OJEE 11:7 - Bible sar

⁷ Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.

Bibəl ta Sar̄

⁷ Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.

OJEE 11:7 Referans Kwoze

JEREMI 8:5

Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

OJEE 11:2

Ba gō tə́, dan ń m̄-ɓārə́n ngá̰ý anī, ni əya̰m̄ ba aw̄ sa̰y ngá̰ý ō. Gír deē yāḿ gə̄ ndējə̄n̄ ɓesə̄ *Baal gə̄ yá̰á̰ kə́ tun̄ gə̄. Nin̄ róōn̄ ndujə̄ yá̰á̰ kə́ kotə majə gə̄ no nə́ɓā kə́ rɔ̄kum aĺ gə̄ tə́.

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.

JEREMI 3:11

Kɔ́ɔ̄ɓē ədam̄ na: Israel ń i nge túy taā kem yān ní, asə kəda ta kum Juda kə́ nge ra dɔ ndūn tə́ aĺ na ni i de kə́ súmūú.

Gōsə̄ najə̄ gə̄ 14:14

Deē ń rāā háĺ kə́ gōtə́ aĺ ní a ndíbə̄ horn, ba nge kəhɔ halən súmūú majə ngá̰ý tɔȳn.

PĀ GƏ̄ 81:11

I mā n i Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kem ɓē kə́ Ejiptə tə́ ní. Ī-teē taí ngá̰ý na m-ā m̄-ɓōkə́ yá̰a̰ kemeé kadə̄ rosə.

OJEE 4:16

*Israel rāā dɔ ngan̄g tītə̄ man̄g kə́ mbātə́ rāā kəla beé. Ní, ngɔlaā ní Kɔ́ɔ̄ɓē a rāā gír deē yān gə̄ i ngán batə̄ gə̄ ń deē a aw̄ sedə́ dɔ mu kə́ ngá̰ý tə́ ní a?

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

IJAI 26:10

Ba ré deē o̰o̰n tām̄ yā de kə́ majaĺ gə̄ tə́ anī, nin̄ a ndóōn̄ rāā yá̰á̰ kə́ nelī alé. Kem ɓē ń deē rāā yá̰a̰ majə tū tə́ ní gə̄gē, nin̄ rāān̄ yá̰á̰ kə́ majaĺ, Kɔ́ɔ̄ɓē, nin̄ a̰a̰n̄ kadə̄ ḭ̄ i de kə́ bo alé.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 7:25

Jóo nəkɔ́ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ ní, m-ə́lá ngé kəla yāḿ gə̄ malang ń i *ngé koō ta gə̄ ní rɔ̄də́ tə́ kə dɔ ndɔ̄ gə̄, kanjə̄ kɔr ta tə́.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.