OJEE 7:10 - Bible sar

¹⁰ Ngán *Israel gə̄ ɔjən̄ rɔ̄də́, banī kɔjə rɔ̄ yādə́ ní ɔjə i rāā yá̰a̰ kə gōó alé yādə́ kə̄ ndágá. Israel tél reē rɔ̄ḿ mā Kɔ́ɔ̄ɓē Nə́ɓā yān tə́ alé. Yá̰a̰ malang ń rāān ní gə̄gē, ni sāā njaḿ alé.

Bibəl ta Sar̄

¹⁰ Ngán Israel gə̄ ɔjən̄ rɔ̄də́, banī kɔjə rɔ̄ yādə́ ní ɔjə i rāā yá̰a̰ kə gōó alé yādə́ kə̄ ndágá. Israel tél reē rɔ̄ḿ mā Kɔ́ɔ̄ɓē Nə́ɓā yān tə́ alé. Yá̰a̰ malang ń rāān ní gə̄gē, ni sāā njaḿ alé.

OJEE 7:10 Referans Kwoze

OJEE 5:5

Kɔjə rɔ̄ yā *Israel əda najə̄ dɔn tə́. Israel nin̄ kə *Epəraim əsōn̄ i najə̄ yá̰a̰ rāādə́ kə́ gōtə́ aĺ tə́. *Juda əsō naā tə́ sedə́ tītə̄ yādə́ ō.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ *Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

Makətūbə̄ ń Pol ndang adə̄ Rom gə̄ ní 3:11

De kə́ ger̄ najə̄ gətóo. Deē kógə̄ḿ kə́ sāā Nə́ɓā gətóo.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta *ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.

OJEE 7:7

Nin̄ malang ní, təngān̄ tītə̄ púŕ mápa beé ō, nin̄ tɔ̄lə̄n̄ ngār yādə́ gə̄ ō. Mban̄g yādə́ gə̄ malang tə́sōn̄ kɔ̄ɔ́ ō, de kə́ sāā njaḿ mā gətóo ō.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

Gōsə̄ najə̄ gə̄ 27:22

Ká ré ə̄nī mbóo bírí dan kōō gə̄ tə́ ba ī-sobən kə goyoó gə̄gē anī mbóo yān a ɔr̄ kemən tə́ alé.

PĀ GƏ̄ 53:2

Mbóo gə̄ gírə̄n̄ kemdə́ tə́ na Nə́ɓā na gətóo. Nin̄ i de kə́ nujə kɔ̄ɔ́ gə̄ ō, yá̰a̰ rāādə́ to yḛr kum ō, deē kógə̄ḿ kə́ dandə́ tə́ kə́ rāā yá̰a̰ kə gōó gətóo ō.

PĀ GƏ̄ 14:2

Kɔ́ɔ̄ɓē ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰ā̰ ké nge kə́rēý kumən edə̄ sḛ́ý adə̄ a sāā Nə́ɓā wa.

PĀ GƏ̄ 10:4

Nge kem ndul ɔsə rɔ̄n kə̄ dɔɔ́, əda na Nə́ɓā na gətóo. Kum kedə̄ yān malang n noó ngóy.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

IJAI 9:12

Kɔ́ɔ̄ɓē ənda gír deē yān gə̄, banī *Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.