PĀ GƏ̄ 127:3 - Bible sar

³ Yá̰a̰ kənge kə́ rɔ̄kum kə́ gír kojə tə́ i ngōn̄ kə́ kojə, ngōn̄ i yá̰á̰ ń Kɔ́ɔ̄ɓē a əndāń nja deē ní!

Bibəl ta Sar̄

³ Yá̰a̰ kənge kə́ rɔ̄kum kə́ gír kojə tə́ i ngōn̄ kə́ kojə, ngōn̄ i yá̰á̰ ń Kɔ́ɔ̄ɓē a əndāń nja deē ní!

PĀ GƏ̄ 127:3 Referans Kwoze

NDŪ NAJƏ̄ 28:4

Tɔ́r̄ ta a reē dɔ ngán kemií gə̄ tə́ ō, dɔ kōō yāí gə̄ tə́ ō, dɔ yá̰a̰ kul̄ yāí gə̄ tə́ ō, dɔ kó̰o̰ man̄g yāí gə̄ tə́ ō, dɔ kó̰o̰ batə̄ yāí gə̄ tə́ ō, dɔ kó̰o̰ bə̄yā̰ yāí gə̄ tə́ ō.

1 SAMUEL 1:27

Ngōn̄ ń m̄-gəde Kɔ́ɔ̄ɓē kem ndɔ̄ȳ yāḿ tə́ ní n toó, Kɔ́ɔ̄ɓē adə̄m̄ yá̰á̰ ń m̄-gəden ní.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ *Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ *Siyo̰ tə́ ní, taā de gə̄ i kə ta kūl̄jí.

TA KƏLA 48:4

Ədan na n-a n-adə̄n ngán gə̄ ngá̰ý kadə̄ na a téĺ gír de kə́ ngá̰ý gə̄ ō, dɔ nang ń noō na n-adə̄ ngán kaan gə̄ gotən tə́ kadə̄ na i yādə́ tə́ ngándáńg ō.

TA KƏLA 33:5

Esau un kumən kə̄ dɔɔ́, a̰a̰ dəyá̰ gə̄ ō, ngán gə̄ ō, anī dəjen na ké de gə̄ ń seneé toō ké i náā gə̄ wa. Anī Jakob tél ədan na: I ngán gə̄ kə́ Nə́ɓā adə̄ nge kəla yāí.

TA KƏLA 1:28

Nə́ɓā rāā majə sedə́ ɓáý, ədadə́ na: Ɔ́jiī ngán gə̄ ī-bəlaī ī-rosiī dɔ nang malang, ə́laī dɔ yá̰a̰ malang ń m̄-rāā ní gíŕ tɔ́gə yāsí tə́. Ī-ndiī dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ malang kə́ a njə̄rā nang tə́ tə́ ō.

TA KƏLA 24:60

Nin̄ tɔ́rə̄n̄ tadə́ dɔ Rebeka tə́ ədan̄ na: Ḭ̄, ngōkó̰ó̰jí kə́ dəyá̰, ādə̄ ī-tél nge kojə kósə de kə́ ngá̰ý gə̄ ō, ādə̄ ngán kaaí gə̄ taān̄ ɓē yā madə̄ ba̰ā̰də́ gə̄ ō.

1 YÁ̰A̰ GƏ̄ 28:5

Kɔ́ɔ̄ɓē adə̄m̄ ngán gə̄ i ngá̰ý. Ba dan ngánə́ḿ gə̄ tə́ malang ní, i ngōnə́ḿ Salomo̰ n Kɔ́ɔ̄ɓē gə̄rān kadə̄ ndi dɔ kōr̄ kāgə̄ mbang kə́ Israel tə́ kadə̄ o̰o̰ ɓē kə rīneé ní.

IJAI 13:18

Ga̰ gərā yādə́ mbə́rē balsáa gə̄ tə́nīdə́, kumdə́ o̰o̰də́ kə ngáń kásə̄ gēé alé, nel̄də́ rāā ngán gə̄ yá̰á̰ kə́ tōr̄.

TA KƏLA 4:1

Adam ɓīī kə nə̄yá̰n Ebə adə̄ ndān̄ ngōn̄. Ebə ojə Kain anī əda na: Kɔ́ɔ̄ɓē rāā seḿ adə̄ m-ə́nge deē.

NDŪ NAJƏ̄ 28:11

Kɔ́ɔ̄ɓē Nə́ɓā yāí a rāā kadə̄ rɔ̄í nelī dɔ nang ń ənī ndūn adə̄ kaaí gə̄ yā kadī tə́ ní. Tɔdɔ̄ ni a adī ngán gə̄ ngá̰ý ō, a rāā kadə̄ yá̰a̰ kul̄ yāí gə̄ ojən̄ naā ngá̰ý ō, kadə̄ dɔ nang yāí a teē kōō ngá̰ý ō.

NGÉ SARYA 12:9

Ngánən kə dəngam gə̄ i kutə mətá ō, kə́ dəyá̰ gə̄ i kutə mətá ō. Adə̄ ngánən kə́ dəyá̰ gə̄ táān̄ ngaa gír ɓē kə́ rang gə̄ tə́ ō, táā ngáń kə́ dəyá̰ gə̄ kutə mətá kə́ gír ɓē kə́ rang tə́ adə̄ ngánən kə́ dəngam gə̄ ō. No ɔr no ngán Israel gə̄ ɓāl̄ sīrí.

2 SAMUEL 3:5

Ni kə́ nge ko̰ mehḛ́ i Itəream, ojən i kə nə̄yá̰n Egəla. Ngán kə́ dəngam gə̄ ń Dabid ojədə́ Hebron ní n noó.

1 YÁ̰A̰ GƏ̄ 8:40

Ngán Ulam gə̄ i go̰ rɔ̄ɔ̄ gə̄ ō, nin̄ gerə̄n̄ kur gərā ngá̰ý ō. Ngáńdə́ gə̄ ō, ngán kaadə́ gə̄ ō i ngá̰ý. Nin̄ malang i deē 150. De gə̄ ń noō malang i de kə́ gír ɓē yā Benjamḛ tə́ gə̄.

Makətūbə̄ yā Job 1:2

Ngánən kə́ dəngam gə̄ i sīrí ō, kə́ dəyá̰ gə̄ i mətá ō.