PILIPƏ 4:9 - Bible sar

⁹ Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

Bibəl ta Sar̄

⁹ Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

PILIPƏ 4:9 Referans Kwoze

JAKƏ 1:22

Ī-rāāī yá̰a̰ kə gō najə̄ ní, ba ī-lōōī koō kə mbīsí ngóy. Tɔdɔ̄ ré ā ī-rāāī i beé anī, ā ī-gólī i rɔ̄sí sḭḭ̄ kɔ́ gə̄.

PILIPƏ 3:17

Ngákó̰ó̰ḿ gə̄, sḭḭ̄ malang ī-ndájə̄mī. Yá̰á̰ kə́ yā kadə̄ de gə̄ ndájə̄n̄ ní, jḭḭ jə-rāā kɔ̄ɔ́ ɓá. I beé ní, ādī kumsí i dɔ ngé gə̄ ń nin̄ a rāān̄ háĺ ń jḭḭ j-ɔjə ní tə́.

2 PIYER 1:10

Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

JA̰A̰ 13:17

Kə́ ngɔr ń toō tə́ ní ī-gerī yá̰á̰ ní kɔ̄ɔ́, ba ré ī-rāāī beé anī, rɔ̄sí a nel̄sí.

PILIPƏ 4:7

Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju *Kərist.

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ *Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

Najə̄ kə́ Majə yā Jeju ń Luk ndang ní 6:46

I tām̄ rí tə́ á ī-ɓāŕmī Kɔ́ɔ̄ɓē, Kɔ́ɔ̄ɓē, ba ré m-ə́dásí yá̰a̰ anī ī-rāāī aĺ ní?

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

MATIYE 7:21

I ngé gə̄ ń a ədamə̄n̄ na: Kɔ́ɔ̄ɓē, Kɔ́ɔ̄ɓē! Ní n a udən̄ kem *Ɓē ko̰o̰ kə́ dɔ rā̰ tə́ malang ní alé, banī i ngé gə̄ ń a rāān̄ yá̰á̰ ń kem Bɔbə́ḿ kə́ ndi dɔ rā̰ tə́ ndigə ní tá.

2 TESALONIK 3:4

Tá Kɔ́ɔ̄ɓē rāā adə̄ j-ənī kemjí mámák najə̄ yāsí tə́. Tɔdɔ̄ yá̰á̰ ń j-əda kadə̄ ī-rāāī ní ī-rāāī ō, ā ī-rāāī kə̄ nosí tə́ ō.

1 TESALONIK 1:6

Ba sḭḭ̄ ī-téliī ngé ndájə̄jí gə̄ ō, ngé ndájə̄ Kɔ́ɔ̄ɓē gə̄ ō, tām̄ ī-ndigiī najə̄ yā Nə́ɓā dan wur kɔl kə́ ngá̰ý tə́, kə ta kūl̄ rɔ̄nel̄ yā Ndíĺ kə́ Táĺ.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju *Kərist tə́ anī, najə̄ gətóo dɔsí tə́.

Makətūbə̄ ń Pol ndang adə̄ Rom gə̄ ní 15:33

Ādə̄ Nə́ɓā kə́ nge kadə̄ de gə̄ kem sɔl̄ lɔm ndi naā tə́ sesí malang. *Adə̄ i tītə̄ ń noō.

JA̰A̰ 2:5

Anī kó̰o̰n tél əda ngé rāā kəla gə̄ na kə rāān̄ yá̰a̰ malang ń Jeju a ədadə́ ní.

Najə̄ kə́ Majə yā Jeju ń Luk ndang ní 8:21

Banī ni-tūr̄ ədadə́ na: I ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i kó̰ó̰ḿ gə̄ ō, ngákó̰ó̰ḿ gə̄ ō ní.

1 TESALONIK 2:14

Ngákó̰ó̰ḿ gə̄, de gə̄ kə́ kem Egəlijə gə̄ yā Nə́ɓā tə́ ń taān̄ kem Jeju *Kərist tə́ á ndin̄ dɔ nang kə́ Jude tə́ ní, yá̰á̰ ń rāādə́ ní, rāāsí sḭḭ̄ ō. Tɔdɔ̄ i yá̰á̰ kə́ tōr̄ gə̄ ń ngé taā kem kə́ Jude tə́ gə̄ əngen̄ jī *Jipə gə̄ tə́ ní n sḭḭ̄ ə́ngeī jī de kə́ kem ɓē yāsí tə́ gə̄ ō ní.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

NDŪ NAJƏ̄ 5:1

Moijə ɓāŕ ngán *Israel gə̄ malang ba ədadə́ na: Israel gə̄, ōōī *ndū najə̄ gə̄ ō, jī-bēl̄ loo rāā yá̰a̰ gə̄ ō ń m-ā m-ə́dásí ɓōólaā kadə̄ ōōī ní. Ī-ndóōī ō, ə̄ndāī kumsí gírí kadə̄ úniī gō ō.

KƏLA RĀĀ 9:6

Ba ḭ́ḭ dɔɔ́ údə kem ɓēé, anī a ɔjənī yá̰á̰ ń kadə̄ ī-rāā ní.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

2 TIMOTE 4:22

Ādə̄ Kɔ́ɔ̄ɓē i naā tə́ kə ndílí. Ādə̄ Nə́ɓā rāā kem majə sesí.

1 KORḚNTƏ 14:33

Tɔdɔ̄ Nə́ɓā i Nə́ɓā kə́ nge rāā yá̰á̰ kə́ a̰a̰ gō naā aĺ alé, banī ni i Nə́ɓā kə́ nge rāā kadə̄ lápə́ya to. Tītə̄ ń a rāān̄neé loo kán̄ naā gə̄ malang yā de gə̄ yā Nə́ɓā tə́ ní,

JA̰A̰ 15:14

Ré ī-rāāī yá̰a̰ kə gō míndə́ḿ anī, sḭḭ̄ i madə̄ kə́ráḿ gə̄.

1 JA̰A̰ 3:22

Ká ré i yá̰á̰ rí gə̄gē n jə-gədeī jīn tə́ anī, j-a j-əngeī. Tɔdɔ̄ jə-rāā yá̰a̰ i kə gō míndəneé ō, jə-rāāī yá̰á̰ kə́ nelə̄n ō.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

1 KORḚNTƏ 4:16

I beé ní m̄-rāāsí ɓɔ́, ba ī-téliī ngé ndájə̄ḿ gə̄.