PILIPƏ 3:11 - Bible sar

¹¹ yā kadə̄ ré i loon tə́ anī ndól̄mə̄n̄ dan ngé gə̄ ń oyn̄ tə́ ní ō.

Bibəl ta Sar̄

¹¹ yā kadə̄ ré i loon tə́ anī ndól̄mə̄n̄ dan ngé gə̄ ń oyn̄ tə́ ní ō.

PILIPƏ 3:11 Referans Kwoze

JEJU TEĒ KUM JA̰A̰ 20:5

Gotə de kə́ rang gə̄ ń oyn̄ ní, ndólə̄n̄ alé, bátə́ kadə̄ ɓāl̄ kə́ dūbú kógə̄ḿ ní təgāń. Nge ń noō i ndól̄ kə́ ta kəga dɔ yā de kə́ koy gə̄.

KƏLA RĀĀ 26:7

Míndən ngeé ń ənī ní, gír ɓē gə̄ kə́ kutə gidə i jōó yā gír deē yājí gə̄ əndān̄ kemdə́ dɔ tə́ kadə̄ a reē yā kudə gírí, adə̄ nin̄ rāān̄ kəla adə̄n̄ Nə́ɓā ndɔ̄ɔ́ ō kadaá ō kanjə̄ dəba. Mban̄g Agəripa, i tām̄ kəndā kem dɔ míndə́ Nə́ɓā tə́ ngeé ń toō n *Jipə gə̄ sekə́mə̄n̄neé ní.

KƏLA RĀĀ 23:6

Pol ger̄ kadə̄ dan de gə̄ ń kánə̄n̄ naā á ndin̄ tə́ ní, dām̄ kógə̄ḿ gə̄ i *Sadusiyḛ gə̄ ō, dām̄ kə́rēý gə̄ i *Parijiyḛ gə̄ ō, adə̄ ni-əga kɔŕ ədań ngé sarya gə̄ na: Ngákó̰ó̰ḿ gə̄, mā i *Parijiyḛ ō, mā i ngōn̄ kem de kə́ ni i *Parijiyḛ ō! I tām̄ yā yá̰á̰ ń j-əndāī kemjí dɔ tə́ ní, adə̄ i tām̄ yā ndól̄ kə́ de kə́ koy gə̄ a ndólə̄n̄ tə́ n reēn̄neé seḿ loo sarya tə́ yā rāā sarya seḿ ní.

HEBƏRO 11:35

I kə ta kūl̄ taā kem n dəyá̰ gə̄ tél əngen̄ de gə̄ yādə́ kə́ koy gə̄ kə́ ndólə̄n̄ ní. Rāān̄ de kə́ rang gə̄ yá̰á̰ kə́ tōr̄ ń adə̄ oyn̄. Nin̄-mbātə́n̄ kadə̄ gāngə̄n̄ dɔdə́, yā kadə̄ ré n-oyn̄ anī, n-ndólə̄n̄ dan de kə́ koy gə̄ tə́ ba n-ndin̄ kə kumdə́ ndin̄ kə́ majə tɔȳ kə́ kété.

2 TESALONIK 2:3

Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.

1 TESALONIK 3:5

I tām̄ ń toō tə́ n m-ásə́ tə́gā taḿ to̰ alé, adə̄ m-ə́la Timote kadə̄ oō najə̄ kə́ dɔ taā kem yāsí tə́ ní. m̄-ɓōĺ kadə̄ Nge Nāā de gə̄ nāāsí, yā kadə̄ j-ɔr sesí i ndāńg karī.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

1 KORḚNTƏ 9:27

m̄-rāā rɔ̄ḿ yá̰á̰ kə́ ngan̄g, m-ə́la dɔ rɔ̄ḿ gíŕ tɔ́gə́ḿ tə́, na sōgə́ m-ɔ́jə de kə́ rang gə̄ najə̄ oy anī Nə́ɓā mbātə́m̄ kɔ̄ɔ́.

1 KORḚNTƏ 9:22

Dan de kə́ tɔ́gə́də́ gətóo gə̄ tə́ anī, m̄-ndi tītə̄də́ yā kəngeńdə́. Adə̄ m̄-rāā rɔ̄ḿ yá̰a̰ malang tām̄ yādə́ tə́ malang, yā kadə̄ m-ájəń de kə́rēý gə̄ dandə́ tə́.

Makətūbə̄ ń Pol ndang adə̄ Rom gə̄ ní 11:14

Kadə̄ ngé gə̄ ń nin̄ i mósə́ḿ gə̄ ní əndāmə̄n̄ nii dɔ tə́, anī m-ájəń ngé kə́rēý gə̄.

JA̰A̰ 11:24

Martə ədan na: m̄-ger̄ kadə̄ ni a ndól̄ ndɔ̄ ń de kə́ koy gə̄ a ndólə̄n̄neé ta ngóy ndɔ̄ gə̄ tə́ ní.

Najə̄ kə́ Majə yā Jeju ń Luk ndang ní 14:14

Loo ń noō tə́ rɔ̄í a nelī, tām̄ nin̄ a asən̄ kadī kum gotə alé. Tɔdɔ̄ a télən̄ kə yá̰a̰ gə̄ ń toō yā kadī gogə́ ndɔ̄ ń de kə́ súmūú gə̄ a ndólə̄n̄neé tə́ ní.

PĀ GƏ̄ 49:7

Nin̄ əndān̄ kemdə́ dɔ yá̰a̰ kənge yādə́ tə́. Ɔjən̄ rɔ̄də́ kə yá̰a̰ kənge yādə́ kə́ ngá̰ý.

KƏLA RĀĀ 27:12

Kum kā̰ā̰ ní majə ndi tū tə́ kūlīí alé. Adə̄ ngá̰ý gə̄ ndigən̄ kadə̄ ré i loon tə́ ɓáa kə n-aw̄ kə n-ndin̄ Penikəs kə n-ngóōn̄neé kadə̄ gír kūl̄ gān̄g tá. Penikəs i kum kā̰ā̰ kógə̄ḿ kə́ dor̄ kə́ Kəretə tə́, kə́ ra kumən sɔɔ̄ loo kə́ dɔ dáń mbɔ́r ɓē kə́ geleé tə́ kə loo kə́ no ɓē tə́ ō, ra kumən sɔɔ̄ loo kə́ dɔ dáń mbɔ́r ɓē kə́ ko̰ó̰ tə́ kə loo kə́ no ɓē tə́ ō.

1 KORḚNTƏ 15:23

Banī nin̄ a ndólə̄n̄ i kə gō naá: Kərist i kə́ kété yādə́ malang. Kutə gō anī i deē yān gə̄, ndɔ̄ ń ni a tél yā reēń tə́ ní.

2 TIMOTE 4:8

Ba ń toō ɓáa yá̰a̰ kəndā nja kə́ tām̄ yā tetə rɔ̄ɔ̄ tə́ to a ngóōm̄ noó: Yá̰á̰ ní i *jākā mbang yá̰a̰ rāā kə́ gōtə́ ń Kɔ́ɔ̄ɓē, nge gān̄g sarya kə́ gō tə́, a adə̄m̄ ndɔ̄ gān̄g sarya tə́ ní. A adə̄m̄ i mā ngóy alé, a adə̄ de gə̄ malang ń ta reēn nel̄də́ ngá̰ý á ndi a ngóōnən̄ ní ō.