PILIPƏ 1:13 - Bible sar

¹³ I beé n áskar gə̄ malang kə́ kem ndogə̄ yā nge ko̰o̰ ɓē tə́ ō, gotə de kə́ rang gə̄ malang ō, gerə̄n̄neé kadə̄ mā i dəngáyá i najə̄ yā *Kərist tə́ ní.

Bibəl ta Sar̄

¹³ I beé n áskar gə̄ malang kə́ kem ndogə̄ yā nge ko̰o̰ ɓē tə́ ō, gotə de kə́ rang gə̄ malang ō, gerə̄n̄neé kadə̄ mā i dəngáyá i najə̄ yā Kərist tə́ ní.

PILIPƏ 1:13 Referans Kwoze

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.

EPEJƏ 3:1

Adə̄ mā Pol ń əhɔmə̄n̄ dəngáy najə̄ yā *Kərist tə́, tām̄ yāsí sḭḭ̄ de gə̄ ń i Jipə aĺ gə̄ tə́ ní, i tām̄ najə̄ ń noō tə́ n m̄-ndɔ̄yń Nə́ɓā ní.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

EPEJƏ 6:20

tām̄ mā i dəngáyá najə̄n tə́. Ī-ndɔ̄yī kadə̄ m-ɔ̄r̄ najə̄ kə́ dɔ tə́ kanjə̄ ɓōĺ tītə̄ ń i gáŕ kadə̄ m̄-rāań ní.

KƏLA RĀĀ 26:29

Anī Pol tél ədan na: Ká na̰y i sḛ́ý beē aáā, ngá̰ý a̰á̰ā̰, kadə̄ Nə́ɓā rāā adə̄ i ḭ̄ ngóy alé, ba kadə̄ i de gə̄ malang ń a oōn̄ najə̄ kə́ taḿ tə́ ɓōólaā toó, kadə̄ ī-téliī ī-toī tītə̄ḿ mə̄kɔ́, ba kadə̄ i kə súĺ gə̄ ń jīḿ tə́ toō jīsí tə́ alé.

PILIPƏ 4:22

De gə̄ yā Nə́ɓā malang ń ndin̄ laā ní, rāān̄sí lápə́ya, ba mandang ɓáa, i ngé kə́ kem ndogə̄ yā *Sejar tə́ gə̄.

KƏLA RĀĀ 28:30

Pol rāā ɓāl̄ jōó ta asə naā kem kújə́ ń ni-əhɔ tə́ ní. De gə̄ malang ń reēn̄ kəngen tə́ ní, ni-əhɔdə́ kə̄ rɔ̄n tə́ majə i kem kújə ngeé ń noō tə́.

KƏLA RĀĀ 28:20

Adə̄ i tām̄ najə̄ ń noō tə́ n m̄-dəje kadə̄ m-á̰á̰sí ō, m-ɔ̄r̄ najə̄ sesí ō ní. Kə́ rɔ̄kum tə́ ɓáa ənīn̄ súĺ gə̄ ń toō jīḿ tə́ i najə̄ yā deē ń ngán *Israel gə̄ əndān̄ kemdə́ dɔn tə́ ní tə́.

KƏLA RĀĀ 28:17

Rāā ndɔ̄ mətá gō tə́ anī, Pol ɓāŕ *Jipə kə́ bo bo gə̄ kə́ kem ɓē kə́ Rom tə́ ɓē looneé. Dan ń nin̄-ɔsən̄ dɔdə́ naā tə́ oy anī, ni ədadə́ na: Ngákó̰ó̰ḿ gə̄, m̄-rāā yá̰á̰ kógə̄ḿ kə́ majaĺ kə gír deē yājí gēé aĺ ō, kə yá̰a̰ kāgə̄ ɓē yā kaají gēé aĺ ō. Banī əhɔmə̄n̄ *Jerusalem əlamə̄n̄ jī Rom gə̄ tə́.

KƏLA RĀĀ 26:31

Dan ń nin̄-teēn̄ anī ədan̄ naā na: Deē ń toō rāā yá̰á̰ kógə̄ḿ kə́ asə yo aĺ ō, kə́ asə kadə̄ de tṵ́ṵ̄nəń kə súĺ aĺ ō.

EPEJƏ 4:1

I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.

PILIPƏ 1:30

Ngɔlaā ní sḭḭ̄ údiī dan rɔ̄ɔ̄ ń m̄-rɔ̄ɔ̄ kété á á̰a̰mī loon tə́ ní ō, sḭḭ̄ ī-gerī kadə̄ m-ā m̄-rɔ̄ɔ̄ rɔ̄ɔ̄ ní jīḿ tə́ laā ɓáý ō.