Makətūbə̄ ń Pol ndang adə̄ Rom gə̄ ní 10:21 - Bible sar

²¹ Ba ngán Israel gə̄ ɓá anī Nə́ɓā əda tītə̄ ń toō dɔdə́ tə́ na: Kə dɔ ndɔ̄ gə̄ mā m̄-sə́ra jīḿ kə̄ rɔ̄ ngáń kə́ dum̄ naā gə̄ tə́ ō, kə́ mbātə́ najə̄ gə̄ tə́ ō.

Bibəl ta Sar̄

²¹ Ba ngán Israel gə̄ ɓá anī Nə́ɓā əda tītə̄ ń toō dɔdə́ tə́ na: Kə dɔ ndɔ̄ gə̄ mā m̄-sə́ra jīḿ kə̄ rɔ̄ ngáń kə́ dum̄ naā gə̄ tə́ ō, kə́ mbātə́ najə̄ gə̄ tə́ ō.

Makətūbə̄ ń Pol ndang adə̄ Rom gə̄ ní 10:21 Referans Kwoze

JEREMI 35:15

m̄-to dan kəla ngé kəla yāḿ gə̄ ń i *ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

Gōsə̄ najə̄ gə̄ 1:24

Banī m̄-ɓāŕsí anī ī-mbātíī ɓār̄ yāḿ ō, m-ə́la jīḿ kə̄ rɔ̄sí tə́ anī de kə́ usən dɔ tə́ gətóo ō,

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ *ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ *ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

JEREMI 25:4

Kɔ́ɔ̄ɓē əla ngé kəla yān gə̄ malang ń i *ngé koō ta gə̄ ní rɔ̄sí tə́ kanjə̄ kɔr ta tə́, banī sḭḭ̄ ōōī najə̄ yādə́ aĺ ō, ī-nēlī mbīsí ōōīneé najə̄ kɔr̄də́ aĺ ō.

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.

NDŪ NAJƏ̄ 9:13

Ba Kɔ́ɔ̄ɓē tél ədam̄ ɓáý to̰ na: M-á̰a̰ā̰ ní, gír de gə̄ ń toō i gír de kə́ ngé dɔ ngan̄g gə̄.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ *Jerusalem tə́.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā *Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ *Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.