PILIPƏ 1:6 - Bible sar

⁶ Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju *Kərist tə́.

Bibəl ta Sar̄

⁶ Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.

PILIPƏ 1:6 Referans Kwoze

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

EPEJƏ 4:12

I tītə̄ ń noō n ni-rāań adə̄ de gə̄ yā Nə́ɓā asənə̄ń rāā kəla yān ní, yā kadə̄ ngé kán̄ naā gə̄ ń i rɔ̄ *Kərist ní tɔgənə̄ń,

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū *kɔsə gɔn yān kə́ a to ngándáńg tə́, kə gō ɓoo naā yāsí kə *Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

PĀ GƏ̄ 138:8

Kɔ́ɔ̄ɓē a rāā yá̰a̰ malang tām̄ yāḿ tə́. Kɔ́ɔ̄ɓē, kem majə yāí to ngándáńg! Ngé gə̄ ń īkɔ́ ī-rāādə́ kə jīí ní, ī-lōō kəya̰də́ kɔ̄ɔ́.

1 KORḚNTƏ 1:8

I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju *Kərist tə́ ō ní.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.

HEBƏRO 10:35

I beé ní, ī-lōōī tḭ̄ḭ̄ ta kəndā kem dɔ tə́ yāsí kɔ̄ɔ́, tɔdɔ̄ a adə̄sí yá̰a̰ kəndā nja yāsí kə́ bo ngá̰ý.

JA̰A̰ 6:29

Jeju tél ədadə́ na: Kəla yā Nə́ɓā i kadə̄ ī-taāī kem nge ń Nə́ɓā əlan ní.

PILIPƏ 1:10

kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā *Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

PILEMO̰ 1:21

I tām̄ ger̄ kə́ m̄-ger̄ majə kadə̄ ā ōō najə̄ taḿ tə́ n m̄-ndangəń najə̄ ń toō ní. m̄-ger̄ kadə̄ yá̰á̰ ń m̄-dəjeī ní, ā ī-rāā kadə̄ mān̄ dɔ.

PILIPƏ 1:29

Tɔdɔ̄ kə́ ɔjə dɔ najə̄ yā *Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

2 TESALONIK 3:4

Tá Kɔ́ɔ̄ɓē rāā adə̄ j-ənī kemjí mámák najə̄ yāsí tə́. Tɔdɔ̄ yá̰á̰ ń j-əda kadə̄ ī-rāāī ní ī-rāāī ō, ā ī-rāāī kə̄ nosí tə́ ō.

KOLOSƏ 2:12

Tɔdɔ̄ dan ń rāān̄sí *batém ní, dubə̄n̄sí naā tə́ kə *Kərist ō, ī-ndólī naā tə́ seneé ō, tām̄ ī-taāī kem tɔ́gə yā Nə́ɓā ń ndólə̄n dan de kə́ koy gə̄ tə́ ní.

2 KORḚNTƏ 7:16

Rɔ̄ḿ nelə̄m̄ ngá̰ý tɔdɔ̄ m-ásə kəndā kemḿ dɔsí tə́ tū yá̰a̰ gə̄ tə́ malang.

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i *Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

KƏLA RĀĀ 16:14

Dəyá̰ kógə̄ḿ kə́ Tiyatir ndi dan dəyá̰ gə̄ ní tə́, rīn na i Lidə. Ni i nge gātə̄ kūbə̄ kə́ kərē ning ō, i de kə́ nge rɔȳ Nə́ɓā kété ō. Kɔ́ɔ̄ɓē rāā adə̄ ni-nēl̄ mbīn majə oōń najə̄ kɔr̄ Pol.

GALATƏ 5:10

Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

2 KORḚNTƏ 9:4

Ré i beé aĺ anī dan ń de kə́ Masedəwan tə́ gə̄ a reēn̄ seḿ ba a̰a̰n̄ kadə̄ ə̄ndāī dɔ rɔ̄sí danaá aĺ ɓáý ní anī, taā ń jə-taā kemsí mámák ní a tél i rɔ̄sɔl̄ yājí, m-ə́da tītə̄ ń noō i yā kədań najə̄ rɔ̄sɔl̄ yāsí sḭḭ̄ ō alé.

2 KORḚNTƏ 2:3

I tām̄ najə̄ ń noō tə́ n m̄-ndangəń makətūbə̄ m-ə́lań kété m-ādə̄sí ní, i yā kadə̄ ré m-ūgə̄ anī ī-rāāmə̄n̄neé kadə̄ kemḿ nelə̄m̄ aĺ alé. Tɔdɔ̄ ngé gə̄ ń majə kadə̄ rāāmə̄n̄ kadə̄ kemḿ nelə̄m̄ ní i sḭḭ̄. Tɔdɔ̄ m̄-ger̄ majə kadə̄ sḭḭ̄ ní ré rɔ̄ḿ mā nelə̄m̄ anī, rɔ̄sí sḭḭ̄ malang a nel̄sí ō.

2 KORḚNTƏ 1:15

Dan ń m̄-taā kem mámák kadə̄ a to i beé ní, ta kəga dɔ m̄-gír̄ i kaw̄ loosí kadə̄ ə́ngeī yá̰á̰ kə́ majə kə́ nge ko̰ jōó.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā *Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.