OJEE 4:7 - Bible sar

⁷ Ngé tun̄ yá̰a̰ gə̄ malang kanjə̄ kɔr̄ deē kógə̄ḿ kə̄ gogə́ ní, mānə̄n̄ dɔ ndūḿ. I beé ɓá ní, m̄ ī-tūr̄ gíŕ yá̰a̰ kɔjə rɔ̄ yādə́ kadə̄ téĺ yá̰a̰ rɔ̄sɔl̄.

Bibəl ta Sar̄

⁷ Ngé tun̄ yá̰a̰ gə̄ malang kanjə̄ kɔr̄ deē kógə̄ḿ kə̄ gogə́ ní, mānə̄n̄ dɔ ndūḿ. I beé ɓá ní, m̄ ī-tūr̄ gíŕ yá̰a̰ kɔjə rɔ̄ yādə́ kadə̄ téĺ yá̰a̰ rɔ̄sɔl̄.

OJEE 4:7 Referans Kwoze

OJEE 13:6

M-ɔ́riī ta róbə m-āw̄ seí ko̰ó̰ ō, ə́sá yá̰a̰ adə̄ tɔ̄l̄ ɓōí ō. Ba dan ń ī-ndān̄ anī, ɔ́jə rɔ̄í ō, dɔí ndígə̄naləḿ kɔ̄ɔ́ ō.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i *ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

MALASI 2:9

I beé ní, ta i dɔḿ tə́ kadə̄ m̄-sə̄lā ngán *Israel gə̄ dɔsí tə́, kadə̄ kídə̄n̄sí ō, télən̄ sesí kə̄ nang tə́ ō. Tām̄ sḭḭ̄ ōōī taḿ aĺ ō, dan ń úniī *ndū najə̄ yā rāań kəla anī, ɔ̄rī kam̄ de gə̄ naā tə́ ō.

OJEE 10:1

Kété ní *Israel i *kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā *loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

OJEE 4:10

Nin̄ a əsan̄ yá̰a̰, banī ɓō a rāādə́ ngándáńg. A rāān̄ ájə́ba, banī a ojən̄ ngōn̄ alé. A̰á̰ā̰, mā ń i Kɔ́ɔ̄ɓē ní, nin̄ əya̰mə̄n̄ kɔ̄ɔ́ ba rāānəń ájə́ba.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

OJEE 6:9

Ɓūtə̄ *ngé tun̄ yá̰a̰ gə̄ kógə̄ḿ a tɔ̄l̄ i de gə̄ dɔ róbə́ kə́ Sisem tə́, tītə̄ ngé gān̄g róbə gə̄ kə́ ndin̄ dɔ rɔ̄də́ tə́ yā kənī rɔ̄ɔ̄ beé. A̰á̰ā̰, nin̄ rāān̄ yá̰á̰ kə́ to rɔ̄sɔl̄ gə̄!

OJEE 5:1

Kɔ́ɔ̄ɓē əda na: Sḭḭ̄ *ngé tun̄ yá̰a̰ gə̄, ōōī majə, sḭḭ̄ ngār gə̄ yā *Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

ESDRAS 9:7

Əla gír ɓāl̄ yā kaají gə̄ tə́ bátə́ ɓōólaā ní, gír deē yājí gə̄ rāān̄ yá̰á̰ kə́ gōtə́ aĺ gə̄ ngá̰ý. I tām̄ najə̄ ń noō tə́ n mban̄g kə́ tə̄rā gə̄ ndin̄neé dɔjí tə́ ō, dɔ mban̄g yājí gə̄ tə́ ō, dɔ *ngé tun̄ yá̰a̰ yājí gə̄ tə́ ō, rɔ̄ɔ̄n̄neéjí ō, aw̄n̄neé sejí ɓəloó ō, ɔyn̄neé yá̰a̰ kənge yājí gə̄ ō, əlan̄neé rɔ̄sɔl̄ dɔjí tə́ ō tītə̄ ń rāān̄neé ɓōólaā ɓáý ní.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

OJEE 9:11

Ngɔlaā ní kɔjə rɔ̄ yā Epəraim gə̄ a ḭḭ bɔ̄gə̄ yā kaw̄ kɔ̄ɔ́ tītə̄ yel̄ kə́ ḭḭ bɔ̄gə̄ aw̄ kɔ̄ɔ́ beē: Ngán gə̄ a gətóon̄ ō, dəyá̰ kə́ ngé ndān̄ ngán gə̄ a gətóon̄ ō, deē a ojə deē ndul to̰ aĺ ō!

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə *Epəraim kə̄ nang tə́, a̰á̰ā̰, rɔ̄ *Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,