NAHUM 2:2 - Bible sar

² Ɓē kə́ Ninibə, ngé rɔ̄ɔ̄ gə̄ aw̄n̄ kənī rɔ̄ɔ̄ tə́. Sḭḭ̄ áskar gə̄, ī-ngɔ̄mī ndogə̄ mbal̄ gə̄ kə́ yā rɔ̄ɔ̄ń dɔ ɓē tə́ ō, ə̄ndāī kumsí gíŕ róbə gə̄ tə́ ō, ə̄ndāī dɔ rɔ̄sí danaá tām̄ yā rɔ̄ɔ̄ tə́ ō, ɔ́siī rɔ̄sí kə̄ naā tə́ ō.

Bibəl ta Sar̄

² Ɓē kə́ Ninibə, ngé rɔ̄ɔ̄ gə̄ aw̄n̄ kənī rɔ̄ɔ̄ tə́. Sḭḭ̄ áskar gə̄, ī-ngɔ̄mī ndogə̄ mbal̄ gə̄ kə́ yā rɔ̄ɔ̄ń dɔ ɓē tə́ ō, ə̄ndāī kumsí gíŕ róbə gə̄ tə́ ō, ə̄ndāī dɔ rɔ̄sí danaá tām̄ yā rɔ̄ɔ̄ tə́ ō, ɔ́siī rɔ̄sí kə̄ naā tə́ ō.

NAHUM 2:2 Referans Kwoze

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ *táĺ tə́ ō.

EJEKIEL 37:23

Ā ī-yḛriī rɔ̄sí kə rɔȳ nə́ɓā yāsí kə́ rɔ̄kum aĺ gə̄ to̰ aĺ ō, kə rāā yá̰á̰ kə́ majaĺ ngá̰ý gə̄ to̰ aĺ ō, kə rāā yá̰á̰ kə́ gōtə́ aĺ kə́ tayā tayā gə̄ malang to̰ aĺ ō. Yá̰a̰ gə̄ kə́ ɔjən̄ kadə̄ ī-raī dɔ ndūsí tə́ aĺ gə̄ malang ń ī-rāāī seḿ ní, m-ā m-ɔ̄r̄sí kum tə́ kɔ̄ɔ́. M-ā m̄-rāāsí kadə̄ ā ūnjī njáý njáý. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

IJAI 60:15

Kété ní əya̰īn̄ kɔ̄ɔ́, de gə̄ kídīn̄ ō, deē mān̄ looí aĺ ō. Ngɔlaā ní m-ā m̄-rāāī kadə̄ ā ī-majə ngá̰ý, kadə̄ ā ī-téĺ yá̰a̰ kənda kadə kə́ ngándáńg ō, yá̰a̰ rɔ̄nel̄ kə́ kə dɔ ɓāl̄ gə̄ ɓāl̄ gə̄ ō.

OJEE 10:1

Kété ní *Israel i *kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā *loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

JEREMI 49:9

Ré ngé tə́jā kan̄ *kāgə̄ nduú gə̄ aw̄n̄ looí anī, a əya̰n̄ dɔ bəran kógə̄ḿ kə́ yā ɓur alé. Ré ngé ɓogə gə̄ reēn̄ ndɔ̄ɔ́ anī, nin̄ a ɔyn̄ yá̰a̰ malang ń kemdə́ ndigə ní.

JEREMI 25:29

M-ā m-ə́la kə yá̰á̰ kə́ to kum kaȳ aĺ dɔ de gə̄ tə́. M-ə́la gír i dɔ ɓē ń rīḿ ɓār̄ dɔ tə́ ní sḭḭ̄ a ī-teēī kum tə́ karī a? Njaḿ gē ā ī-teēī kum tə́ alé. Tɔdɔ̄ m-ā m̄-rāā kadə̄ de kə́ dɔ nang tə́ gə̄ malang oyn̄ yo kaskar. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

PĀ GƏ̄ 47:4

Ni-əla dɔ gír de gə̄ gíŕ tɔ́gə yājí tə́, əla dɔ nápar de gə̄ gír njají tə́.

JEREMI 48:11

Moab ndi kanjə̄ sōl̄ yá̰á̰ kógə̄ḿ i kə ngōn̄ dūúneé beē. Ni to i tītə̄ kasə kə́ ɗīgə̄ beé, tɔdɔ̄ tūrə̄n̄ gírən kem káĺ kə́ rang tə́ nja kógə̄ḿ alé. Kumən na əhɔ aw̄n̄ seneé dɔ nang kə́ rang tə́ nja kógə̄ḿ aĺ ɓáý, adə̄ nelə̄n ō, kotən ō, ton̄ gotoó.

EJEKIEL 37:21

Gō tə́ anī ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: *Israel gə̄, nápar de gə̄ ń sḭḭ̄ āwī dandə́ tə́ ní, m-ā m̄-teē sesí kɔ̄ɔ́ dandə́ tə́. M-ā m-ɔ́sə dɔsí naā tə́ ō, m-ā m̄-tél yā reē sesí dɔ nang yāsí tə́ ō.

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

NAHUM 3:14

Sḭḭ̄ de kə́ Ninibə gə̄, ɔ́diī man̄ ī-rāāī sádə̄ tə́, kadə̄ ī-tə́gāīń tasí dan ń a ənīn̄sí rɔ̄ɔ̄ tə́ ní. Ī-ngɔ̄mī ndogə̄ mbal̄ yāsí gə̄ kə́ yā rɔ̄ɔń dɔ ɓē yāsí tə́. Ī-mbə̄sāī bɔr kə njasí ō, ə̄ndāī dɔ yá̰a̰ kɔr̄ derngēl̄ gə̄ danaá ō.