Makətūbə̄ ń Pol ndang adə̄ Rom gə̄ ní 10:1 - Bible sar

¹ Ngákó̰ó̰ḿ gə̄, yá̰á̰ ń m̄-ndə̄ngā kemḿ tə́ tām̄ yā *Jipə gə̄ tə́ ō, yá̰á̰ ń m-ā m̄-ndɔ̄ȳ Nə́ɓā tām̄ yādə́ tə́ najə̄n tə́ ō ní i kadə̄ ajən̄.

Bibəl ta Sar̄

¹ Ngákó̰ó̰ḿ gə̄, yá̰á̰ ń m̄-ndə̄ngā kemḿ tə́ tām̄ yā Jipə gə̄ tə́ ō, yá̰á̰ ń m-ā m̄-ndɔ̄ȳ Nə́ɓā tām̄ yādə́ tə́ najə̄n tə́ ō ní i kadə̄ ajən̄.

Makətūbə̄ ń Pol ndang adə̄ Rom gə̄ ní 10:1 Referans Kwoze

JA̰A̰ 5:34

Mā m̄-sāā najə̄ kə́ kum tə́ yā deē alé, ba m-ə́da najə̄ ń toō i yā kadə̄ sḭḭ̄ ájiī.

JEREMI 18:20

Deē a əga kə̄rā majə kə yá̰á̰ kə́ majaĺ a? Tɔdɔ̄ nin̄ ndērə̄n̄ bəlo kadə̄ m-ə̄sō kemeé kadə̄ gír yāḿ gān̄g. Ādə̄ əga kemií dɔḿ mā ń m̄-rā ta kumií tə́ m-ɔ̄r̄ najə̄ seí tām̄ yādə́ tə́ ō, m̄-tūr̄ ta wōn̄g yāí kə́ ngá̰ý dɔdə́ tə́ kɔ̄ɔ́ ō ní.

Teē Ngán Israel gə̄ 32:13

Kadə̄ kə əga kemən dɔ ngé kəla yān gə̄ tə́: Abəraham ō, Isaak ō, Jakob ō, ń nəkɔ́ túbə̄ kə rɔ̄neé ənīń ndūn adə̄də́ əda na ngán kaadə́ gə̄ na a rosən̄ loo tītə̄ tə́yō̰ gə̄ kə́ dɔ rā̰ tə́ ō, ədadə́ na dɔ nang ń na ɔr̄ najə̄n sedə́ ní na a adə̄ ngán kaadə́ gə̄ kadə̄ tél yá̰a̰ yādə́ kə́ kə́ njɔ́ḿ gə̄ tə́ gə̄ tə́ ní ō.

Najə̄ kə́ Majə yā Jeju ń Luk ndang ní 13:34

*Jerusalem, Jerusalem, ḭ̄ nge tɔ̄l̄ *ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

JEREMI 17:16

Mā tā anī , m̄-mbātə́ kadə̄ mā i nge kul̄ yá̰a̰ yāí alé. Ḭ̄ ī-ger̄ majə kadə̄ m̄-ndə̄ngā ndɔ̄ kə́ majaĺ alé. Najə̄ ń teē taḿ tə́ ní m-ə́da i ta kumií tə́.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

1 SAMUEL 15:35

Samuel aw̄ ka̰a̰ Saul tə́ to̰ aĺ bátə́ oyń. Ni a nōō i Saul, tɔdɔ̄ Kɔ́ɔ̄ɓē ndə̄ngā rɔ̄n najə̄ kəndā ń n-əndā Saul mban̄g dɔ ngán *Israel gə̄ tə́ ní.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

Teē Ngán Israel gə̄ 32:10

Ní kə əya̰n kadə̄ wōn̄g yān kə rāān dɔdə́ tə́, na n-a n-nujədə́ kɔ̄ɔ́ malang ba n-a n-rāā kadə̄ Moijə tél gír de kə́ ngá̰ý gə̄.

Makətūbə̄ ń Pol ndang adə̄ Rom gə̄ ní 9:33

tītə̄ ń ndangən̄ kem makətūbūú ní, ndangən̄ na: Á̰a̰ī, m-ə̄ndā mbal̄ kə́ a tə́gā de gə̄ kem ɓē kə́ *Siyo̰ tə́, mbal̄ bo kə́ a tə́gā de gə̄ tə́nīdə́. Ba deē ń taā kemən ní rɔ̄n a sɔlə̄n alé.

Makətūbə̄ ń Pol ndang adə̄ Rom gə̄ ní 10:2

O̰o̰də́ tɔdɔ̄ Nə́ɓā ngá̰ý adə̄ mā i de kə́ kum tə́ yādə́ najə̄n tə́. Banī ko̰o̰ ń o̰o̰də́ tɔdɔ̄ Nə́ɓā ní i kanjə̄ ger̄ yá̰a̰.