PILEMO̰ 1:8 - Bible sar

⁸ I tām̄ ń toō tə́ n mā ń *Kərist adə̄m̄ ta róbə kɔjiī yá̰á̰ gə̄ kə́ yā kadə̄ ī-rāā ní,

Bibəl ta Sar̄

⁸ I tām̄ ń toō tə́ n mā ń Kərist adə̄m̄ ta róbə kɔjiī yá̰á̰ gə̄ kə́ yā kadə̄ ī-rāā ní,

PILEMO̰ 1:8 Referans Kwoze

1 TESALONIK 2:6

Jə-sāā kadə̄ deē ɔsə gɔnjí alé, sḭḭ̄ aĺ ō, de kə́ rang gə̄ aĺ ō.

2 KORḚNTƏ 10:8

Tɔ́gə́ ń Kɔ́ɔ̄ɓē adə̄jí yā kadə̄ jə-rāań sesí kadə̄ āwī kum kə̄ kété, ba i yā kadə̄ jə-nujəńsí aĺ ní, ká ré m-ɔ́r ta rɔ̄ḿ ngá̰ý najə̄n tə́ adə̄ mān̄ dɔ loon gə̄gē anī, rɔ̄ḿ sɔlə̄m̄ tāmən tə́ alé.

2 KORḚNTƏ 3:12

Dan ń j-əndā kemjí i dɔ yá̰á̰ kə́ tītə̄ ń noō tə́ ní, j-ənī kemjí mámák jə-ndiń kanjə̄ sōl̄ yá̰á̰ kógə̄ḿ.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.

EPEJƏ 5:4

Ɔ̄rī najə̄ kə́ to rɔ̄sɔl̄ gə̄ aĺ ō, kə́ to ngonjə̄ gə̄ aĺ ō, ī-tāmī mbóo aĺ ō. Najə̄ gə̄ ń noō i najə̄ kə́ majə gə̄ alé. Majə kadə̄ ī-ndadī i Nə́ɓā tá.

2 KORḚNTƏ 11:21

Najə̄ ń m-ə́da ní rɔ̄ḿ sɔlə̄m̄ loon tə́: Tām̄ yá̰á̰ ń jə-rāā ní i kə́ loo de gə̄ kə́ tɔ́gə́də́ gətóo adə̄ al̄ naā tə́! Ɓá tā ba ré de kə́rēý nāā kɔjə rɔ̄n kə yá̰á̰ kógə̄ḿ anī, mā m-ā m̄-nāā kɔjə rɔ̄ḿ sḛ́ý ō. Najə̄ ń m-ā m-ɔ̄r̄ toó i tītə̄ najə̄ kɔr̄ nge kɔ̄r̄ beé: