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i *Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

Makətūbə̄ ń Pol ndang adə̄ Rom gə̄ ní 10:10

Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

Makətūbə̄ ń Pol ndang adə̄ Rom gə̄ ní 3:30

tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i *Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem.

Makətūbə̄ ń Pol ndang adə̄ Rom gə̄ ní 1:17

Tɔdɔ̄ Najə̄ kə́ Majə ɔjə loo rāā ń Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́ ní: I kə gō taā kemeé ngóy, ta kəla gíŕ tə́ bátə́ ta tɔ̄l̄ ta tə́, tītə̄ ń ndangən̄neé kem makətūbūú na: Deē ń i de kə́ gōtə́ ta kum Nə́ɓā tə́ kə ta kūl̄ taā kem yān ní, a ndi kə kumneé i kə ta kūl̄ taā kem.

HABAKUK 2:4

Ī-ndang najə̄ ń toō: Deē ń gír̄ kə́ kemən tə́ i kə́ majaĺ ní, tɔ́gən gətóo. Banī deē ń ra dɔ ndūn tə́ kə Nə́ɓāá ní, i nge rāā yá̰á̰ kə́ gōtə́. I tītə̄ ń noō n ni ndiń kə kumneé ní

HEBƏRO 13:20

I kə ta kūl̄ mósə yā *madə̄ naā kə́ a to ngándáńg n Kɔ́ɔ̄ɓē yājí Jeju *Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

EPEJƏ 2:7

Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo.

GALATƏ 3:25

Ba dan ń taā kem reē ugə̄ anī, jḭḭ̄ i gír nge kəndā kumən gíŕjí tə́ to̰ alé.

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

Makətūbə̄ ń Pol ndang adə̄ Rom gə̄ ní 9:30

I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i *Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

JAKARI 6:13

A̰á̰ā̰, i ni n a tél yā rāān gogə́ ní. Ni a o̰ō̰ kūbə̄ mban̄g ō, a ndi dɔ kōr̄ kāgə̄ mbang tə́ ō, yā ko̰ó̰ń ɓē. *Nge tun̄ yá̰á̰ kógə̄ḿ a ra kadən tə́. Ba nin̄ jōó mbak a gerə̄n̄ kum najə̄ kə naá majə

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju *Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

PĀ GƏ̄ 122:6

Ī-dəjeī lápə́ya tām̄ yā ɓē kə́ Jerusalem tə́. Ɓē kə́ Jerusalem, ādə̄ ngé gə̄ ń nel̄də́ seí ngá̰ý ní ndin̄ jəke kanjə̄ sōl̄ yá̰á̰ kógə̄ḿ.

Makətūbə̄ yā Job 21:21

Tɔdɔ̄, dan ń gír ndɔ̄ yān gān̄g kɔ̄ɔ́ ní, yá̰á̰ ń a rāā ngánən gə̄ gotən tə́ ní usən alé.

Makətūbə̄ ń Pol ndang adə̄ Rom gə̄ ní 5:11

Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ *Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,