MARK 8:33 - Bible sar

³³ Ba Jeju mbel, a̰a̰ ngé ndóō yá̰a̰ yān gēé ba ndán̄g Piyer, ədan na: Ī-tél gōḿ tə́ kɔ̄ɔ́ *Sətan, tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

Bibəl ta Sar̄

³³ Ba Jeju mbel, a̰a̰ ngé ndóō yá̰a̰ yān gēé ba ndán̄g Piyer, ədan na: Ī-tél gōḿ tə́ kɔ̄ɔ́ Sətan, tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

MARK 8:33 Referans Kwoze

MATIYE 4:10

Anī Jeju tél ədan na: Āw̄ kɔ̄ɔ́, *Sətan! Tɔdɔ̄ ndangən̄ kem makətūbūú ədan̄ na: I Kɔ́ɔ̄ɓē Nə́ɓā yāí ngóy n ā ī-rɔȳn ō, i ni ngóy n ā ī-rāā kəla yān ō ní.

1 JA̰A̰ 2:15

Ī-táriī dɔ nang ń toō aĺ ō, yá̰á̰ kə́ tū tə́ gə̄ aĺ ō. Ré deē kógə̄ḿ tár dɔ nang ń toō anī, tár yā Bɔbə̄ Ngōn̄ gətóo kemən tə́.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

PĀ GƏ̄ 141:5

Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́! Ādə̄ *yibə̄ kə́ kotə majə yā ngé kem ndul gə̄ ɔdə dɔḿ alé, ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń ngé kem ndul gə̄ a rāān̄ ní.

1 PIYER 4:1

Dan ń rɔ̄ *Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

1 TIMOTE 5:20

Ngé gə̄ ń rāān̄ majaĺ ní, ī-gɔŕyɔ̄də́ ta kum madə̄də́ gə̄ tə́ malang ādə̄ gotə gə̄ ɓōlə́n̄.

1 KORḚNTƏ 5:5

Loo ń noō tə́ majə kadə̄ ə́laī deē ní jī *Sətan tə́, kadə̄ dā̰ rɔ̄n nujə ba ndílən ajə ndɔ̄ yā Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 22:61

Anī Kɔ́ɔ̄ɓē tél tūr̄ rɔ̄n ba əndā kumən dɔ Piyer tə́. Loo ń noō tə́ anī, əga kem Piyer dɔ najə̄ ń Kɔ́ɔ̄ɓē ədan tə́ na ɓōólaā nəkɔ́ ń toō, kété tá kadə̄ kə́ra kə̄njá nōō ní, na a nējə̄ gerə̄n nja mətá ní.

MARK 3:34

Ni mbel a̰a̰ ngé gə̄ ń ndi gīrə̄n̄ gidən ní, ba əda na: Nin̄ gə̄ ń toō i kó̰ó̰ḿ gə̄ ō ngákó̰ó̰ḿ gə̄ ō ní.

MARK 3:5

Jeju a̰a̰də́ kə wōngōó. Tōrə̄n ngá̰ý kemən tə́ najə̄ kem ngan̄g yādə́ tə́, ba əda deē ní na kə ndájə̄ jīn, ni-ndájə̄ jīn anī jīn tél to karī kɔ̄ɔ́.

MATIYE 15:23

Banī Jeju tūr̄ ədan najə̄ kógə̄ḿ alé. Anī ngé ndóō yá̰a̰ yān gə̄ reēn̄ rɔ̄n tə́ ngɔr ba ədanən̄ na: Ādə̄n yá̰á̰ ń a sāā ní ādə̄ aw̄ kɔ̄ɔ́ na utə̄ mbījí ngá̰ý.

2 SAMUEL 19:22

Abisai ngōn̄ Seruya un najə̄ ɔr̄, ni-əda mban̄g na: Nge ń noō i yá̰á̰ kə́ asə kadə deē əya̰ń Simei ń ndɔ̄ĺ mban̄g ń Kɔ́ɔ̄ɓē ur yibə̄ ngar dɔn tə́ gə̄rānneé ní a?

LEBI GƏ̄ 19:17

Ī-lōō gír̄ do kim̄ ngōkó̰ó̰í tə́. Ré ngōn̄ nge ɓē madí rāā yá̰á̰ kə́ gōtə́ aĺ anī, ī-gɔríyɔ̄n na sōgə́ najə̄ i dɔí tə́ tām̄ yān tə́.

TITƏ 1:13

Najə̄ ń deē ń nuū əda ní, i najə̄ kə́ rɔ̄kum. Adə̄ majə kadə̄ ī-ndán̄gdə́ tá kadə̄ taā kem yādə́ i taā kem kə́ gō tə́.

Najə̄ kə́ Majə yā Jeju ń Luk ndang ní 9:55

Banī Jeju tūr̄ rɔ̄n kə̄ rɔ̄də́ tə́ ba ibədə́.

Najə̄ kə́ Majə yā Jeju ń Luk ndang ní 4:8

Ba Jeju tūr̄ ədan na: I kə́ ndang kem makətūbūú na i Kɔ́ɔ̄ɓē Nə́ɓā yāí ngóy n ā rɔȳn ní ō, i ni ngóy n ā ī-rāā kəla yān ō ní.

Makətūbə̄ yā Job 2:10

Job tél ədan na: Ɔ̄r̄ najə̄ tītə̄ mbóo dəyá̰ beē. Ré Nə́ɓā rāā adə̄ jə-ndiī majanī, jə-ndigiī. Ba ré ni-rāā adə̄ jə-ndiī dan yá̰á̰ kə́ to kum kaȳ aĺ tə́ anī, jə-ndigiī aĺ i tām̄ rí tə́? Tū yá̰a̰ gə̄ ń noō tə́ malang ní, najə̄ kə́ majaĺ kógə̄ḿ teē ta Job tə́ alé.

MATIYE 16:23

Anī Jeju tūr̄ rɔ̄n ba əda Piyer na: *Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.