NEHEMI 8:8 - Bible sar

⁸ Nin̄ tə́dan̄ najə̄ kə́ kem makətūbə̄ *ndū najə̄ yā Nə́ɓā tə́ adə̄ unjə̄ wáńg wáńg ō, ɔjən̄ de gə̄ kum adə̄ de gə̄ gerə̄n̄ kum najə̄ ń tə́dan̄ ní ō.

Bibəl ta Sar̄

⁸ Nin̄ tə́dan̄ najə̄ kə́ kem makətūbə̄ ndū najə̄ yā Nə́ɓā tə́ adə̄ unjə̄ wáńg wáńg ō, ɔjən̄ de gə̄ kum adə̄ de gə̄ gerə̄n̄ kum najə̄ ń tə́dan̄ ní ō.

NEHEMI 8:8 Referans Kwoze

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ *Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ *ndū najə̄ yā Moijə tə́ bátə́ teēń dɔ *ngé koō ta gə̄ tə́.

Najə̄ kə́ Majə yā Jeju ń Luk ndang ní 24:45

Loo ń noō tə́ ni-rāā adə̄ gerə̄n̄ kum yá̰a̰ gə̄ ń ndangən̄ kem makətūbə̄ gə̄ tə́ ní,

Najə̄ kə́ Majə yā Jeju ń Luk ndang ní 24:32

Anī nin̄-tél a ədan̄ naā na: Dan ń ni a ɔr̄ najə̄ sejí róbó ō, a ɔr̄jí kum yá̰a̰ gə̄ kə́ ndangən̄ kem makətūbə̄ gə̄ tə́ ō ní, kemjí təngājí piling piling aĺ a?

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā *ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

HABAKUK 2:2

Anī Kɔ́ɔ̄ɓē tūr̄ ədam̄ na: Yá̰á̰ ń m-ɔ́jiī adə̄ ī-ger̄ ní, ī-ndang. Ī-ndang dɔ bar ndang yá̰a̰ gə̄ tə́ adə̄ kumən unjə̄, tām̄ kadə̄ tə́dan tōr̄ rɔ̄ deē alé.

ESDRAS 4:18

Makətūbə̄ ń ə́laīneé ādījí ní, tə́dan̄ ta kum tə́ adə̄ unjə̄.

NEHEMI 8:7

Yesua ō Bani ō Serebia ō Yamin ō Akub ō Sabetai ō Hodia ō Maseya ō Kelita ō Ajaria ō Yojabad ō Hanan ō Pelaya ō ngán *Lebi gə̄ ō ɔjən̄ de gə̄ kum *ndū najə̄, ba de gə̄ ran̄ gotə kógə̄ḿ kə njadə́ kə̄ dɔɔ́ oōn̄neé.

NEHEMI 8:9

Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras *nge tun̄ yá̰á̰ kə́ nge ndóō de gə̄ ndū najə̄ ō, *ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

NEHEMI 8:12

Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

2 MBAN̄G 23:2

Ni-aw̄ sedə́ kem *kújə yā Kɔ́ɔ̄ɓē tə́. De kə́ Juda gə̄ malang ō, kə́ Jerusalem gə̄ malang ō, dānə̄n̄də́, adə̄ *ngé tun̄ yá̰a̰ gə̄ ō, *ngé koō ta gə̄ ō, ngán gə̄ ō ngátɔ́gə gə̄ ō. Mban̄g tə́da najə̄ gə̄ kə́ kem makətūbə̄ *madə̄ naā ń əngen̄ kem *kújə yā Kɔ́ɔ̄ɓē tə́ ní adə̄ oōn̄ malang.

NEHEMI 9:3

Nin̄ unən̄ kum mbang mətá ran̄neé kə njadə́ dɔɔ́ gotə kógə̄ḿ oōn̄neé najə̄ ń a tə́dan̄ kem makətūbə̄ *ndū najə̄ y ā Kɔ́ɔ̄ɓē Nə́ɓā yādə́ tə́ ní. Tél unən̄ kum mbang mətá ɓáý to̰ ɔrə̄n̄neé gír majaĺ yādə́ gə̄ ō, əsōn̄neé kə̄ nang tə́ no Kɔ́ɔ̄ɓē Nə́ɓā yādə́ tə́ ō.

EJEKIEL 46:10

Ngār a udə naā tə́ sedə́ dan ń nin̄ a udən̄ ní ō, ni a teē ndágá naā tə́ sedə́ dan ń nin̄ a teēn̄ ní ō.