NEHEMI 8:6 - Bible sar

⁶ Esdras tɔ̄ȳ Kɔ́ɔ̄ɓē Nə́ɓā kə́ bo. Anī de gə̄ malang ɔyn̄ jīdə́ kə̄ dɔɔ́ ba tūr̄ ədan̄ na: *Adə̄ i tītə̄ ń noō! Adə̄ i tītə̄ ń noō! Gō tə́ anī ɔsən̄ nodə́ nang tə́ no Kɔ́ɔ̄ɓē tə́ ō, rɔȳnən̄ ō.

Bibəl ta Sar̄

⁶ Esdras tɔ̄ȳ Kɔ́ɔ̄ɓē Nə́ɓā kə́ bo. Anī de gə̄ malang ɔyn̄ jīdə́ kə̄ dɔɔ́ ba tūr̄ ədan̄ na: Adə̄ i tītə̄ ń noō! Adə̄ i tītə̄ ń noō! Gō tə́ anī ɔsən̄ nodə́ nang tə́ no Kɔ́ɔ̄ɓē tə́ ō, rɔȳnən̄ ō.

NEHEMI 8:6 Referans Kwoze

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ *unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

NŌŌ RƆ̄ 3:41

Jə-ndɔ̄yī kə ngarā̰ kemjí dan ń j-a j-ɔyiī jījí kə̄ dɔɔ́ kum kə̄ rɔ̄ Nə́ɓā kə́ ndi dɔ rā̰ tə́ ní.

Teē Ngán Israel gə̄ 4:31

Nin̄-taān̄ kem. Dan ń gerə̄n̄ kadə̄ Kɔ́ɔ̄ɓē a̰a̰ yá̰á̰ kə́ tōr̄ gə̄ ń a rāān̄ sedə́ ní ō, kadə̄ ni-reē i kajədə́ tə́ ō ní anī, tétə̄n̄ kejədə́ nang tə́ ō, ɔsən̄ nodə́ nang tə́ ō, rɔȳnəń Kɔ́ɔ̄ɓē.

2 YÁ̰A̰ GƏ̄ 20:18

Josapat əsō sébə kumən nang tə́. Anī *Juda gə̄ malang ō, de kə́ Jerusalem gə̄ malang ō, əsō sébən̄ kumdə́ nang tə́ yā rɔȳń Kɔ́ɔ̄ɓē ō.

JEJU TEĒ KUM JA̰A̰ 7:11

Anī *de kə́ dɔ rā̰ tə́ gə̄ malang ń ra gīrə̄n̄ gidə kōr̄ kāgə̄ mbang ō, *kum kɔɔ̄ gə̄ ō, yá̰á̰ kə́ kə kumuú kə́ sɔ́ gə̄ ō ní, əsō ɔsən̄ nodə́ nang tə́ no kōr̄ kāgə̄ mbang tə́, ba rɔȳn̄ Nə́ɓā

PĀ GƏ̄ 134:2

Ə́laī jīsí kum kə̄ *loo kə́ táĺ tə́ ō, ī-tɔ̄yī Kɔ́ɔ̄ɓē ō.

NEHEMI 5:13

Gō tə́ anī m̄-yéȳ ta kūbə̄ yāḿ yakə yakə ba m-ə́da na: De gə̄ malang ń a ran̄ dɔ míndə́də́ tə́ aĺ ní, Nə́ɓā a yéȳdə́ yakə yakə kɔ̄ɔ́ tītə̄ ń noō, kadə̄ a teēn̄ kem kújə yādə́ tə́ yā kəsō ndágá ō, kadə̄ a teēn̄ kadə yá̰a̰ kənge yādə́ tə́ yā kəsō sa̰y ō. A yéȳdə́ yakə yakə ō, a əya̰n̄də́ kanjə̄ yá̰á̰ kógə̄ḿ ō tītə̄ ń noō! Ngé kán̄ na ā gə̄ malang ədan̄ na: *Adə̄ i tītə̄ ń noō! Gō tə́ anī tɔ̄ȳn̄ Kɔ́ɔ̄ɓē ō, rāān̄ yá̰á̰ ń i kə́ kəda ní ō.

TA KƏLA 24:26

Anī dəngam ní tétə̄ kejən, ɔsə non nang tə́ no Kɔ́ɔ̄ɓē tə́,

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ *loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

Teē Ngán Israel gə̄ 12:27

ə́daīdə́ na i dā̰ kə́ tɔ̄l̄ ba tun̄ kadə̄ Kɔ́ɔ̄ɓē tām̄ yā nāā *Pákə tə́. Kété dan ń ngán *Israel gə̄ i dɔ nang kə́ Ejiptə tə́ ní, Kɔ́ɔ̄ɓē na ənī yo dɔ de kə́ Ejiptə gə̄ tə́ ba na mān̄ dɔ de kə́ kem kújə yāsí gə̄ tə́ karī, na ajə de gə̄ yāsí gə̄ na i tītə̄ ń noō. Anī ngán *Israel gə̄ ɔsən̄ nodə́ nang tə́ no Kɔ́ɔ̄ɓē tə́.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju *Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju *Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

1 KORḚNTƏ 14:16

Tām̄ ré ḭ̄ ī-ndadə̄ ādə̄ Nə́ɓā i kə ta kə́ *Ndíĺ kə́ Táĺ adī ngóy anī, de kə́ karī ń ndi dan ngé kán̄ naā gə̄ tə́ á ni-ger̄ kum najə̄ kɔrīí aĺ ní, a ndigə najə̄ gōí tə́ yā kəda na: *Adə̄ i tītə̄ ń noō i ba̰ý?

MATIYE 26:39

Ni-aw̄ dan sa̰y sḛ́ý anī ɔsə non nang tə́, ba ndɔ̄ȳ Nə́ɓā əda na: Bɔbə́ḿ, ré loo rāā kadə̄ kópə wur kɔl ń toō mān̄ sa̰y rɔ̄ḿ tə́ to noó anī, ī-rāā ādə̄ mān̄ sa̰y rɔ̄ḿ tə́. Banī ādə̄ i kə gō kem ndigə yāḿ alé, ba i kə gō kem ndigə yāí īkɔ́ tá.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, *kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. *Adə̄ i tītə̄ ń noō!

JEREMI 28:6

na: A̰á̰ā̰, ādə̄ Kɔ́ɔ̄ɓē rāā tītə̄ ń ə́dań noō, ādə̄ Kɔ́ɔ̄ɓē rāā adə̄ najə̄ gə̄ ń ə́dá ní reē udən̄ gírí, ādə̄ ni-rāā adə̄ yá̰a̰ rāā kəla kə́ kem *kújə yā Kɔ́ɔ̄ɓē tə́ ń aw̄n̄neé *Babilon tə́ ní ō, de gə̄ malang ń əhɔn̄də́ aw̄n̄ sedə́ Babilon tə́ ní ō, tél reēn̄ gogə́.

PĀ GƏ̄ 141:2

Ādə̄ ndɔ̄ȳ yāḿ ḭḭ kum kə̄ dɔɔ́ rɔ̄í tə́ tītə̄ sa hor kajaja beé ō, ādə̄ jīḿ ń m-ɔ́y kə̄ dɔɔ́ ní i tītə̄ *yá̰a̰ ndējə̄ kə́ loo sɔlí beé ō.

PĀ GƏ̄ 63:4

Kem majə yāí majə tɔȳ ndi kə kumuú. M-ā m̄-ɓōkíī tɔ̄ȳ.

PĀ GƏ̄ 41:13

Ḭ̄ ə̄nī najə̄ gírə́ḿ tə́ i tām̄ najə̄ kə́ gətóo dɔḿ tə́ ō, ḭ̄ ī-rāā ādə̄ rɔ̄ḿ ngan̄g gogə́ ō, adə̄ m̄-ndi ta kumií tə́ ngándáńg.

PĀ GƏ̄ 28:2

Ōō ndūḿ ń m̄-rāāīneé ɓɔ́ dan ń m-ə́gań kɔŕ kə̄ dɔí tə́, m-ɔ́yń jīḿ kə̄ dɔɔ́ kum kə̄ *loo kə́ táĺ ngá̰ý yāí ń, ī-ndi kemeé tə́ ní.

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ *ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.

2 YÁ̰A̰ GƏ̄ 6:4

Gō tə́ anī mban̄g əda na: m̄-tɔ̄ȳ Kɔ́ɔ̄ɓē Nə́ɓā yā Israel! Nəkɔ́ rāā yá̰á̰ ń ənī ndūn adə̄ bɔbə́ḿ Dabid najə̄n tə́ ní. Ni-ənī ndūn adə̄ bɔbə́ḿ Dabid i beé, əda na:

TA KƏLA 14:22

Abəram tél əda mban̄g kə́ Sodom na: M-ə́la jīḿ kə̄ dɔɔ́ ta kum Kɔ́ɔ̄ɓē Nə́ɓā kə́ dɔɔ́ sa̰y ngá̰ý tə́, ni ń i nge kəndā dɔ rā̰ ō, dɔ nang ō ní.

1 YÁ̰A̰ GƏ̄ 16:36

Ādə̄ de gə̄ ɓōkə́n̄ Kɔ́ɔ̄ɓē ń i Nə́ɓā yā *Israel ní tɔ̄ȳ! Ī-tɔ̄yin̄ kə kum mbang gə̄ malang! Loo ń noō tə́ ngé kán̄ naā gə̄ malang unən̄ ndūdə́ kə̄ dɔɔ́ ədanə̄ń na: *Adə̄ i tītə̄ ń noō, ɔ́siī gɔn Kɔ́ɔ̄ɓē!

NEHEMI 8:7

Yesua ō Bani ō Serebia ō Yamin ō Akub ō Sabetai ō Hodia ō Maseya ō Kelita ō Ajaria ō Yojabad ō Hanan ō Pelaya ō ngán *Lebi gə̄ ō ɔjən̄ de gə̄ kum *ndū najə̄, ba de gə̄ ran̄ gotə kógə̄ḿ kə njadə́ kə̄ dɔɔ́ oōn̄neé.

1 YÁ̰A̰ GƏ̄ 29:10

Dabid tɔ̄ȳ Kɔ́ɔ̄ɓē ta kum ngé kán̄ naā gə̄ tə́ malang əda na: Kɔ́ɔ̄ɓē, Nə́ɓā yā kaaḿ *Israel, ādə̄ de gə̄ ɓōkə́nī tɔ̄ȳ kə kum mbang gə̄ malang.

2 YÁ̰A̰ GƏ̄ 29:10

Ngɔlaā ní m̄-sāā əhɔ *madə̄ naā kə Kɔ́ɔ̄ɓē Nə́ɓā yā Israel, yā kadə̄ wōn̄g ń rāān sejí ngá̰ý ní tetəń.

PĀ GƏ̄ 95:3

Tɔdɔ̄ Kɔ́ɔ̄ɓē i Nə́ɓā kə́ bo, ni i mban̄g kə́ bo kə́ dɔ nə́ɓā gə̄ tə́ malang.