OJEE 10:8 - Bible sar

⁸ A nujən̄ loo ndɔ̄ȳ gə̄ kɔ̄ɔ́, tɔdɔ̄ *Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ *loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

Bibəl ta Sar̄

⁸ A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

OJEE 10:8 Referans Kwoze

Najə̄ kə́ Majə yā Jeju ń Luk ndang ní 23:30

Loo ń noō tə́ de gə̄ a ədan̄ mbal̄ kə́ bo gə̄ na kə tə́sōn̄ dɔdə́ tə́ kɔ̄ɔ́ ō, a ədan̄ ngán mbal̄ gə̄ na kə utə̄n̄ dɔdə́ kɔ̄ɔ́ ō.

JEJU TEĒ KUM JA̰A̰ 6:16

Nin̄-ədan̄ mbal̄ bo gə̄ ō, ngán mbal̄ gə̄ ō na kə tə́sōn̄ dɔdə́ tə́ ba kə ɓɔ̄ɔ̄n̄də́ kɔ̄ɔ́ sa̰y ta kum nge ń ndi dɔ kōr̄ kāgə̄ mbang tə́ ní ō, ta wōn̄g yā Ngōn̄ batə̄ tə́ ō.

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.

AMOS 8:14

Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!

IJAI 32:13

Ī-noōī tām̄ dɔ nang yā gír deē yāḿ gə̄ ń túpə kōn̄ gə̄ taān̄ loo malang tū tə́ ní tə́. Ī-nōōī tām̄ rɔ̄nel̄ kə́ kem kújə gə̄ tə́ malang ō, tām̄ yā nāā ń de gə̄ a rāān̄ kem ɓēé tə́ ní ō.

JEJU TEĒ KUM JA̰A̰ 9:6

Kem ndɔ̄ gə̄ ngeé ń noō tə́ ní, de gə̄ a sāān̄ yo, ba a əngen̄ aĺ ō, a gḛyn̄ yo, ba yo a a̰ȳdə́ kɔ̄ɔ́ ō.

MISE 1:13

Sḭḭ̄ de kə́ Lakis gə̄, ādə̄ sə́nda yāsí gə̄ unən̄ púsə rɔ̄ɔ̄. Sḭḭ̄ ī-raī dɔ ndūsí tə́ alé tītə̄ yā *Israel gə̄ ō, de kə́ Jerusalem gə̄ ndájə̄n̄ yá̰a̰ rāāsí kə́ majaĺ gə̄ ō.

MISE 1:5

Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ *ndū najə̄. Tɔdɔ̄ ɓē ko̰o̰ kə́ *Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ *ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā *Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?

OJEE 10:5

De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, *ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

OJEE 10:2

*Israel gə̄ i de kə́ rɔ̄kum aĺ gə̄. Ngɔlaā ní, nin̄ a əgān̄ kə̄rān: Kɔ́ɔ̄ɓē nəkɔ́ a tɔ̄ɔ̄ *loo tun̄ yá̰a̰ yādə́ gə̄ kɔ̄ɔ́, ni a nujə mbal̄ kə́ kudə nang tə́ kə́ yā ɓōĺ gidə yādə́ gə̄ kɔ̄ɔ́.

OJEE 5:8

Kɔ́ɔ̄ɓē əda na: Ī-kɔ̄ríī tōw̄ gajə batə̄ kem ɓē kə́ Gibea tə́, ī-kɔ̄ríī bərúnjə kem ɓē kə́ Rama tə́! Ī-tāāī de kə́ Bet Aben gə̄. Sḭḭ̄ de kə́ gír ɓē yā Benjamḛ tə́ gə̄, madə̄ ba̰ā̰ a rə̄ngō rɔ̄n i gidəsí tə́ n a ənīńsí rɔ̄ɔ̄ ní.

OJEE 4:15

Ḭ̄ *Israel, ún rɔ̄í ī-rāā ń ájə́ba. Ba majə kadə̄ *Juda rāā yá̰á̰ kə́ gōtə́ aĺ kə́ kógə̄ḿ beē nəkɔ́ ń noō alé. Ī-lōōī kaw̄ loo kə́ yā ɓōĺ gidə kə́ Gilgal tə́ ō, ī-lōōī kaw̄ Bet Aben ō. Ī-lōōī túbə kəda na: Tītə̄ ń Kɔ́ɔ̄ɓē ndiń kə kumneé noō ō.

OJEE 4:13

Nin̄ rāān̄ yá̰a̰ kəsa kə́ yā ɓōĺ gidə gə̄ dɔ mbal̄ gə̄ tə́ ō, róōn̄ ndujə̄ yá̰á̰ kə́ kotə majə gə̄ dɔ ngán mbal̄ gə̄ tə́ ō, gír kāgə̄ gə̄ kə́ ndíĺdə́ majə tə́ ō. I tām̄ najə̄ ń noō tə́ n ngáńsí kə́ dəyá̰ gə̄ a rāān̄ ájə́ba ō, umsí kə́ dəyá̰ gə̄ a gólə̄n̄ ngaadə́ gə̄ ō ní.

IJAI 34:13

Túpə̄ kōn̄ gə̄ a əɓan̄ kem kújə ngol gə̄ tə́, mu kə́ majaĺ gə̄ ō, ngar̄ gə̄ ō, a taān̄ loo dɔ ndogə̄ mbal̄ gə̄ kə́ yā rɔ̄ɔń dɔ ɓē tə́ kɔ̄ɔ́. Tal̄ gə̄ a rāān̄ ɓē loo ń noō tə́ ō, burum gə̄ a ndin̄ tū tə́ ō.

2 YÁ̰A̰ GƏ̄ 31:1

Dan ń gír yá̰a̰ gə̄ ń noō malang gān̄g anī, ngán *Israel gə̄ malang ń nin̄ i noó ní, aw̄n̄ kə̄ kem ɓē gə̄ kə́ *Juda tə́ aw̄ tɔ̄ɔ̄n̄ mbal̄ kə́ túdə̄ kə nja dɔɔ́ gə̄ kɔ̄ɔ́ ō, jéngə̄n̄ kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, nujən̄ kə loo ndɔ̄ȳ gə̄ ō, kə *loo tun̄ yá̰á̰ kə́ tū tə́ gə̄ ō kɔ̄ɔ́. Rāān̄ tītə̄ ń noō dɔ nang kə́ Juda tə́ malang ō, kə́ Benjamḛ tə́ ō, *Epəraim tə́ ō, Manase tə́ ō. Gō tə́ anī nin̄ malang télən kógə̄ḿ kógə̄ḿ kə̄ ɓē yādə́ gə̄ tə́.

2 MBAN̄G 23:15

Josias bótə̄yō̰ *loo tun̄ yá̰á̰ kə́ Betel kɔ̄ɔ́ ō, nujə loo ndɔ̄ȳ kə́ kḭḭ kə̄ dɔɔ́ ń Jeroboam ngōn̄ Nebat rāā ba sə̄lā *Israel gə̄ adə̄ rāān̄ majaĺ ní kɔ̄ɔ́ ō. Ni-əla hor dɔ tə́ ō, rāā adə̄ əsō bū ō, róō kāgə̄ ɓesə̄ kə́ yā ɓōĺ gidə kɔ̄ɔ́ horoó ō.

1 MBAN̄G GƏ̄ 14:16

Kɔ́ɔ̄ɓē a əya̰də́ kɔ̄ɔ́ tām̄ majaĺ yā Jeroboam tə́ ō, tām̄ rāā ń Jeroboam rāā ngán Israel gə̄ adə̄ rāān̄ majaĺ ní ō.

1 MBAN̄G GƏ̄ 13:34

Majaĺ yā Jeroboam nin̄ kə de gə̄ kə́ gír kojə yān tə́ gə̄ n noó. Nujən̄də́ sák sák ō, gətóon̄ dɔ nang tə́ kɔ̄ɔ́ ō, i tām̄ majaĺ ń noō tə́.

1 MBAN̄G GƏ̄ 13:2

Ni un ndūn kə̄ dɔɔ́ ədań najə̄ yā Kɔ́ɔ̄ɓē dɔ *loo tun̄ yá̰á̰ tə́, əda na: Loo tun̄ yá̰a̰! Loo tun̄ yá̰a̰! Ōō najə̄ ń Kɔ́ɔ̄ɓē əda ní! A ojən̄ ngōn̄ kə́ dəngam dan de gə̄ kə́ gír kojə yā Dabid tə́. A əndān̄ rī ngōn̄ ní na i Josias. Ni a tɔ̄l̄ *ngé tun̄ yá̰a̰ gə̄ kə́ loo ndɔ̄ȳ gə̄ tə́ ń a róōn̄ yá̰á̰ kə́ kotə majə gə̄ dɔí tə́ ní, yā róōdə́ horoó dɔí tə́. A róōn̄ kə̄ngā de gə̄ horoó dɔí tə́ ō.

NDŪ NAJƏ̄ 9:21

M-ún ngōn̄ man̄g ń ī-rāāī á i kəla rāāsí kə́ majaĺ ní m̄-róō horoó ba m-úr ndujə̄ tə́, m̄-seĺ kum man̄ ń ḭḭ dɔ mbalá a nūgə́ ní tə́.

TA KƏLA 3:8

Dəngam nin̄ kə dəyá̰ oōn̄ kōō Kɔ́ɔ̄ɓē Nə́ɓā a njə̄rā kem ndɔrɔ́ loo sɔlí anī, a̰ȳ aw̄ ɓɔ̄ɔ̄n̄ rɔ̄də́ kɔ̄ɔ́ dan kāgə̄ gə̄ kə́ kem ndɔrɔ́ tə́.

OJEE 2:6

M-ā m̄-táŕ ngánən gə̄ alé: I ngán dəyá̰ kə́ nge rāā ájə́ba.

OJEE 10:9

Əla gír dɔ yá̰á̰ kə́ majaĺ ngá̰ý kə́ Gibea tə́ ní, *Israel, ī-mān̄ dɔ ndū Nə́ɓā! I gōtə́ ngá̰ý kadə̄ rɔ̄ɔ̄ ugə̄ dɔ ngé rāā majaĺ gə̄ kə́ Gibea tə́ ń noō.

AMOS 7:9

Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā *Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.

NAHUM 3:11

Ɓē kə́ Ninibə, ta i dɔí tə́ tā. Ka̰a̰ tápə̄ a rāāī kə́ kasə tə́ ō, ā ī-ɓɔ̄ɔ̄ rɔ̄í tām̄ rɔ̄í kə́ sɔlī tə́ ō. Ta i dɔí tə́ kadə̄ ī-sāā loo kə́ yā ɓɔ̄ɔń rɔ̄í najə̄ yā madə̄ ba̰ā̰í gə̄ tə́.

IJAI 2:21

Nin̄ a aw̄n̄ yā ɓɔ̄ɔ̄ rɔ̄də́ gír mbal̄ gə̄ tə́ ō, yā túdə̄ kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ ō, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni a ḭḭ dɔɔ́ yā yéȳ dɔ nang ní.

OJEE 8:5

I beé ní, sḭḭ̄ de kə́ Samari gə̄, ī-mbātíī ngōn̄ man̄g lɔ́r yāsí kɔ̄ɔ́! Ī-rāāmī adə̄ wōn̄g rāām̄. Sḭḭ̄ ásiī ndi kanjə̄ rāā yá̰á̰ kə́ gōtə́ aĺ alé. Nge ń noō a to i bátə́ ta kə́ rá?

AMOS 1:5

M-ā m̄-rāā kadə̄ yá̰á̰ rákə̄ ta róbə gə̄ kə́ Damas i kə́ ró̰ȳ kɔ̄ɔ́. Wól loo ń de gə̄ a rāān̄ majaĺ tū tə́ ní, adə̄ i ɓē ń de gə̄ a rāān̄ rɔ̄nel̄ tū tə́ ní, m-ā m̄-rāā kadə̄ mban̄g kə́ tū tə́ gətóo. Ba a tə̄ɓān̄ gír de kə́ Aram gə̄ yā kaw̄ sedə́ Kir dɔ gúú tə́. I Kɔ́ɔ̄ɓē n əda najə̄ ń noó ní.

AMOS 3:14

Ndɔ̄ ń m-ā m̄-rāań yá̰á̰ kógə̄ḿ kə gír de gə̄ yā *Israel najə̄ yá̰a̰ rāādə́ kə́ majaĺ ngá̰ý tə́ ní, m-ā m̄-rāā yá̰á̰ kógə̄ḿ kə *loo tun̄ yá̰a̰ gə̄ kə́ Betel. A tɔ̄ɔ̄n̄ kíl *loo tun̄ yá̰a̰ gə̄ ń rāān̄ adə̄ ḭḭ kə̄ dɔɔ́ ní ō, kíl *loo tun̄ yá̰a̰ gə̄ ní a tə́sōn̄ nang tə́ ō.