OJEE 13:15 - Bible sar

¹⁵ Dan ń Epəraim tɔgə dan ngákó̰o̰n gə̄ tə́ anī, nél kə́ dūn̄ ɓē tə́ reē, néĺ ní ḭḭ i dəla loo tə́. I mā Kɔ́ɔ̄ɓē n m-ə́la seneé ní. Loo ń noō tə́ ní, loo gə̄ ń man̄ gə̄ a əɓan̄ tū tə́ ní, man̄ kə́ tū tə́ gə̄ gətóon̄ kɔ̄ɔ́ ō, kem bəlo man̄ gə̄ tutən̄ kɔ̄ɔ́ ō. Nél un yá̰a̰ kənge aw̄ń kɔ̄ɔ́, ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.

Bibəl ta Sar̄

¹⁵ Dan ń Epəraim tɔgə dan ngákó̰o̰n gə̄ tə́ anī, nél kə́ dūn̄ ɓē tə́ reē, néĺ ní ḭḭ i dəla loo tə́. I mā Kɔ́ɔ̄ɓē n m-ə́la seneé ní. Loo ń noō tə́ ní, loo gə̄ ń man̄ gə̄ a əɓan̄ tū tə́ ní, man̄ kə́ tū tə́ gə̄ gətóon̄ kɔ̄ɔ́ ō, kem bəlo man̄ gə̄ tutən̄ kɔ̄ɔ́ ō. Nél un yá̰a̰ kənge aw̄ń kɔ̄ɔ́, ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.

OJEE 13:15 Referans Kwoze

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

EJEKIEL 17:10

Əhɔn̄ *kāgə̄ nduú ní majə, banī ni asə rāā rɔ̄n alé. Ré néĺ kə́ dūn̄ ɓē tə́ a əla dɔn tə́ anī, ni a tutə malang kɔ̄ɔ́. Ni a tutə kɔ̄ɔ́ dɔ nang ń sɔɔ̄ kadə̄ ni tɔgə tū tə́ ní.

JEREMI 4:11

Kem ndɔ̄ gə̄ ń noō tə́ ní, de gə̄ a ədan̄ gír de gə̄ ń toō ō, Jerusalem ō na: Nél kə́ təngā piling əla dɔ loo kə́ kḭḭ kə̄ dɔɔ́ gə̄ tə́ ō, kem dəla loo tə́ ō, aw̄ kum kə̄ dɔ gír deē yāḿ gə̄ tə́. Ni-aw̄ i kə̄ tó yá̰á̰ tə́ aĺ ō, kɔy tə́ aĺ ō.

TA KƏLA 49:22

Jəjep i kāgə̄ kə́ a an̄ kə́ əɓa kadə man̄ tə́. Ta jīn gə̄ mānə̄n̄ dɔ ndogə̄ mbal̄ kə̄ dɔɔ́.

TA KƏLA 41:52

Əndā rī ni kə́ nge ko̰ jōó na i Epəraim, tɔdɔ̄ əda na Nə́ɓā na adə̄n ngán gə̄ kem ɓē ń na n-a̰a̰ tápə̄ ngá̰ý tū tə́ tə́ ní.

NAHUM 2:9

Ninibə to i tītə̄ kār̄ kə́ man̄ kə́ kemeé də̄yā̰ kɔ̄ɔ́ malang beé. Deē kógə̄ḿ əga kɔŕ əda na: Ī-dəbaī, ī-dəbaī! Banī dan de gə̄ ń a a̰ȳn̄ naā tə́ ní, de kə́ mbel gətóo.

OJEE 10:1

Kété ní *Israel i *kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā *loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

OJEE 9:11

Ngɔlaā ní kɔjə rɔ̄ yā Epəraim gə̄ a ḭḭ bɔ̄gə̄ yā kaw̄ kɔ̄ɔ́ tītə̄ yel̄ kə́ ḭḭ bɔ̄gə̄ aw̄ kɔ̄ɔ́ beē: Ngán gə̄ a gətóon̄ ō, dəyá̰ kə́ ngé ndān̄ ngán gə̄ a gətóon̄ ō, deē a ojə deē ndul to̰ aĺ ō!

OJEE 4:19

Nél a ɔydə́ gidə bɔ̄gə̄n tə́ yā kaw̄ sedə́ kɔ̄ɔ́ ō, rɔ̄də́ a sɔl̄də́ tām̄ *yá̰a̰ tun̄ yādə́ gə̄ tə́ ō.

DANIEL 11:8

Ni a ɔȳ yá̰a̰ kə́ tɔ́sə̄ kum gotə nə́ɓā gə̄ kə́ kem ɓēé ō, ngáń gájə́ yá̰a̰ rāā kəla yādə́ gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ yā kaw̄ń Ejiptə. Gō tə́ anī asə ɓāl̄ kóndóńg wań ní ni a ndi i sa̰y rɔ̄ mban̄g kə́ dām̄ mbɔ́r ɓē kə́ ko̰ó̰ tə́.

JEREMI 51:36

I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.

JEREMI 20:5

Yá̰á̰ kə́ kəndā kon̄ tə́ gə̄ malang kə́ kem ɓē ń toō tə́ ō, yá̰a̰ gə̄ ń teēn̄ tū kəla rāān gə̄ tə́ malang ō, yá̰a̰ yān malang kə́ gātə̄də́ i ngá̰ý gə̄ ō, yá̰a̰ gə̄ malang kə́ kem kújə ngɔ̄m̄ yá̰a̰ kənge gə̄ yā mban̄g kə́ Juda tə́ gə̄ ō ní, m-ā m-ə́ya̰ m-ādə̄ madə̄ ba̰ā̰də́ gə̄ kadə̄ ɔyn̄ dɔ gúú tə́. A ɔyn̄ nánáḿ yā kaw̄ń Babilon.

IJAI 41:16

Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ *táĺ yā *Israel tə́.

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

IJAI 14:21

Majə kadə̄ i yā kəndā dɔ rɔ̄ danaá yā tɔ̄l̄ ngáń kə́ dəngam gə̄ kɔ̄ɔ́ najə̄ tɔ̄l̄ ń bɔbə̄də́ gə̄ tɔ̄lə̄n̄ de gə̄ tə́ ní. Majə kadə̄ nin̄ ḭḭn̄ dɔɔ́ yā taā loo dɔ nang tə́ to̰ aĺ ō, yā rāā ɓē bo gə̄ kadə̄ taān̄ loo dɔ nang tə́ malang to̰ aĺ ō.

PĀ GƏ̄ 109:13

Ādə̄ tɔ̄lə̄n̄ ngánən gə̄ ō, ngán kaan gə̄ ō, kɔ̄ɔ́ malang. De kə́ gogə́ gə̄ ń a ojən̄də́ ní, ādə̄ rīn gətóo dandə́ tə́!

PĀ GƏ̄ 1:4

Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

Makətūbə̄ yā Job 18:16

Ngəran gə̄ a tutən̄ nang tə́ ō, a tə́gān̄ ta jīn gə̄ dɔɔ́ kɔ̄ɔ́ ō.

NDŪ NAJƏ̄ 33:17

Ādə̄ de gə̄ rɔȳn̄ Jəjep. Ni-ngan̄g tītə̄ man̄g kə́ bəra beé. Gajən kə́ ngan̄g ngan̄g gə̄ i jōó tītə̄ gajə dɔgə. Ni-tɔ́səń gír de gə̄ ō, bugə́juńdə́ bátə́ aw̄ sedə́ əndādə́ ta ngóy dɔ nang tə́ ō. Gajən kə́ kógə̄ḿ i dūbə̄ de kə́ ngá̰ý gə̄ yā *Epəraim, ba gajən kə́rēý i ɓūtə̄ de kə́ ngá̰ý gə̄ yā Manase.

TA KƏLA 48:19

Ba bɔbə̄n mbātə́ ədan na n-ger̄. N-ger̄ kadə̄ na a tél gír de kə́ ngá̰ý gə̄ ō, na a reē de kə́ bo ō, banī ngōkó̰o̰n kə́ dūú tá na a reē de kə́ bo tɔȳn ō, ngán kemən gə̄ na a télən̄ nápar de kə́ ngá̰ý gə̄ ō.

TA KƏLA 41:6

Gō tə́ anī a̰a̰ dɔ kōō kə́ dūú gə̄ sīrí kə́ néĺ kə́ dūn̄ ɓē tə́ tutədə́ teēn̄ yādə́.

IJAI 27:8

I beé alé, banī ni əndadə́ i mbée tām̄ majaĺ yādə́ tə́ kə ta kūl̄ tə̄ɓādə́ kɔ̄ɔ́, kə ta kūl̄ kəla sedə́ dɔ ɓē kə́ rang tə́ dɔ gúú tə́. Ni ɔydə́ kɔ̄ɔ́ kə ta kūl̄ koōn kə́ teē kə tɔ́gɔ́, tītə̄ kə́ i kə néĺ kə́ ngan̄g kə́ dūn̄ tə́ beē.

JEREMI 4:12

Néĺ kə́ əla kə tɔ́gɔ́ ngá̰ý ḭḭ nú a reē kum kə̄ dɔḿ tə́. Ngɔlaā ní, ta i dɔḿ tə́ tā, m̄-gḛy gān̄g sarya dɔdə́ tə́.

JEREMI 51:1

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ néĺ kə́ nge nujə loo əla dɔ *Babilon tə́ ō, dɔ de kə́ Kalde gə̄ tə́ ō.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

JONAS 4:8

Ba dan ń mbang ḭḭ kə̄ dɔɔ́ anī, Nə́ɓā rāā adə̄ néĺ kógə̄ḿ kə́ təngā kə́ dūn̄ ɓē tə́ əla ō, mbang ɔsə dɔ Jonas ō, adə̄ na i ngɔr kadə̄ ni sitə̄ kɔ̄ɔ́. Loo ń noō tə́ Jonas ndə̄ngā yo, ni-əda na: m̄-gḛy i yo banī i ndi kə kumuú alé.

TA KƏLA 41:23

Na n-a̰a̰ dɔ kōō kə́ sii gə̄ sīrí kə́ néĺ kə́ dūn̄ ɓē tə́ tutədə́ kɔ̄ɔ́ teēn̄ yādə́ ō,