Makətūbə̄ ń Pol ndang adə̄ Rom gə̄ ní 4:2 - Bible sar

² Ré Abəraham tél de kə́ súmūú ta kum Nə́ɓā tə́ i tām̄ kəla rāān gə̄ tə́ anī, nge ń noō i yá̰á̰ kə́ yā kadə̄ ni a ɔjə rɔ̄n tāmən tə́. Banī ni-asə kɔjə rɔ̄n ta kum Nə́ɓā tə́ alé.

Bibəl ta Sar̄

² Ré Abəraham tél de kə́ súmūú ta kum Nə́ɓā tə́ i tām̄ kəla rāān gə̄ tə́ anī, nge ń noō i yá̰á̰ kə́ yā kadə̄ ni a ɔjə rɔ̄n tāmən tə́. Banī ni-asə kɔjə rɔ̄n ta kum Nə́ɓā tə́ alé.

Makətūbə̄ ń Pol ndang adə̄ Rom gə̄ ní 4:2 Referans Kwoze

1 KORḚNTƏ 1:31

Tɔdɔ̄ ndangən̄ kem makətūbə̄ yā Nə́ɓā na: Yā kadə̄ náā nəkɔ́ ɓáa ɔr ta rɔ̄n i kem Kɔ́ɔ̄ɓē tə́.

2 KORḚNTƏ 11:30

Ré i yā kadə̄ m-ɔ́jə rɔ̄ḿ anī, i yá̰a̰ malang ń a ɔjə tɔ́gə gətóo yāḿ kə̄ ndágá ní n m-ā m-ɔ́jəń rɔ̄ḿ ní.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń *ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

EPEJƏ 2:9

I kəla yāsí gə̄ n ajən̄sí ní alé, adə̄ de kə́ a asə kɔr ta rɔ̄n tāmən tə́ gətóo!

GALATƏ 3:22

Ba i tītə̄ ń noō alé, tām̄ makətūbə̄ yā Nə́ɓā əla dɔ yá̰a̰ gə̄ malang kə́ dɔ nang tə́ gíŕ tɔ́gə yā majaĺ tə́, yā kadə̄ Nə́ɓā adə̄ń ngé taā kem gə̄ yá̰á̰ ń ni-ənī míndən yā kadə̄ ngé taā kem Jeju *Kərist gə̄ ní.

1 KORḚNTƏ 9:16

Tɔdɔ̄ kɔjə de gə̄ Najə̄ kə́ Majə i yá̰a̰ kɔjə rɔ̄ yāḿ alé, tām̄ i yá̰á̰ kə́ m-ásə ndi kanjə̄n alé. Ré m-ɔjə de gə̄ Najə̄ kə́ Majə aĺ anī, yāḿ a majaĺ ngá̰ý!

1 KORḚNTƏ 1:29

I beé n deē ndul a asəń kɔjə rɔ̄n ta kum Nə́ɓā tə́ aĺ ní.

2 KORḚNTƏ 5:12

Jə-tél j-ədasí i Najə̄ kə́ Majə yājí jḭḭ gogə́ ɓáý to̰ alé, banī jə-sāā i kadə̄ ə́ngeī ta róbə kɔjə rɔ̄sí kə ta kūl̄jí, yā kadə̄ sḭḭ̄ ásiīneé tél kə najá kəda ngé gə̄ ń a ɔjən̄ rɔ̄də́ kə gidə yá̰á̰ kə́ ndágá karī, ba i kə yá̰á̰ kə́ ngarān̄g kem deē tə́ aĺ ní.

Makətūbə̄ ń Pol ndang adə̄ Rom gə̄ ní 15:17

Adə̄ m-ásə rāā rɔ̄nel̄ kəla ń m̄-rāā tām̄ yā Nə́ɓā tə́ ní sɔɔ̄ń i ɓoo naā yāḿ kə́ kə Jeju Kərist.

TA KƏLA 12:18

Anī *Parao̰ ɓāŕ Abəram ədan na: Ī-rāā i rí kə́ beé seḿ? Ə́dam̄ na i nə̄yá̰í alé i tām̄ rí tə́?

2 KORḚNTƏ 11:12

Yá̰á̰ ń m̄-rāā toó m-ā m-ún ta ɓáý, yā kadə̄ ngé gə̄ ń a sāān̄ najə̄ kə́ yā kəga rɔ̄də́ gidə tə́ ba kɔrəń ta rɔ̄də́ ō, kədań na kəla rāādə́ na i tītə̄ yājí ō ní, əngen̄neé ta róbən alé.

1 KORḚNTƏ 4:7

Tɔdɔ̄ i náā n rāāī ḭ̄ de kə́ tayā tə́ ní? Yá̰á̰ ń ə́ngé ní i rí n i kə́ adīn̄ i mbée aĺ ní? Banī loo ń adīn̄ i mbée anī, i tām̄ rí tə́ á ɔ́jəń rɔ̄í tītə̄ kə́ adīn̄ i mbée aĺ ní?

EJEKIEL 8:9

Ni ədam̄ ɓáý to̰ na: Údə kemeé ba á̰a̰ loo. De gə̄ rāān̄ yá̰á̰ kə́ majaĺ ngá̰ý ō, kə́ to yḛr kum ō, loo ń toō tə́ laā.

JOJUE 24:2

ba ni-əda de gə̄ malang na: Yá̰á̰ ń Kɔ́ɔ̄ɓē Nə́ɓā yā Israel əda ní n toó: Kété ní, kaasí gə̄ ndin̄ i gidə bā Opəratə tə́ ba a rāān̄ i ɓesə̄ gə̄ bátə́ ugə̄ń ɓāl̄ yā Tera kə́ bɔbə̄ Abəraham nin̄ kə Nahor tə́.

TA KƏLA 12:20

*Parao̰ əda de gə̄ yān gə̄ na kə tə̄ɓānən̄ kadə̄ aw̄ kə nə̄yá̰neé ō, kə yá̰a̰ kənge yān gēé malang ō.