OJEE 11:11 - Bible sar

¹¹ Nin̄ ḭḭn̄ Ejiptə reēn̄ kə rɔ̄ ndebeé tītə̄ ngán yel̄ kə́ dūú gə̄ beé ō, ḭḭn̄ Asiri reēn̄ tītə̄ dér dum gə̄ kə́ ḭḭn̄ bɔ̄gə̄ beé ō. M-ā m̄-rāā kadə̄ nin̄ a ndin̄ kə̄ kem ɓē yādə́ gə̄ tə́. Najə̄ ń Kɔ́ɔ̄ɓē əda ní n noó.

Bibəl ta Sar̄

¹¹ Nin̄ ḭḭn̄ Ejiptə reēn̄ kə rɔ̄ ndebeé tītə̄ ngán yel̄ kə́ dūú gə̄ beé ō, ḭḭn̄ Asiri reēn̄ tītə̄ dér dum gə̄ kə́ ḭḭn̄ bɔ̄gə̄ beé ō. M-ā m̄-rāā kadə̄ nin̄ a ndin̄ kə̄ kem ɓē yādə́ gə̄ tə́. Najə̄ ń Kɔ́ɔ̄ɓē əda ní n noó.

OJEE 11:11 Referans Kwoze

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, *Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 60:8

De gə̄ malang ń toō ń njə̄rān̄ tītə̄ kil̄ man̄ ō, ton̄ tītə̄ dér dum gə̄ kə́ télən̄ kə̄ gogə́ kem ɓēdə́ gə̄ tə́ ō toó, i náā gə̄?

JAKARI 10:10

M-ā m-ɔ́ýdə́ dɔ nang kə́ Ejiptə tə́ yā reē sedə́ gogə́ ō, m-ā m-ɔ́ýdə́ dɔ nang kə́ Asiri tə́ yā kɔsə dɔdə́ naā tə́ ō. M-ā m-ɔ́r nodə́ gō nang kə́ Galaad tə́ ō, dan mbal̄ bo gə̄ kə́ Liban tə́ ō. Nge ń noō gə̄gē loo a asədə́ alé.

OJEE 7:11

*Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

ABƏDIAS 1:17

Loo ń noō tə́ ní, ngé gə̄ ń a ndin̄ kə kumdə́ ɓáý ní, a reēn̄ yā ɓɔ̄ɔ̄ rɔ̄də́ dɔ mbal̄ *Siyo̰ tə́. Dɔ mbal̄ Siyo̰ a tél *loo kə́ táĺ gogə́ ō, de gə̄ kə́ kem kojə yā Jakob tə́ a télən̄ yā taā ɓē yādə́ kɔ̄ɔ́ jī ngé gə̄ ń taān̄ ɓē yādə́ tə́ ní ō.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

EJEKIEL 37:21

Gō tə́ anī ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: *Israel gə̄, nápar de gə̄ ń sḭḭ̄ āwī dandə́ tə́ ní, m-ā m̄-teē sesí kɔ̄ɔ́ dandə́ tə́. M-ā m-ɔ́sə dɔsí naā tə́ ō, m-ā m̄-tél yā reē sesí dɔ nang yāsí tə́ ō.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ *Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə *nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

EJEKIEL 34:27

Kāgə̄ gə̄ a anə̄n̄ ō, dɔ nang a teē kōō ō, de gə̄ kógə̄ḿ kógə̄ḿ a ndin̄ kem ɓēé kanjə̄ sōl̄ yá̰á̰ kógə̄ḿ ō. Yá̰a̰ malang ń a rējə̄ de gə̄ kə́ dan gír deē yāḿ gə̄ tə́ ní, m-ā m̄-tētən naā tə́ kɔ̄ɔ́. M-ā m̄-taādə́ jī ngé rāādə́ ɓəlo tə́ gə̄ tə́ yā kəya̰də́ dɔɔ́. Kum mbang ngeé ń noō tə́ ní, nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 34:28

Nápar de gə̄ a ɓogən̄də́ to̰ aĺ ō, dā̰ kə́ do̰ gə̄ a əsan̄də́ to̰ aĺ ō. Nin̄ a ndin̄ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ a ndewn̄ to̰ a gətóo ō.

JAKARI 8:7

A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.

JAKARI 8:8

M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.