PILEMO̰ 1:7 - Bible sar

⁷ Tām̄, ngōkó̰ó̰ḿ, m-ə́nge rɔ̄nel̄ ngá̰ý ō, m-ə́nge tɔ́gə ō, najə̄ tár yāí tə́. Tɔdɔ̄ ḭ̄ ī-sɔl̄ kem de gə̄ yā Nə́ɓā.

Bibəl ta Sar̄

⁷ Tām̄, ngōkó̰ó̰ḿ, m-ə́nge rɔ̄nel̄ ngá̰ý ō, m-ə́nge tɔ́gə ō, najə̄ tár yāí tə́. Tɔdɔ̄ ḭ̄ ī-sɔl̄ kem de gə̄ yā Nə́ɓā.

PILEMO̰ 1:7 Referans Kwoze

2 KORḚNTƏ 7:13

I tām̄ najə̄ ń noō tə́ n yá̰a̰ rāāsí sɔl̄ kemjí ní. J-ənge i kem sɔl̄ ngóy alé, Titə ń sḭḭ̄ malang ī-rāāniī ādə̄ kemən tetə kə̄ nang tə́ ní, rɔ̄nel̄ yān adə̄jí rɔ̄nel̄ ngá̰ý ō.

1 TESALONIK 3:9

Rɔ̄nel̄ malang ń j-ənge tām̄ yāsí tə́ ní, j-a jə-rāā i ba̰ý n j-a jə-ndadə̄ń Nə́ɓā kadə asə gō tə́ ní?

2 KORḚNTƏ 7:4

M-ə̄nā kemḿ mámák m-ādə̄sí. M-ɔ́r ta rɔ̄ḿ ngá̰ý najə̄ yāsí tə́. Dan wur kɔl yājí gə̄ tə́ malang ní, m-ə́nge kem sɔl̄ ngá̰ý ō, rɔ̄ḿ nelə̄m̄ ngá̰ý ō.

PILEMO̰ 1:20

A̰á̰ā̰, ngōkó̰ó̰ḿ, ī-rāā kem majə ń toō seḿ tām̄ yā Kɔ́ɔ̄ɓē tə́. Ī-rāā ādə̄ kemḿ tetə kə̄ nang tə́ kem *Kərist tə́.

1 TESALONIK 2:19

Tɔdɔ̄ ndɔ̄ reē Kɔ́ɔ̄ɓē yājí Jeju tə́ ní, yá̰a̰ kəndā kem dɔ tə́ yājí, aláa rɔ̄nel̄ yājí, aláa jākā *mbang yājí ní, i náā gə̄? I sḭḭ̄ aĺ a?

2 JA̰A̰ 1:4

Dan ń m-á̰á̰ ngání gə̄ loo njə̄rā tə́ gō najə̄ kə́ rɔ̄kum tə́ tītə̄ ń Bɔbə̄ Ngōn̄ ədańjí kadə̄ jə-rāāī ní, rɔ̄ḿ nelə̄m̄ ngá̰ý.

2 TIMOTE 1:16

Ādə̄ Kɔ́ɔ̄ɓē a̰a̰ kum tō ndoō yā de gə̄ kə́ kem kojə yā Onejipor tə́, tɔdɔ̄ ni-sɔl̄ kemḿ kə̄ nja naā tə́. Rɔ̄n sɔlə̄n najə̄ yā súĺ yāḿ gə̄ tə́ alé.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

1 KORḚNTƏ 16:18

Nin̄-rāān̄ adə̄ kemḿ tetə kə̄ nang tə́, tītə̄ ń rāān̄neé adə̄ kemsí sḭḭ̄ tetə kə̄ nang tə́ ō ní. Majə kadə̄ i-gerī ndigə de kə́ beē gə̄.