NEHEMI 9:13 - Bible sar

¹³ Ḭ̄ ń ī-ndi dɔ rā̰ tə́ ní ī-risə dɔ mbal̄ *Sinai tə́ ba ɔ̄r̄ najə̄ sedə́. Ə́dádə́ gō míndə kə́ gōtə́ kə́ kadə̄ rāān̄ gə̄ ō, ɔ́jə́də́ *ndū najə̄ kə́ rɔ̄kum gə̄ ō, jī bēl̄ loo rāā yá̰a̰ gə̄ ō, yá̰á̰ kə́ majə gə̄ kə́ kadə̄ rāān̄ gə̄ ō.

Bibəl ta Sar̄

¹³ Ḭ̄ ń ī-ndi dɔ rā̰ tə́ ní ī-risə dɔ mbal̄ Sinai tə́ ba ɔ̄r̄ najə̄ sedə́. Ə́dádə́ gō míndə kə́ gōtə́ kə́ kadə̄ rāān̄ gə̄ ō, ɔ́jə́də́ ndū najə̄ kə́ rɔ̄kum gə̄ ō, jī bēl̄ loo rāā yá̰a̰ gə̄ ō, yá̰á̰ kə́ majə gə̄ kə́ kadə̄ rāān̄ gə̄ ō.

NEHEMI 9:13 Referans Kwoze

PĀ GƏ̄ 119:160

Gír ngəra najə̄ yāí i yá̰á̰ kə́ rɔ̄kum ō, yá̰á̰ kə́ gōtə́ yāí gə̄ malang ń ə́da kadə̄ yā rāā ní a ton̄ ngándáńg ō.

Teē Ngán Israel gə̄ 20:1

Najə̄ ń Nə́ɓā əda ngán *Israel gə̄ ní n toó:

Teē Ngán Israel gə̄ 19:11

Ādə̄ ndin̄ dɔ rɔ̄də́ tə́ tām̄ yā ndɔ̄ kə́ nge ko̰ mətá tə́, tɔdɔ̄ ndɔ̄ ń noō tə́ ní m-ā m̄-risə dɔ mbal̄ *Sinai tə́ ta kum de gə̄ tə́ malang.

Makətūbə̄ ń Pol ndang adə̄ Rom gə̄ ní 7:16

Ba ré yá̰á̰ ń m̄-gḛy aĺ ní m̄-rāā anī, loo ń noō tə́ ní m̄-ndigə i najə̄ gō *ndū najə̄ tə́ ō, m-ə́da kadə̄ ndū najə̄ i yá̰á̰ kə́ majə ō.

HABAKUK 3:3

Nə́ɓā ḭḭ i Teman n reē ní. Nə́ɓā kə́ *táĺ ḭḭ i mbal̄ bo gə̄ kə́ Paran tə́. Bo yān taā loo malang dɔ rā̰ tə́ ō, tɔ̄ȳ kə́ de gə̄ tɔ̄ȳnən̄ taā loo malang dɔ nang tə́ ō.

IJAI 64:3

Nə́ɓā kə́ rang kə́ rāā yá̰a̰ tītə̄ ń toō tām̄ yā ngé gə̄ ń ənīn̄ kemdə́ adə̄nən̄ tə́ ní gətóo, i ḭ̄ ngó̰y. Á̰a̰, de kə́ oō najə̄n nja kógə̄ḿ gətóo, de kə́ oō nja kógə̄ḿ gətóo.

IJAI 64:1

Ā ī-to tītə̄ hor kə́ o̰o̰ túpə́ kámbə gə̄ beé, aláa tītə̄ hor kə́ rāā adə̄ man̄ nēgə́ beē. Beé ɓáa madə̄ ba̰ā̰í gə̄ a gerīn̄. Gír de gə̄ a ndewn̄ noí tə́

PĀ GƏ̄ 119:137

Kɔ́ɔ̄ɓē, ḭ̄ i de kə́ gōtə́ ō, yá̰a̰ gə̄ ń ī-ra dɔ tə́ yā rāā ní i yá̰á̰ kə́ súmūú gə̄ ō.

NDŪ NAJƏ̄ 33:2

Kɔ́ɔ̄ɓē ḭḭ i mbal̄ kə́ *Sinai tə́ n reē ní. Ni-əɓa tītə̄ mbang beé dām̄ kə́ Seir tə́. Ni-ra i mbal̄ kə́ Paran tə́ n unjə̄ń kow dɔ gír deē yān gə̄ tə́ ní. Ni-reē rɔ̄ ngéén gə̄ tə́ kə dūbə̄ ngé kəla kə́ dɔ rā̰ tə́ gēé gōn tə́. Ni-əhɔ ndū najə̄ yān ń unjə̄ tītə̄ hor ní jīn tə́.

NDŪ NAJƏ̄ 5:4

Tasí a̰a̰ naā kə Kɔ́ɔ̄ɓēé n ɔrə̄ń najə̄ sesí dɔ mbalá kum hor tə́ ní.

NDŪ NAJƏ̄ 4:33

I gír de kə́ rá gə̄ n nə́ɓā kógə̄ḿ ɔr̄ najə̄ sedə́ kum hor tə́ adə̄ oōn̄ ndūn ba ndin̄ kə kumdə́ tītə̄ yāsí dan ń Nə́ɓā yāsí ɔrə̄ń najə̄ sesí ní?

NDŪ NAJƏ̄ 4:8

I nápar de kə́ ngá̰ý kə́ rá gə̄ n *ndū najə̄ yādə́ gə̄ ō, jī-bēl̄ loo rāā yá̰a̰ yādə́ gə̄ ō, ton̄ kə gōó majə tītə̄ ndū najə̄ gə̄ malang ń m-ɔ́jə́sí ɓōólaā ní?

Teē Ngán Israel gə̄ 20:22

Kɔ́ɔ̄ɓē əda Moijə na: Yá̰á̰ ń kadə̄ ə́da ngán Israel gə̄ ní n toó: Sḭḭ̄ kɔ́ gə̄ á̰a̰ī kadə̄ m̄-ndi i dɔ rā̰ tə́ n m-ɔ̄rəń najə̄ sesí ní.

Teē Ngán Israel gə̄ 16:23

Anī Moijə ədadə́ na i yá̰á̰ ń Kɔ́ɔ̄ɓē ɔjə ní n noó. Tɔdɔ̄ bírí i ndɔ̄ *sabat, i ndɔ̄ kɔr̄ koō kə́ kɔr̄ kam̄ tayā tām̄ yā Kɔ́ɔ̄ɓē tə́. Kə ndīrə̄n̄ yá̰á̰ ń majə kadə̄ ndīrə̄n̄ ní ō, kə nēgə́n̄ yá̰á̰ ń majə kadə̄ nēgə́n̄ ní ō. Ba gotən ń na̰y ní kə əndān̄ kadə̄ loo tīī dɔ tə́.

NDŪ NAJƏ̄ 4:36

Ndū ń ndi dɔ rā̰ tə́ rāā adə̄ ōōī ní i yā kɔjəńsí yá̰a̰. Ba dɔ nang tə́ ɓáa ni-rāā adə̄ á̰a̰ī hor yān kə́ bo ō, ōōī ndūn loo kɔr̄ najə̄ tə́ kum tə́ ō.

PĀ GƏ̄ 119:4

Kɔ́ɔ̄ɓē, ḭ̄ ɔ́jə́ yá̰a̰ gə̄ ń ī-ra kə de gēé ta rāā ní kə̄ ndágá, kadə̄ ngɔ̄mə̄n̄ kə gōó majə.

2 MBAN̄G 17:37

Gō míndə gə̄ ń Kɔ́ɔ̄ɓē əndā dɔ *Israel gə̄ tə́ kadə̄ rāān̄ ní ō, yá̰a̰ kāgə̄ ɓē yādə́ gə̄ ō, *ndū najə̄ ō, yá̰á̰ ń Kɔ́ɔ̄ɓē əda kadə̄ yā rāā ní ō. Yá̰a̰ malang ń Kɔ́ɔ̄ɓē ndang adə̄də́ ní kə əndān̄ kumdə́ gírí kə rāān̄ kə dɔ ndɔ̄ gə̄ kə rāān̄ ɓesə̄ gə̄ alé.

ESDRAS 7:6

ḭḭ *Babilon reē ugə̄. Ni i nge ndang makətūbə̄ kə́ ger̄ ndóō de gə̄ *ndū najə̄ ń Kɔ́ɔ̄ɓē Nə́ɓā yā *Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.