NEHEMI 4:14 - Bible sar

¹⁴ ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

Bibəl ta Sar̄

¹⁴ ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

NEHEMI 4:14 Referans Kwoze

2 SAMUEL 10:12

Ī-ra dəngam ō, ādə̄ jḭḭ jə-ra dəngam ō, tām̄ yā gír deē yājí gə̄ tə́ ō, ɓē gə̄ yā Nə́ɓā yājí tə́ ō, ba ādə̄ Kɔ́ɔ̄ɓē rāā yá̰á̰ ń kemən ndigə ní.

TƏ́DA 14:9

Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

HEBƏRO 13:6

Adə̄ j-asiī kənī kemjí mámák kədań najə̄ ń toō: Kɔ́ɔ̄ɓē i nge rāā seḿ, m-ā m̄-ɓōĺ yá̰á̰ kógə̄ḿ alé. Deē a rāā i rí seḿ?

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor *Gehen tə́ ní.

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

PĀ GƏ̄ 65:5

Rɔ̄nel̄ i kə deē ń ī-gə̄rān kadə̄ reē rɔ̄í tə́ ní. Ni a ndi ndágə loo kə́ gīr̄ gidə kújə yāí tə́. Yá̰a̰ kəsa kə́ majə majə gə̄ kə́ kem kújə yāí tə́ ō, yá̰á̰ gə̄ kə́ kem kújə́ kə́ *táĺ yāí tə́ ō ndānə̄n̄jí.

PĀ GƏ̄ 20:7

Ngɔlaā m̄-ger̄ tā: Kɔ́ɔ̄ɓē tetə rɔ̄ɔ̄ adə̄ mban̄g ń ni gə̄rān ní. Ndi i kə̄ kem *loo kə́ táĺ yān kə́ dɔ rā̰ tə́ tə́ n oōń ndūn ní. Jī ko̰n rāā yá̰á̰ kə́ to rī ɓār̄ tetəń rɔ̄ɔ̄ adə̄n.

NEHEMI 1:5

m-ə́da na: Á, Kɔ́ɔ̄ɓē Nə́ɓā kə́ dɔ rā̰ tə́, Nə́ɓā kə́ bo ō, kə́ to ɓōĺ ngá̰ý ō! Ngé gə̄ ń tár̄nī ō, rāān̄ gō míndə gə̄ ń ə̄ndā dɔdə́ tə́ kadə̄ rāān̄ ní ō ní, ḭ̄ ə́ya̰ *madə̄ naā yāí ādə̄ to gotoó sedə́ ō, ī-ra dɔ ndūí tə́ sedə́ ō.

2 YÁ̰A̰ GƏ̄ 32:7

Ādī kem kə̄ngāsí ngan̄g ō, ə́hɔī rɔ̄sí tɔgə ō. Ī-sōlī yá̰á̰ kógə̄ḿ aĺ ō, ī-lōōī ɓōĺ mban̄g kə́ Asiri ō, kósə de kə́ ngá̰ý gə̄ ń seneé ní ō. Tɔdɔ̄ deē ń sejí ní i de kə́ bo tɔȳ ngé gə̄ ń i seneé ní.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

NDŪ NAJƏ̄ 1:21

ba kə á̰a̰ī, Kɔ́ɔ̄ɓē Nə́ɓā yāsí na adə̄sí dɔ nang ń ra nosí tə́ noō. Ní kə āwī kə ī-taāī dɔ nang ní tītə̄ ń Kɔ́ɔ̄ɓē Nə́ɓā yā kaasí gə̄ ənīń míndən adə̄sí ní. Kə ī-lōōī ɓōĺ ō, kə ī-lōōī kadə̄ tɔ́gə́sí ur̄ wak ō.

PĀ GƏ̄ 143:5

Əga kemḿ dɔ yá̰á̰ kə́ mān̄ kɔ̄ɔ́ tə́, m̄-tél m̄-gír̄ gō yá̰a̰ malang ń ī-rāā tə́ ní, yá̰á̰ ń ī-rāā kə jīí ní, m̄-gír̄ yá̰á̰ ngá̰ý dɔ tə́.

PĀ GƏ̄ 66:5

Ī-reē á̰a̰ī kəla rāā Nə́ɓā! Kəla rāān gə̄ əla ɓōĺ kem de gə̄ tə́.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

Makətūbə̄ yā Job 37:22

Loo kə́ unjə̄ tītə̄ lɔ́r ḭḭ dām̄ mbɔ́r ɓē kə́ ko̰ó̰ tə́ a reē. Loo kə́ unjə̄ kow to ɓōĺ ngá̰ý unjə̄ gīr̄ gidə Nə́ɓā.

KOHELET 12:1

Dan ń ī-na̰y ngōn̄ ɓáý ní, ādə̄ əga kemií dɔ nge kəndāí tə́. Ādə̄ əga kemií dɔn tə́ kété pá tá kadə̄ ndɔ̄ kə́ majaĺ gə̄ reē ugə̄n̄ ɓáý, pá tá kadə̄ kum mbang ń ā ə́dań najə̄ń toō ní reē ugə̄ ɓáý, ā ə́da na: Ngur ndi kə kumḿ rāām̄ to̰ alé.

Teē Ngán Israel gə̄ 14:14

I Kɔ́ɔ̄ɓē n na a rɔ̄ɔ̄ kum gotədə́ ní, ba kə ran̄ jəke.

Teē Ngán Israel gə̄ 14:25

Ni-do̰ō̰ nja púsə rɔ̄ɔ̄ yādə́ gə̄ gotə kógə̄ḿ, adə̄ loo kɔrdə́ tōr̄. Loo ń noō tə́ de kə́ Ejiptə gə̄ ədan̄ na kə n-a̰ȳn̄ naā no ngán *Israel gə̄ tə́ kə n-aw̄n̄ sa̰y kɔ̄ɔ́, tɔdɔ̄ na i Kɔ́ɔ̄ɓē n a rɔ̄ɔ̄də́ adə̄ ngán Israel gə̄ toó.

NGÉ SARYA 3:27

Dan ń ugə̄ loo ní tə́ anī, kɔ̄ŕ tōw̄ dɔ mbal̄ yā *Epəraim tə́ ɓāŕəń ngán *Israel gə̄. Gō tə́ anī risən̄ kɔ̄ɔ́ dɔ mbalá, nəkɔ́ i kété no ngán Israel gə̄ tə́.

DANIEL 11:32

Ngé gə̄ ń rāān̄ *madə̄ naā yā Nə́ɓā yá̰á̰ kə́ karī tə́ ní, ni a gól̄də́, adə̄ a əya̰n̄ madə̄ naā ní kɔ̄ɔ́ wáńg ta kum de gə̄ tə́. Banī gír de gə̄ yā ngé gə̄ ń gerə̄n̄ Nə́ɓā yādə́ ní a əhɔn̄ ngan̄g.

JAKARI 14:3

Loo ń noō tə́ Kɔ́ɔ̄ɓē a rɔ̄ɔ̄ gír de kə́ rang gə̄. Ni a rɔ̄ɔ̄ tītə̄ ń a rɔ̄ɔń dan yā rɔ̄ɔ̄ gə̄ tə́ ngándáńg ní.