OJEE 3:4 - Bible sar

⁴ Tɔdɔ̄ ngán *Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

Bibəl ta Sar̄

⁴ Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

OJEE 3:4 Referans Kwoze

NGÉ SARYA 17:5

Tá Mika ngeé ń toō i de kə́ udə mbal̄ kə nja dɔɔ́ ɓēé looneé kété adə̄ Nə́ɓā. Loo ń noō tə́ Mika mēr̄ rāā ɓesə̄ Epod kógə̄ḿ ō, ɓesə̄ Terapim gə̄ ō, ba ɔr̄ ngōnən kógə̄ḿ əndān *nge tun̄ yá̰a̰ yān tə́.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, *Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

TA KƏLA 31:19

Laban aw̄ kəja bḭḭ̄ batə̄ yān gə̄ tə́, anī Rasel ɓogə ɓesə̄ terapim yān gə̄ gotən tə́.

HEBƏRO 10:26

Tɔdɔ̄ ré jə-gerī najə̄ kə́ rɔ̄kum pá tá jə-na̰yiī kə̄ loo rāā yá̰á̰ kə́ majaĺ tə́ kə gō kem ndigə yājí anī, gotə *yá̰a̰ tun̄ kə́ tām̄ majaĺ tə́ gətóo.

DANIEL 12:11

Əla gír kum mbang ń deē a asəń ndējə̄ Nə́ɓā *yá̰a̰ tun̄ kə́ dɔ ndɔ̄ gə̄ to̰ aĺ tə́ ō, a əndānn̄eé yá̰á̰ kə́ to yḛr kum kə́ nge nujə loo dɔ *loo tun̄ yá̰á̰ tə́ ō ní, ndɔ̄ gə̄ malang ń a mānə̄n̄ ní I ndɔ̄ dūbú kə́ ɓú jōó kə kutə ndōhó.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

1 SAMUEL 23:9

Dan ń Dabid ger̄ kadə̄ Saul a nómə̄n i ni anī əda Abiatar ń i nge tun̄ yá̰á̰ ní kadə̄ reē kə yá̰a̰ ndḛḛ̄ sāá.

NGÉ SARYA 8:27

Jedeo̰ ɔy lɔ́ŕ ní rāā ɓesə̄ kógə̄ḿ tə́ ba udə kem ɓē yān tə́ Opəra. Ngán Israel gə̄ malang ndɔ̄ȳn̄ ɓesə̄ ní, adə̄ tél i gūmbə̄ tām̄ yā Jedeo̰ tə́ ō, gír kojə yān tə́ ō.

Teē Ngán Israel gə̄ 28:4

Kūbə̄ gə̄ ń a urə̄n̄ ní i pekətoral ō, epod ō, kūbə̄ ngāl̄ ō, kūbə̄ kə́ rang kə́ gīndə̄ gō madə̄ tə́ kə́ rāān̄ yá̰á̰ súūn gə̄ tū tə́ ō, kūbə̄ kənda dɔ ō, kəlā kūbə̄ kə́ yā do̰ō̰ń ɓōdə̄ ō. Ngōkó̰ó̰í Aaro̰ nin̄ kə ngánən gēé a əlan̄ rɔ̄də́ tə́ yā rāań kəla *tun̄ yá̰a̰ kadə̄m̄.

JA̰A̰ 19:15

Banī nin̄-unən̄ ndūdə́ kə̄ dɔɔ́ ngá̰ý ədanə̄ń na: Ādə̄ oy! Ādə̄ oy! Əndan kə máyá̰ tū kāgə̄ kə́ dēsə́ tə́! Pilatə tél ədadə́ na: Kə m-ə́nda mban̄g yāsí kə máyá̰ tū kāgə̄ kə́ dēsə́ tə́ a? Anī Ngol gə̄ kə́ dɔ *ngé tun̄ yá̰a̰ gə̄ tə́ tél ədan̄ na: Jḭḭ j-aw̄ kə mban̄g kə́ rang alé, i *Sejar ngóy!

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i *Jipə aĺ gə̄ a tə́ɓān̄ ɓē kə́ *Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā *ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

OJEE 13:11

Loo ń noō tə́ ní m-ādī mban̄g gə̄, tɔdɔ̄ wōn̄g rāām̄ seí. Ba m̄-tél m̄-taādə́ kɔ̄ɔ́, tām̄ wōn̄g rāām̄ ngá̰ý.

OJEE 2:11

I tām̄ najə̄ ń toō tə́ n dan yā sāā kōō gémē gə̄ tə́ anī, m-ā m̄-tél yā reē taā gémē yāḿ ní ō, m-ā m̄-tél yā reē taā kasə *nduú yāḿ kə́ kijə dan yā mbə́rē kan̄ nduú gə̄ tə́ ní ō. M-ā m̄-taā kūbə̄ *bḭḭ̄ batə̄ yāḿ kɔ̄ɔ́ ō, m-ā m̄-taā kūbə̄ *lḛ́ḛ yāḿ kɔ̄ɔ́ ō, yá̰a̰ gə̄ ń noō ń majə kadə̄ ni utə̄ń gidə rɔ̄n ní.

DANIEL 11:31

Áskar gə̄ ń ni a əla sedə́ ní a reēn̄ yā ndi ta *loo kə́ táĺ ń i loo kə́ ngan̄g ní tə́ ō, a rāān̄ *loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ *loo tun̄ yá̰á̰ tə́ ō.

EJEKIEL 21:21

Kaskar kə́ a əja yá̰a̰ gān̄g, ī-tə́gā de gə̄ ko̰ó̰ gē geleé gē! Ī-tūr̄ taí kə́ atə límbé límbé kə̄ loo gə̄ tə́ malang.

EJEKIEL 20:32

Sḭḭ̄ ə́daī na ī-ndigiī kəto tītə̄ gotə nápar de gə̄, tītə̄ de gə̄ kə́ ɓē kə́ rang gə̄ tə́. Ə́daī na ī-ndigiī rɔȳ kāgə̄ gə̄ kə mbal̄ gə̄. Banī yá̰á̰ ń ī-gírī ní a rāā yá̰a̰ alé.

2 MBAN̄G 23:24

Josias rāā adə̄ *ngé koō ta de kə́ koy gə̄ ō, kɔdə̄ sāā gə̄ ō, ɓesə̄ Terapim gə̄ ō, gotə ɓesə̄ kə́ rang gə̄ ō, gətóon̄ kɔ̄ɔ́ malang dɔ nang kə́ Juda tə́ ō, kem ɓē kə́ Jerusalem tə́ ō. Ni-rāā yá̰á̰ ń ndangən̄ kem makətūbə̄ *ndū najə̄ ń Hilkia ngol *ngé tun̄ yá̰a̰ gə̄ ənge kem *kújə yā Kɔ́ɔ̄ɓē tə́ ní.

2 SAMUEL 6:14

Gō tə́ anī ni ndām̄ kə tɔ́gən gēé malang ta kum Kɔ́ɔ̄ɓē tə́ ɔsəń gɔn Kɔ́ɔ̄ɓē. Kūbə̄ ń do̰ō̰ gírən tə́ ní i ta kūbə̄ *lḛ́ḛ..

1 SAMUEL 30:7

Dabid əda nge tun̄ yá̰á̰ ń i Abiatar ngōn̄ Ahimelek ní na: m̄-rāāī ɓɔ́, ún epod ī-reēń ādə̄m̄. Anī Abiatar un epod reēń adə̄n.

1 SAMUEL 23:6

Dan ń Abiatar ngōn̄ Ahimelek a̰ȳ reē ɓɔ̄ɔ̄ rɔ̄n rɔ̄ Dabid tə́ ní, ni-aw̄ Keila kə yá̰a̰ ndḛḛ̄ sāá jīn tə́.

1 SAMUEL 22:18

Anī mban̄g əda Doeg na: Ɔ́tə ī-tɔ̄l̄ *ngé tun̄ yá̰a̰ gə̄ ń noō. Anī Doeg kə́ Edom njə̄rā kə̄ rɔ̄ *ngé tun̄ yá̰a̰ gə̄ tə́ tɔ̄l̄də́ kə jīneé. Ndɔ̄ ń noō tə́ ni tɔ̄l̄ de gə̄ kutə sɔ́sɔ́ gidə i mí kə́ o̰o̰n̄ epod *lḛ́ḛ rɔ̄də́ tə́ gə̄.

1 SAMUEL 21:9

Dabid əda Ahimelek ɓáý to̰ na: Yá̰á̰ kə́ tītə̄ nənga, aláa kaskar gətóo jīí tə́ a? M-ún kaskar yāḿ aĺ ō, m-ɔ́ý yá̰a̰ rɔ̄ɔ̄ yāḿ gə̄ aĺ ō, tɔdɔ̄ mban̄g əlam̄ i kəla kə́ láẃ ngá̰ý.

1 SAMUEL 14:3

Deē ń epod i jīn tə́ ní i Ahia ngōn̄ Ahitub. Ahitub i ngōkó̰o̰ Ikabod kə́ ngōn̄ Pinas. Pinas i ngōn̄ Eli ń kété i *nge tun̄ yá̰a̰ yā Kɔ́ɔ̄ɓē kem ɓē kə́ *Silo tə́ ní. Jonatan ń aw̄ ní de gə̄ gerə̄n̄ gōn alé.

1 SAMUEL 2:18

Ba Samuel ń ni i ngōn̄ ní a rāā kəla i ta kum Kɔ́ɔ̄ɓē tə́. Kūbə̄ kə́ gírən tə́ i epod *lḛ́ḛ.

LEBI GƏ̄ 8:7

Əla kūbə̄ kə́ ngāl̄ rɔ̄ Aaro̰ tə́ ō, do̰ō̰ ɓōdə̄n kə kəlaá ō. Əla kūbə̄ kə́ ngāl̄ kə́ rang kə́ gində̄ gō madə̄ tə́ dɔ tə́ ō, əla epod dɔ tə́ ō, ba do̰ō̰ ta kəlān gidən tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

TA KƏLA 31:34

Rasel ɔy ɓesə̄ terapim gə̄ ní ɓōkə́ gíŕ síŕdí gidə jámbal tə́ ba ndi dɔ tə́. Laban gó̰ō̰ kem kújə malang ba ənge yá̰á̰ kógə̄ḿ alé.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ *ndū najə̄ gətóo kɔ̄ɔ́. Tá *ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

OJEE 13:10

I beé ní, mban̄g yāí ń kadə̄ ajiī ní ni i rá? Ba kem ɓē yāí gə̄ tə́ malang ní, ngār yāí gə̄ i rá? Kété ní ə́dam̄ na kə m-ādī mban̄g kógə̄ḿ ō, ngār gə̄ ō.

JAKARI 10:2

Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán *Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.

Teē Ngán Israel gə̄ 28:6

Kɔdə̄ gə̄ a əjōn̄ epod kə kəlā *lḛ́ḛ́ kə́ ngan̄g gēé. A tə́lan̄ kəlā *bḭḭ̄ batə̄ kə́ ndul gusə gusə ō, kə́ kərē bḭḭ ō, kə́ kərē pírírí ō, dan kəlā *lḛ́ḛ gə̄ ní tə́. A rāān̄ yá̰á̰ súūn gə̄ tū tə́ kə lɔ́rɔ́.

EJEKIEL 19:14

Banī hor kógə̄ḿ teē ɓōdə̄n tə́, o̰o̰ ta jīn gə̄ ō, kanə̄n gə̄ ō. Ta jīn kə́ ngan̄g kə́ yā kadə̄ tél kāgə̄ jī yā mban̄g to̰ gətóo. A ənīn̄ pā ń toō i tītə̄ loo kənī pā yo beé.

EJEKIEL 21:31

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: A taān̄ ta kūbə̄ kənda dɔ yāí kɔ̄ɔ́ ō, a taān̄ *jākā mbang yāí kɔ̄ɔ́ ō. Yá̰a̰ gə̄ a tūrə̄n̄! A ɔsən̄ de kə́ najə̄də́ gətóo gə̄ kə̄ dɔɔ́, ba a télən̄ kə de kə́ bo gə̄ kə̄ nang tə́.