MARK 9:50 - Bible sar

⁵⁰ Katə̄ i yá̰á̰ kə́ majə, banī ré nel̄ katə̄ teē kɔ̄ɔ́ anī, i yá̰á̰ rí n a ɓōkə́n̄ gotoó kadə̄ tél nelə̄ń ní? Ī-ndiī kə katāá kemsí tə́ ō, ba ī-ndiī kə kem sɔl̄ lɔmɔɔ́ kə naá ō.

Bibəl ta Sar̄

⁵⁰ Katə̄ i yá̰á̰ kə́ majə, banī ré nel̄ katə̄ teē kɔ̄ɔ́ anī, i yá̰á̰ rí n a ɓōkə́n̄ gotoó kadə̄ tél nelə̄ń ní? Ī-ndiī kə katāá kemsí tə́ ō, ba ī-ndiī kə kem sɔl̄ lɔmɔɔ́ kə naá ō.

MARK 9:50 Referans Kwoze

KOLOSƏ 4:6

Ādī najə̄ kɔr̄sí i najə̄ kə́ majə ngándáńg ō, i najə̄ kə́ nel̄ ō, yā kadə̄ ī-gerīneé loo tūr̄ de gə̄ najə̄ kadə̄ sɔɔ̄ dɔdə́ kógə̄ḿ kógə̄ḿ.

Makətūbə̄ ń Pol ndang adə̄ Rom gə̄ ní 12:18

Ré asiī anī, ī-rāāī yá̰a̰ malang ń ngəran i gír jīsí tə́ ní kadə̄ ī-ndiīń kə kem sɔl̄ lɔm kə de gə̄ malang.

MATIYE 5:13

Sḭḭ̄ i katə̄ kə́ dɔ nang tə́ gə̄. Ba ré nel̄ katə̄ teē kɔ̄ɔ́ ní, deē a ɓōkə́ i rí gotoó n katə̄ a téləń yā nel̄ gogə́ ní? Yá̰á̰ kə́ yā rāāń to̰ gətóo. Katə̄ ń nelə̄n teē kɔ̄ɔ́ ní a ɓōkə́n̄ i ndágá ō, de gə̄ a njə̄rān̄ dɔ tə́ ō.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ *táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

Makətūbə̄ yā Job 6:6

Deē a əsa yá̰á̰ kə́ nel̄ aĺ kanjə̄ katə̄ a? Man̄ kaa kə̄njá kə́ gójəró nel̄ a?

1 TESALONIK 5:13

Ī-rɔyīdə́ ngá̰ý kə tárá tām̄ kəla ń nin̄-rāān̄ tə́ ní. Ī-ndiī kə naá kə kem sɔl̄ lɔmɔɔ́.

EPEJƏ 4:29

Ādī najə̄ kə́ majaĺ teē tasí tə́ alé, banī i najə̄ kə́ majə tá, yā kadə̄ ngé gə̄ ń oōn̄ ní rāā majə sedə́ ō, aw̄n̄neé kum kə̄ kété ō.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

JAKƏ 1:20

Tɔdɔ̄ wōn̄g yā deē a rāā yá̰á̰ kə́ gōtə́ yā Nə́ɓā alé.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ *unjə̄ njáý njáý ní.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

PĀ GƏ̄ 34:14

ādə̄ kɔ́ɔ̄ mbātə́ kɔr̄ najə̄ kə́ majaĺ ō, tétə̄ najə̄ aĺ ō.

MARK 9:34

Banī nin̄-ndin̄ kə tadə́ kə́ mbóó, tɔdɔ̄ nējə̄n̄ naā róbó na ké i náā n i de kə́ bo ngá̰ý dan madə̄n gə̄ tə́ ní wa.

PĀ GƏ̄ 133:1

Pā kə́ yā kaw̄ń kə̄ *loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

EJEKIEL 43:24

Ā ī-reē sedə́ rɔ̄ḿ mā Kɔ́ɔ̄ɓē tə́ kadə̄ m-á̰á̰də́. Ngé tun̄ yá̰a̰ gə̄ a selə́n̄ katə̄ dɔdə́ tə́ ō, nin̄ a tɔ̄lə̄n̄də́ ba a tunə̄n̄də́ kə taá malang yā kadə̄m̄ ō.

MARK 9:49

Tɔdɔ̄ a selə́n̄ hor dɔ de gə̄ tə́ mbak tītə̄ ń selə́n̄ katə̄ tū yá̰a̰ gə̄ tə́ ní.