NEHEMI 8:3 - Bible sar

³ Esdras tə́da najə̄ kə́ kem makətūbə̄ ní tə́ adə̄də́. Ni-əla gír tə́da i dəloí ɓatə bátə́ mbang ugə̄ dan ɓēé. Ni-ra i ndágə loo kə́ sɔɔ̄n̄ ta naā kə ta róbə yā man̄ gə̄ tə́ n tə́dań ní. De gə̄ malang nēlə̄n̄ mbīdə́ oōn̄neé najə̄ kə́ kem makətūbūú.

Bibəl ta Sar̄

³ Esdras tə́da najə̄ kə́ kem makətūbə̄ ní tə́ adə̄də́. Ni-əla gír tə́da i dəloí ɓatə bátə́ mbang ugə̄ dan ɓēé. Ni-ra i ndágə loo kə́ sɔɔ̄n̄ ta naā kə ta róbə yā man̄ gə̄ tə́ n tə́dań ní. De gə̄ malang nēlə̄n̄ mbīdə́ oōn̄neé najə̄ kə́ kem makətūbūú.

NEHEMI 8:3 Referans Kwoze

JEJU TEĒ KUM JA̰A̰ 3:22

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 2:29

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ *Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ *ndū najə̄ yā Moijə tə́ bátə́ teēń dɔ *ngé koō ta gə̄ tə́.

KƏLA RĀĀ 17:11

Kem *Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

KƏLA RĀĀ 16:14

Dəyá̰ kógə̄ḿ kə́ Tiyatir ndi dan dəyá̰ gə̄ ní tə́, rīn na i Lidə. Ni i nge gātə̄ kūbə̄ kə́ kərē ning ō, i de kə́ nge rɔȳ Nə́ɓā kété ō. Kɔ́ɔ̄ɓē rāā adə̄ ni-nēl̄ mbīn majə oōń najə̄ kɔr̄ Pol.

KƏLA RĀĀ 15:21

Tām̄ əla gír i jóó ngá̰ý bátə́ ɓōólaā n de gə̄ a ɔjən̄ *ndū najə̄ yā Moijə kə̄ kem ɓē gə̄ tə́ kógə̄ḿ kógə̄ḿ ō, a tə́dan̄ ndū najə̄ yān kem kújə́ kán̄ naā gə̄ tə́ kə dɔ ndɔ̄ *sabat gə̄ malang ō ní.

KƏLA RĀĀ 13:27

Tɔdɔ̄ de kə́ *Jerusalem gə̄ ō, ngār yādə́ gə̄ ō, gerə̄n̄ Jeju alé. Tá najə̄ yā *ngé koō ta gə̄ ń a tə́dan̄ kə dɔ ndɔ̄ *sabat gə̄ malang ní, nin̄-gerə̄n̄ kum aĺ ō. Nin̄-rāān̄ adə̄ najə̄ gə̄ ní reē udən̄ gírí, tɔdɔ̄ nin̄-gāngə̄n̄ sarya dɔn tə́.

KƏLA RĀĀ 13:15

Dan ń tə́dan̄ najə̄ kə́ kem makətūbə̄ *ndū najə̄ gə̄ tə́ ō, kə́ kem makətūbə̄ yā *ngé koō ta gə̄ tə́ ō oy anī, ngār gə̄ kə́ dɔ kújə́ kán̄ naā tə́ gə̄ əla ədan̄də́ na: Ngákó̰ó̰jí gə̄, ré āwī kə najə̄ kə́ a əla go̰ kem ngé kán̄ naā gə̄ tə́ anī ə́daī!

Najə̄ kə́ Majə yā Jeju ń Luk ndang ní 19:48

ba gerə̄n̄ loon alé, tɔdɔ̄ ngán Israel gə̄ malang ní, tadə́ ra yaka loo koō najə̄ kə́ ta Jeju tə́.

Najə̄ kə́ Majə yā Jeju ń Luk ndang ní 8:18

I beé ní á̰a̰ī loo koō ń ōōī loo ní majə. Tɔdɔ̄ deē ń i kə yá̰á̰ ní Nə́ɓā adə̄n madə̄ dɔ tə́. Ba deē ń i kə yá̰á̰ aĺ ní, yá̰á̰ ń ni-ɔjəń na i yá̰a̰ yān ní gə̄gē, Nə́ɓā a taā jīn tə́ kɔ̄ɔ́.

MARK 12:37

Ní, dan ń Dabid ɓārə́n na i Kɔ́ɔ̄ɓē ní, loo kadə̄ ni ngōn̄ kaan ɓáý to̰ ní i ba̰ý? Anī kósə de gə̄ ngá̰ý oōn̄ najə̄ yān ní kə rɔ̄nelēé.

KƏLA RĀĀ 20:11

Ni-tél aw̄ dɔɔ́ gogə́, tetə mápa əsa, ba ɔr̄ najə̄ ɓáý to̰ bátə́ loo tīī tá ḭḭ mbā.

KƏLA RĀĀ 20:7

Jə-kán̄ naā kə ndɔ̄ dəmásá ta loo tíbə́ tə́ yā tetə mápa anī, Pol ɔr̄ najə̄ kə ngé kán̄ naā gēé. Dan ń teē bírí anī ni a ɔr̄ i dɔɔ́ yā kaw̄ ní, ni-ɔr̄ najə̄ sedə́ bátə́ dan loo tə́.

NEHEMI 8:1

Kə ndɔ̄ kə́ ta kəga dɔ yā nāā kə́ nge ko̰ sīrí anī ngán *Israel gə̄ kánə̄n̄ naā ndágə loo kə́ ta róbə yā man̄ gə̄ tə́. Nin̄ malang ní kemdə́ i kógə̄ḿ. Nin̄ ədan̄ Esdras nge ndóō de gə̄ ndū najə̄ kadə̄ reē kə makətūbə̄ *ndū najə̄ ń Kɔ́ɔ̄ɓē adə̄ Moijə kadə̄ adə̄ Israel gə̄ ní. Esdras reēń nodə́ tə́, adə̄ i no dəngam gə̄ tə́ ō dəyá̰ gə̄ tə́ ō ngáń kə́ ɓāl̄də́ asə kadə̄ gerə̄n̄ kum najə̄ gə̄ tə́ ō.

NEHEMI 8:4

Esdras nge ndóō de gə̄ ndū najə̄ ra i kə njan kə́ dɔɔ́ dɔ loo kə́ kḭḭ kə̄ dɔɔ́ kə́ rāā kə kāgāá tām̄ yā kán̄ naā ní tə́. De gə̄ ń ran̄ dɔ jī ko̰n tə́ ní i Matitia ō Sema ō Anaya ō Uria ō Hilkia ō Maseya ō. De gə̄ kə́ dɔ jī gelən tə́ i Pedaya ō Misael ō Malkia ō Hasum ō Hasəbadana ō Jakari ō Mesulam ō.

NEHEMI 8:5

Esdras ra i dɔɔ́ dɔ ngé kán̄ naā gə̄ tə́, adə̄ dan ń ni teē kem makətūbə̄ ní de gə̄ malang a̰a̰n̄ adə̄ ḭḭ ran̄ kə njadə́ dɔɔ́.

NDŪ NAJƏ̄ 31:9

Moijə ndang *ndū najə̄ yā Nə́ɓā ní, ba adə̄ *ngán Lebi kə́ *ngé tun̄ yá̰a̰ gə̄ ń i ngé kətō *sandúkə madə̄ naā yā Kɔ́ɔ̄ɓē gə̄ ní ō, *kum kɔɔ̄ gə̄ malang yā ngán *Israel gə̄ ō.

JOJUE 8:35

Jojue tə́dá yá̰a̰ gə̄ ń Moijə əda kadə̄ rāān̄ ní ta kum ngán Israel gə̄ tə́ malang kanjə̄ kəya̰ yá̰á̰ kógə̄ḿ kɔ̄ɔ́. Dəyá̰ gə̄ ō, ngán gə̄ ō, tə̄rā gə̄ ń ndin̄ dan ngán Israel gə̄ tə́ ní ō, nin̄ i kum tə́.

NEHEMI 8:18

Tə́dan̄ najə̄ kə́ kem makətūbə̄ *ndū najə̄ yā Nə́ɓā tə́ kə dɔ ndɔ̄ gə̄. Əlan̄ gír i ndɔ̄ ń əlan̄neé gír rāā nāā tə́ ní bátə́ ndɔ̄ kə́ ta tɔ̄l̄ ta tə́. Rāān̄ nāā ní i ndɔ̄ sīrí, ba ndɔ̄ kə́ nge ko̰ sɔ́sɔ́ anī tɔ̄lə̄n̄ ta rāā nāā ní i kə kán̄ naā kə́ bo ngá̰ý tītə̄ ń ndū najə̄ ədań ní.

NEHEMI 10:29

Gotə ngán *Israel gə̄ ō, *ngé tun̄ yá̰a̰ gə̄ ō, *ngán Lebi gə̄ ō, ngé ngɔ̄m̄ ta róbə́ kújə gə̄ ō, gōsə̄ pā gə̄ ō, ngé kəla gə̄ ō, de gə̄ malang ń ɔrə̄n̄ rɔ̄də́ kɔ̄ɔ́ rɔ̄ de gə̄ kə́ dɔ ɓē kə́ rang gə̄ tə́ yā kunəń gō *ndū najə̄ yā Nə́ɓā ní ō, nə̄yá̰də́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō ń asən̄ ger̄ kum najə̄ ní ō,

NEHEMI 13:1

Dan ngeé ń noō tə́ ní tə́dan̄ makətūbə̄ yā Moijə adə̄n̄ de gə̄ oōn̄ ndágə looó, anī teēn̄ dɔ loo ń ndangən̄ tū tə́ na Amon ō Moab ō na a udən̄ dan ngé kán̄ naā gə̄ yā Nə́ɓā tə́ aĺ i kə́ bátə́ gə̄ tə́ ní tə́.