NEHEMI 1:5 - Bible sar

⁵ m-ə́da na: Á, Kɔ́ɔ̄ɓē Nə́ɓā kə́ dɔ rā̰ tə́, Nə́ɓā kə́ bo ō, kə́ to ɓōĺ ngá̰ý ō! Ngé gə̄ ń tár̄nī ō, rāān̄ gō míndə gə̄ ń ə̄ndā dɔdə́ tə́ kadə̄ rāān̄ ní ō ní, ḭ̄ ə́ya̰ *madə̄ naā yāí ādə̄ to gotoó sedə́ ō, ī-ra dɔ ndūí tə́ sedə́ ō.

Bibəl ta Sar̄

⁵ m-ə́da na: Á, Kɔ́ɔ̄ɓē Nə́ɓā kə́ dɔ rā̰ tə́, Nə́ɓā kə́ bo ō, kə́ to ɓōĺ ngá̰ý ō! Ngé gə̄ ń tár̄nī ō, rāān̄ gō míndə gə̄ ń ə̄ndā dɔdə́ tə́ kadə̄ rāān̄ ní ō ní, ḭ̄ ə́ya̰ madə̄ naā yāí ādə̄ to gotoó sedə́ ō, ī-ra dɔ ndūí tə́ sedə́ ō.

NEHEMI 1:5 Referans Kwoze

Teē Ngán Israel gə̄ 20:6

Banī de gə̄ ń tármə̄n̄ ō, rāān̄ yá̰a̰ gə̄ ń m-ə́dádə́ kadə̄ rāān̄ ō ní, m-ā m̄-rāā kem majə sedə́ ō, kə dūbə̄ gír kojə yādə́ gə̄ malang ń a reēn̄ ɓáý ní ō.

NDŪ NAJƏ̄ 7:21

Ī-lōōī ndebə ta kumdə́ tə́, tɔdɔ̄ Kɔ́ɔ̄ɓē Nə́ɓā yāsí ń i Nə́ɓā kə́ bo ō, to ɓōĺ ngá̰ý ō ní i sesí.

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

NDŪ NAJƏ̄ 7:9

I Kɔ́ɔ̄ɓē Nə́ɓā yāsí ngóy n i Nə́ɓā kə́ rɔ̄kum ní majə kadə̄ ī-gerī. Ngé gə̄ ń tárnən̄ ō, ngɔ̄mə̄n̄ gō míndən gə̄ ō ní, *madə̄ naā yān ń rāā sedə́ ō, rāā kə gír kojə yādə́ gə̄ ń a reēn̄ ɓáý ní ō ní a əhɔ gír kadə̄ ngan̄g ō, a tūr̄ ndūn aĺ ō.

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, *ngé tun̄ yá̰a̰ yājí gə̄ ō, *ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

1 MBAN̄G GƏ̄ 8:23

ba əda na: Kɔ́ɔ̄ɓē Nə́ɓā yā *Israel, Nə́ɓā kə́ tītīí gətóo dɔ rā̰ tə́ dɔɔ́ ō, dɔ nang tə́ laā ō. Ngé kəla yāí gə̄ ń njə̄rān̄ kə̄ noí tə́ kə kemdə́ mámák ní *madə̄ naā yāí to gotoó sedə́ ō, kem ndaa yāí to gotoó tām̄ yādə́ tə́ ō.

1 YÁ̰A̰ GƏ̄ 17:21

Dan nápar de gə̄ malang kə́ dɔ nang tə́ ní, nápar de gə̄ kógə̄ḿ gə̄ kə́ ton̄ tītə̄ *Israel gə̄ ndin̄ noó a? I nin̄ ngóy n ī-gān̄g dɔdə́ jī de kə́ Ejiptə gə̄ tə́ ba ī-rāādə́ gír deē yāí gə̄ tə́ ní aĺ a. Ḭ̄ ī-rāā yá̰á̰ kə́ to kɔr kum ngá̰ý gə̄, adə̄ i yá̰á̰ kə́ to ɓōĺ ngá̰ý gə̄, ī-tə̄ɓāń nápar de kə́ rang gə̄ kɔ̄ɔ́ no gír deē yāí gə̄ tə́ adə̄ rīí ɓār̄ ń.

PĀ GƏ̄ 47:2

Sḭḭ̄ gír de gə̄ malang ə́ndaī jīsí. Úriī kɔĺ rɔ̄nel̄ ī-tɔ̄yīneé Nə́ɓā.

PĀ GƏ̄ 89:2

M-ā m-ə̄nī pā yá̰a̰ gə̄ ń Kɔ́ɔ̄ɓē rāā kə gō kem majə yān ní ngándáńg. M-ā m-ə̄nī mbēr̄ dɔ yá̰á̰ kə́ rɔ̄kum yān tə́, kadə̄ ngáńjí gə̄ ō ngán kaají gə̄ ō gerə̄n̄.

PĀ GƏ̄ 89:3

Rɔ̄kum, m-ə́da na: Kem majə yāí to ngándáńg dɔ rā̰ tə́. Ḭ̄ ī-rāā adə̄ ra dɔ ndū tə́ yāí ndi ngándáńg dɔ rā̰ tə́.

NDŪ NAJƏ̄ 7:12

Ré ī-nēlī mbīsí ōōīneé yá̰a̰ gə̄ ń noō ō, ə̄ndāī kumsí gírí ī-rāāī ō anī, Kɔ́ɔ̄ɓē Nə́ɓā yāsí a un ta *madə̄ naā ń əhɔ kə kaasí gēé ní sesí ō, a tūr̄ ndūn aĺ ō.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ *Juda tə́ ō.

NEHEMI 2:4

Mban̄g dəjem̄ na ké i rí n m̄-gḛy kadə̄ n-adə̄m̄ ní wa. Anī m̄-ndɔ̄ȳ Nə́ɓā kə́ dɔ rā̰ tə́,

NEHEMI 4:8

M-á̰a̰ loo oy anī m-ə́da de kə́ bo gə̄ ō, ngé rāā sarya gə̄ ō, gotə ngán *Israel gə̄ ō na: Ī-lōōī ɓōĺdə́! Ādə̄ əga kemsí dɔ Kɔ́ɔ̄ɓē ń i de kə́ bo ō, to ɓōĺ ngá̰ý ní ō tə́, ba ī-rɔ̄ɔ̄ī tām̄ yā ngákó̰ó̰sí gə̄ tə́ ō, ngáńsí gə̄ tə́ ō nə̄yá̰sí gə̄ tə́ ō, kújə yāsí gə̄ tə́ ō.

PĀ GƏ̄ 76:8

Ī-to ɓōĺ ngá̰ý! I náā n asə ra noí tə́ kə njan kə́ dɔɔ́ dan ń wōn̄g yāí ḭḭ seí ní?

PĀ GƏ̄ 89:8

De kə́ *táĺ gə̄ ń kánə̄n̄ naā yā koō naā dɔ yá̰á̰ tə́ ní, Nə́ɓā to ɓōĺ ngá̰ý dandə́ tə́. To ɓōĺ tɔȳ de gə̄ malang ń ndi gīrə̄n̄ gidən ní.