NEHEMI 4:11 - Bible sar

¹¹ Ngé kəndā ndogə̄ mbal̄ gə̄ ō, ngé kətō yá̰a̰ gə̄ ō, ngé kɔy yá̰a̰ kə̄ dɔɔ́ gə̄ ō, a rāān̄ kəla i kə jīdə́ kə́ kógə̄ḿ, banī jīdə́ kə́rēý a əhɔ i yá̰a̰ rɔ̄ɔ̄.

Bibəl ta Sar̄

¹¹ Ngé kəndā ndogə̄ mbal̄ gə̄ ō, ngé kətō yá̰a̰ gə̄ ō, ngé kɔy yá̰a̰ kə̄ dɔɔ́ gə̄ ō, a rāān̄ kəla i kə jīdə́ kə́ kógə̄ḿ, banī jīdə́ kə́rēý a əhɔ i yá̰a̰ rɔ̄ɔ̄.

NEHEMI 4:11 Referans Kwoze

1 TESALONIK 5:2

tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē.

KƏLA RĀĀ 23:21

Ba ī-lōō taā kemdə́! Tɔdɔ̄ de gə̄ kə́ dandə́ tə́ kə́ mānə̄n̄ kutə̄ sɔ́ ń noō túbə̄n̄ kə yá̰a̰ kəsaá ō, kə yá̰a̰ ka̰yá ō, bátə́ kadə̄ ré kə n-tɔ̄lə̄n̄ Pol pá tá. Adə̄ nin̄-ton̄ a um̄nən̄ noó. Ń toō nin̄-ndin̄ dɔ rɔ̄də́ tə́ kɔ̄ɔ́, ba a ngóōn̄ i taí ḭ̄ ngóy kadə̄ ī-ndigə.

KƏLA RĀĀ 23:12

Dan ń loo tīī anī *Jipə kə́rēý gə̄ oōn̄ naā, nin̄-túbə̄n̄ kə yá̰a̰ kəsaá ō, kə yá̰a̰ ka̰yá̰ ō, bátə́ kadə̄ ré n-tɔ̄lə̄n̄ Pol pá tá.

IJAI 47:11

Á̰a̰ā̰, yá̰á̰ kə́ to kum kaȳ aĺ kógə̄ḿ a teē dɔí tə́, ā ger̄ loo tūr̄ tan kɔ̄ɔ́ dɔí tə́ alé. Yá̰á̰ kə́ to kum kaȳ aĺ kógə̄ḿ a əsō dɔí tə́, ā ásə kəja rɔ̄í kɔ̄ɔ́ ta tə́ alé. Nél man̄ kə́ əla kə ngangá ngá̰ý kə́ ásə kəndā dɔ rɔ̄í danaá kété najə̄n tə́ alé, a əla gidə kógə̄ḿ kum kə̄ dɔí tə́.

PĀ GƏ̄ 56:6

Nin̄ rāāmə̄n̄ adə̄ m-á̰á̰ tápə̄ ō, gírə̄n̄ i rāā yá̰á̰ kə́ majaĺ seḿ ō, kə dɔ ndɔ̄ gə̄.

2 SAMUEL 17:2

M-ā m̄-teē rɔ̄n tə́ i dan ń kɔr a rāān ní. M-ā m-ə́la ɓōĺ kemən tə́. De gə̄ ń dānə̄nən̄ ní a a̰ȳn̄ naā malang kɔ̄ɔ́. Adə̄ i nəkɔ́ kə kérneé n m-ā m̄-tɔ̄lən.

NEHEMI 4:9

Dan ń madə̄ ba̰ā̰jí gə̄ oōn̄ kadə̄ tāān̄jí kɔ̄ɔ́ anī, nin̄ gerə̄n̄ kadə̄ Nə́ɓā nujə yá̰á̰ ń nin̄ númə̄n̄ yā rāā ní kɔ̄ɔ́. Loo ń noō tə́ jḭḭ malang jə-tél j-aw̄ ta kəla kəndā ndogə̄ mbal̄ tə́ gogə́. De gə̄ kógə̄ḿ kógə̄ḿ ran̄ ta kəla yādə́ gə̄ tə́.

NEHEMI 4:10

Banī əla gír ndɔ̄ ń noō tə́ ní i núsə de gə̄ ngóy n a rāān̄ kəla. Gotə gə̄ ran̄ i kə yá̰a̰ rɔ̄ɔ̄ gēé. Ran̄ i kə nənga gə̄, kə der gə̄, kə ga̰ gərā gə̄, kə kūbə̄ gində̄ gə̄. Ngār gə̄ əndān̄ kumdə́ gír *Juda gə̄ tə́ malang.

NEHEMI 4:12

Ngé kəndā ndogə̄ mbal̄ gə̄ ran̄ i kə kaskar gēé ɓōdə̄də́ tə́ n a əndān̄neé ndogə̄ mbal̄ ní. Nge kɔ̄ŕ tōw̄ ra i kadəḿ mā tə́.