Makətūbə̄ ń Pol ndang adə̄ Rom gə̄ ní 12:9 - Bible sar

⁹ Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

Bibəl ta Sar̄

⁹ Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

Makətūbə̄ ń Pol ndang adə̄ Rom gə̄ ní 12:9 Referans Kwoze

PĀ GƏ̄ 34:14

ādə̄ kɔ́ɔ̄ mbātə́ kɔr̄ najə̄ kə́ majaĺ ō, tétə̄ najə̄ aĺ ō.

1 PIYER 4:8

Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ *unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ *unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

1 TESALONIK 5:21

Ə̄ndāī ma̰ȳ najə̄ gə̄ malang, ba ī-ndigiī ngé kə́ majə gə̄.

PĀ GƏ̄ 101:3

Yá̰á̰ ń i yá̰á̰ kə́ gōtə́ aĺ ní, m-ā m̄-mbel yā ka̰ā̰ aĺ bátə́. M-ā m̄-kídə̄ túy taā kem, ni a ndetə kadəḿ ngɔr aĺ bátə́.

PĀ GƏ̄ 97:10

Sḭḭ̄ ngé táŕ Kɔ́ɔ̄ɓē gə̄, ī-kídī yá̰a̰ kə́ majaĺ. Ni ngɔ̄m̄ gō deē yān gə̄, ni-taādə́ jī ngé kem ndul gə̄ tə́ əya̰də́ dɔɔ́.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā *Jəjep tə́ gə̄ ń teēn̄ ta yo tə́ ní.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ *táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

2 KORḚNTƏ 8:8

I yá̰á̰ kə́ m-ɔ́sə sesí ta rāā alé, ba dan ń m-ɔ́jə́sí loo kəndā ń madə̄sí gə̄ əndān̄ rɔ̄də́ ta yá̰á̰ tə́ rāān̄ ní, m̄-nāāsí i mbéé m-á̰a̰ń ké tár yāsí i kə́ rɔ̄kum wa ngóy.

1 TESALONIK 5:15

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

2 KORḚNTƏ 6:6

J-ɔjə kə̄ ndágá kadə̄ jḭḭ i ngé rāā kəla gə̄ yā Nə́ɓā, i kə ta kūl̄ háĺjí kə́ *unjə̄ njáý njáý ō, ger̄ yá̰a̰ yājí ō, tə́gā ta yājí ō, kem majə yājí ō. I kə ta kūl̄ *Ndíĺ kə́ Táĺ ō, tár yājí kə́ rɔ̄kum ō,

HEBƏRO 1:9

Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí *ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

PĀ GƏ̄ 119:104

m̄-tél de kə́ nge kəndā ma̰ȳ yá̰á̰ ngá̰ý i kə ta kūl̄ yá̰a̰ gə̄ ń ī-ra kə de gēé ta rāā ní. I tām̄ najə̄ ń noō tə́ n m̄-mbātə́nń kun róbə sor̄ ní.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

PĀ GƏ̄ 119:163

Sor̄ nelə̄m̄ aĺ ō, m̄-gḛyn aĺ bátə́ ō, banī *ndū najə̄ yāí nelə̄m̄ ngá̰ý.

Gōsə̄ najə̄ gə̄ 26:25

Ré ni-ɔr̄ najə̄ kə míndən nelé anī ī-lōō taā kemən, tɔdɔ̄ ni ɓɔ̄ɔ̄ dɔ yá̰á̰ kə́ to yḛr kum gə̄ ngá̰ý tū tə́ noō.

PĀ GƏ̄ 55:21

Deē ngeé ń toō rɔ̄ madə̄ tan gə̄, ni-əhɔ *madə̄ naā yān i yá̰á̰ kə́ karī tə́.

PĀ GƏ̄ 36:4

Najə̄ kə́ tan tə́ i sor̄ ō gól̄ loo ō ngóy. Tām̄ yān tə́ ɓáa rāā yá̰á̰ kə́ majə i yá̰á̰ kə́ kumən gətóo.

1 TESALONIK 2:3

Najə̄ kə́ Majə ń j-ɔjə ní teē i tū gír̄ kə́ gō tə́ aĺ tə́ aĺ ō, kə́ yḛr tə́ aĺ ō, kə́ kə ngamaá tə́ aĺ ō,

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

JA̰A̰ 12:6

Ni-əda najə̄ ń noō i tɔdɔ̄ ndigə kə́ ni-ndigə i ngé ndoō gə̄ alé. Ba i tām̄ ni i nge ɓogə. Ni i nge ngɔ̄m̄ ngong nar, adə̄ a ɔy yá̰á̰ kə́ kemeé loo ɓogə tə́.

PĀ GƏ̄ 45:7

Nə́ɓā, kōr̄ kāgə̄ mbang yāí ndi ngándáńg. Kāgə̄ mban̄g yāí i yá̰a̰ rāāí kə́ súmūú ō.

MATIYE 26:49

Judas reē rɔ̄ Jeju tə́ kə̄ ta jī tə́ beé, ba ədan na: Lápə́ya Ngoljí! Ba ɓirə̄n kə̄ rɔ̄n tə́ dagə rāānneé lápə́ya.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.