Makətūbə̄ ń Pol ndang adə̄ Rom gə̄ ní 12:6 - Bible sar

⁶ Ba Nə́ɓā rajəjí, adə̄jí kadə̄ karī kə́ tayā tayā gə̄ sɔɔ̄ dɔjí kógə̄ḿ kógə̄ḿ malang. Ré i kadə̄ karī rāā kəla yā *nge koō ta yā Nə́ɓā a, ādə̄ deē ń ənge ní rāań kəla, ba kadə̄ i kə gō róbə taā kem yānneé.

Bibəl ta Sar̄

⁶ Ba Nə́ɓā rajəjí, adə̄jí kadə̄ karī kə́ tayā tayā gə̄ sɔɔ̄ dɔjí kógə̄ḿ kógə̄ḿ malang. Ré i kadə̄ karī rāā kəla yā nge koō ta yā Nə́ɓā a, ādə̄ deē ń ənge ní rāań kəla, ba kadə̄ i kə gō róbə taā kem yānneé.

Makətūbə̄ ń Pol ndang adə̄ Rom gə̄ ní 12:6 Referans Kwoze

1 KORḚNTƏ 7:7

Yá̰á̰ kə́ nelə̄m̄ ngá̰ý i kadə̄ de gə̄ malang ton̄ tītə̄ḿ mā beé. Banī yá̰a̰ gə̄ ń de gə̄ əngen̄ kógə̄ḿ kógə̄ḿ kə dɔdə́ gēé jī Nə́ɓā tə́ ní to tītə̄ naā alé. Deē kógə̄ḿ ənge i nge ń toō, banī de kə́ rang ənge i nge ń noō.

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

Makətūbə̄ ń Pol ndang adə̄ Rom gə̄ ní 1:11

Ngur kaw̄ ka̰a̰sí rāām̄ ngá̰ý, yā kadə̄ m-āw̄ m-ādə̄sí kadə̄ karī yā Ndíl kadə̄ ə́ngeīneé tɔ́gə.

1 KORḚNTƏ 13:2

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, *ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

1 KORḚNTƏ 14:1

Adə̄ ī-sāāī tár kadə̄ ə́ngeī kété no yá̰a̰ gə̄ tə́ malang. Ī-sāāī yá̰a̰ gə̄ ń *Ndíĺ kə́ Táĺ a adə̄ de gə̄ karī ní kadə̄ ə́ngeī ō. Ba mandang ɓáa ādī i tɔ́gə *kəda najə̄ kə́ Nə́ɓā əndā tasí tə́.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

1 TESALONIK 5:20

Ī-lōōī kídə̄ najə̄ ń Nə́ɓā əndā ta *ngé koō ta gə̄ tə́ ní.

1 KORḚNTƏ 14:29

Ba yā *ngé kəda najə̄ kə́ Nə́ɓā əndā tadə́ tə́ gə̄ ní, ādə̄ de gə̄ jōó aláa mətá dandə́ tə́ ɔrə̄n̄ najə̄, ba ādə̄ gotə gə̄ əndān̄ ma̰ȳ najə̄ gə̄ ń nin̄-ɔrə̄n̄ ní.

KƏLA RĀĀ 15:32

Jud ō, Silas ō ń nin̄ i *ngé koō ta gə̄ ní, ɔrə̄n̄ najə̄ kə ngákó̰ó̰də́ gēé dan i ngá̰ý. Mbūsə̄n̄neédə́ ō, adə̄n̄neédə́ tɔ́gə ō.

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

PILIPƏ 3:15

Jḭḭ̄ malang ń i de kə́ majə ɔtə̄ kə taá gə̄ ní, ādī gír̄ yājí i tītə̄ ń noō. Ba ré gír̄ yāsí i tītə̄ ń noō aĺ anī, Nə́ɓā nəkɔ́ a teē kumsí dɔ tə́.

EPEJƏ 3:5

Yá̰á̰ kə́ to loo mundə̄ tə́ ngeé ń toō ń Nə́ɓā teē kum ngámbang kəla yān gə̄ ń ni-ɔr̄ kam̄də́ ní ō, *ngé koō ta yān gə̄ ō, dɔ tə́ kə ta kūl̄ Ndíĺneé ní, ni teē kum de kə́ kété gə̄ dɔ tə́ alé.

KƏLA RĀĀ 13:1

*Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

Najə̄ kə́ Majə yā Jeju ń Luk ndang ní 11:49

I tām̄ najə̄ ń noō tə́ n Nə́ɓā əda kə kum kedēé na: M-ā m-ə́la kə *ngé koō ta gēé ō, kə ngámbang kəla gēé ō yā kadə̄də́. Nin̄ a tɔ̄lə̄n̄ ngé kə́rēý gə̄ dandə́ tə́ ō, a rāān̄ ngé kə́rēý gə̄ ndoō tə́ ō.

MATIYE 23:34

I tām̄ najə̄ ń noō tə́ n m-ā m-ə́lá *ngé koō ta gə̄ ō, ngé kum kedə̄ gə̄ ō, ngé ndóō de gə̄ ndū najə̄ gə̄ ō, kə̄ rɔ̄sí tə́ ní. Ā ī-tɔ̄lī kə́rēý gə̄ ō, ā ə́ndaī ngé kə́rēý gə̄ tū kāgə̄ kə́ dēsə́ tə́ kə máyá̰ ō, ā ə́ndaī kə́rēý gə̄ kə mərawaá kem kújə́ kán̄ naā yāsí tə́ ō, ā ī-ngɔ̄dīdə́ kə gō ɓē gə̄ ō.

1 KORḚNTƏ 14:24

Ba ré ngé taā kem gə̄ malang ədan̄ i najə̄ kə́ Nə́ɓā əndā tadə́ tə́, tá nge taā kem aĺ kógə̄ḿ, aláa i de kə́ ger̄ yá̰a̰ aĺ kógə̄ḿ, udə gōdə́ tə́ anī, najə̄ ń ni-oō ní rāā adə̄ ni-ger̄ majaĺ yān. Najə̄ malang ń ni-oō ní rāā sarya seneé ō,

KƏLA RĀĀ 21:9

Ni-aw̄ kə ngánən kə́ dəyá̰ gə̄ sɔ́ kə́ gerə̄n̄ dəngam aĺ gə̄. Nin̄ i *ngé kəda najə̄ kə́ Nə́ɓā əndā tadə́ tə́ gə̄.

1 KORḚNTƏ 3:5

Ní, Apolos i náā ō, Pol i náā ō? Nin̄ i ngé rāā kəla gə̄ yā Nə́ɓā kə́ ī-taāī kem i kə kūl̄də́ ngóy. Nin̄ kógə̄ḿ kógə̄ḿ ní rāān̄ kəla i kə gō tɔ́gə́ ń Kɔ́ɔ̄ɓē adə̄də́ ní.

1 KORḚNTƏ 12:18

Banī Nə́ɓā əndā ngán rɔ̄jí gə̄ kógə̄ḿ kógə̄ḿ rɔ̄jí tə́ i kə gō kem ndigə yānneé.

2 PIYER 1:20

Yá̰á̰ kə́ kété ń kadə̄ ī-gerī majə ní n toó: Najə̄ ń Nə́ɓā əndā ta *ngé koō ta gə̄ tə́ á ndangən̄ kem makətūbə̄ yān tə́ ní, de kə́ asə kɔjə kum kə dɔneé gətóo.

MATIYE 25:22

Nge ń taā sə́lē dūbú kutə jōó ní reē ngɔr rɔ̄n tə́ ō, ba ədan na: Kɔ́ɔ̄ḿ, ī-ɓɔ̄ɔ̄m̄ sə́lē i dūbú kutə jōó, ba á̰a̰ā̰, m-ə́nge sə́lē kə́ rang dūbú kutə jōó dɔ madə̄ tə́ ɓáý to̰.