Biblia Todo Logo
Bib sou entènèt

- Piblisite -




NEHEMI 9:8 - Bible sar

8 Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō *Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.

Gade chapit la Kopi

Bibəl ta Sar̄

8 Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.

Gade chapit la Kopi




NEHEMI 9:8
39 Referans Kwoze  

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.


Abəram taā kem Kɔ́ɔ̄ɓē, adə̄ i tām̄ ń noō tə́ n Kɔ́ɔ̄ɓē rāānəń de kə́ súmūú tə́ ní.


Kə́ tām̄ yāḿ mā tə́ ní, m-ā m-óy ngɔr. Ba sḭḭ̄ gerī kemsí tə́ mámák kadə̄ najə̄ kə́ majə gə̄ malang ń Kɔ́ɔ̄ɓē Nə́ɓā yāsí ədasí ní nge kə́ kógə̄ḿ kə́ rāā yá̰a̰ gətóo, rāān̄ yá̰a̰ tām̄ yāsí tə́ malang kógə̄ḿ kə́ to karī gətóo.


Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań *loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.


Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.


Dan ń nāān̄ Abəraham ní, i kə ta kūl̄ taā kem n ni-ndigə tun̄ Isaak kadə̄ Nə́ɓā ní. Tá Nə́ɓā ənī míndən adə̄n kété, banī ni-ndigə tun̄ ngōnən kə́ kal kógə̄ḿ beē kadə̄ Nə́ɓā.


Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.


Gō tə́ anī Nə́ɓā mbātə́ Saul ba adə̄də́ Dabid kadə̄ ni i mban̄g yādə́. Ni əda najə̄ kə́ dɔn tə́ na: M-ə́nge Dabid ngōn̄ Jese, ni i de kə́ kə gō kemḿ. Ni a rāā yá̰a̰ malang ń kemḿ ndigə ní.


Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.


Kanaan gə̄ ń ndin̄ i dām̄ kə́ gír ɓē tə́ ō, no ɓē tə́ ō, *Amor gə̄ kə Het gə̄ kə Periji gə̄ kə Yebus gə̄ ndin̄ i dɔ mbalá ō, Hibi gə̄ ndin̄ i nja mbal̄ Hermon tə́ gō nang kə́ Misəpa tə́ ō.


Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə *Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī,


Āw̄ ə́nge *nge tun̄ yá̰á̰ ń a rāā kəla ndɔ̄ ń noō tə́ ní ba ə́dan na: M-ə́dá Kɔ́ɔ̄ɓē Nə́ɓā yāí ɓōólaā na m-ūgə̄ dɔ nang ń ənī ndūn adə̄ kaají gə̄ yā kadə̄jí ní tə́.


I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.


Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, *Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.


Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.


Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, *Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.


Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, *Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.


Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.


Kɔ́ɔ̄ɓē i nge kem ndaa ō, ni i de kə́ súmūú ō. Kum Nə́ɓā yājí a o̰o̰n tām̄ yā deē tə́.


Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, *Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.


Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.


Róbə yā Nə́ɓā i róbə́ kə́ majə ɔtə̄ ta. Najə̄ yā Kɔ́ɔ̄ɓē rāā yá̰á̰ kə́ ɔjə kadə̄ i najə̄ kə́ rɔ̄kum. Kɔ́ɔ̄ɓē i der yā de gə̄ malang ń a nam̄nən̄ ní.


Yebus gə̄ ō, *Amor gə̄ ō, Girgas gə̄ ō,


Madə̄ naā ní i *madə̄ naā ń ni-əhɔ kə Abəraham ō, túbə adə̄ Isaak najə̄n tə́ ɔjəń kə̄ ndágá kadə̄ i rɔ̄kum ō,


Kɔ́ɔ̄ɓē, Nə́ɓā yā Israel, ḭ̄ i de kə́ sew, tɔdɔ̄ ɓōólaā jḭḭ i gotə de gə̄ kə́ teēn̄ ta yo tə́ gə̄. Jḭḭ ní n jə-ra ta kumií tə́ kə majaĺ yājí gēé toō. Tá ré i kə gō gēé ɓáa deē asə ra ta kumií tə́ kə majaĺ gēé dɔn tə́ alé.


Ḭ̄ i de kə́ gōtə́ dan yá̰a̰ gə̄ malang ń teēn̄ dɔjí tə́ ní, tɔdɔ̄ ḭ̄ ī-rāā i yá̰á̰ kə́ rɔ̄kum, banī jḭḭ jə-rāā i kem ndul.


Ḭ̄ ngōn̄ deē, ōō! Gotə de gə̄ ń na̰yn̄ á ndin̄ *Israel tə́ kə̄ kem ɓē bo gə̄ kə́ nujə kɔ̄ɔ́ gə̄ tə́ ní, ə́dan na: Kété ní Abəraham i kə kérneé banī ɓē malang i yān. Ba jḭḭ̄ ń i ngá̰ý ní, majə kadə̄ i jḭḭ̄ n ɓē i yājí ngɔlaā ní.


Swiv nou:

Piblisite


Piblisite