MARK 6:6 - Bible sar

⁶ Ba ɔr kumən tām̄ taā kem aĺ yādə́ tə́. Jeju njə̄rā kə gō ngán ɓē gə̄ ń gīrə̄n̄ gidə ɓē tə́ ní, a ndóoń de gə̄ yá̰a̰.

Bibəl ta Sar̄

⁶ Ba ɔr kumən tām̄ taā kem aĺ yādə́ tə́. Jeju njə̄rā kə gō ngán ɓē gə̄ ń gīrə̄n̄ gidə ɓē tə́ ní, a ndóoń de gə̄ yá̰a̰.

MARK 6:6 Referans Kwoze

MATIYE 9:35

Jeju un gō ɓē kə́ bo gə̄ ō, ngán ɓē gə̄ ō malang. Ni ndóō de gə̄ yá̰a̰ kem kújə́ kán̄ naā yādə́ gə̄ tə́ ō, ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y gə̄ malang ō, rɔ̄ de kə́ nujə gə̄ malang ō ngáā.

MATIYE 8:10

Dan ń Jeju oō najə̄ gə̄ ń toō anī, ɔr kumən ngá̰ý, adə̄ əda ngé gə̄ ń unən̄ gōn ní na: Ādə̄ m-ə́dásí najə̄ kə́ bo ngá̰ý, m-á̰a̰ taā kem kə́ beē rɔ̄ deē kógə̄ḿ tə́ dɔ nang kə́ *Israel tə́ aĺ ɓáý.

Najə̄ kə́ Majə yā Jeju ń Luk ndang ní 13:22

Anī Jeju aw̄ kə̄ ɓē kə́ bo gə̄ tə́ ō, kə̄ ɓē kə́ dūú gə̄ tə́ ō, a ndóoń de gə̄ yá̰a̰ dɔɔ́ dɔɔ́ ta kaw̄ kə̄ *Jerusalem.

KƏLA RĀĀ 10:38

Kadə̄ ń Nə́ɓā adə̄ Jeju kə́ *Najaret *Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā *diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

IJAI 59:16

Yá̰á̰ ń rāā yá̰á̰ ní ni-a̰a̰ kadə̄ deē kógə̄ḿ kə́ mbātə́ gətóo, kadə̄ de kə́ ḭḭ rāā yá̰á̰ kógə̄ḿ gətóó bátə́ ní ɔr kumən. Loo ń noō tə́ nəkɔ́ kə dɔneé gḛy rāā yá̰á̰ kógə̄ḿ ō, yá̰á̰ ń adə̄n tɔ́gə́ ní i yá̰a̰ rāā kə́ gōtə́ yān ō.

JA̰A̰ 9:30

Ni tél ədadə́ na: Nge ń toō i yá̰á̰ kə́ to kɔr kum, sḭḭ̄ ī-gerī loo ń ni ḭḭ tū tə́ ní alé, banī ni tḛḛ̄ kumḿ.

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán *Israel gə̄ tə́.

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

Najə̄ kə́ Majə yā Jeju ń Luk ndang ní 4:44

Adə̄ ni-ɔjə najə̄ kem kújə́ kán̄ naā gə̄ kə́ dɔ nang kə́ Jude tə́.

Najə̄ kə́ Majə yā Jeju ń Luk ndang ní 4:31

Tā anī Jeju aw̄ Kapernaum ń i ɓē kə́ gō nang kə́ Galile tə́ ní. Ni ndóō de gə̄ yá̰a̰ ndɔ̄ *sabat tə́,

MARK 1:39

Ba ni-aw̄, ɔjə najə̄ kem kújə́ kán̄ naā yādə́ gə̄ tə́ gō nang malang kə́ Galile tə́ ō, ba ni-tə̄ɓā ndíĺ kə́ majaĺ gə̄ kɔ̄ɔ́ ō.

MARK 10:1

Jeju ḭḭ noó aw̄ gō nang kə́ Jude tə́, gidə bā Jurdḛ tə́, anī kósə de gə̄ kánə̄n̄ naā rɔ̄n tə́ ɓáý to̰. Tītə̄ ń i jī bēl̄ loo rāān ní, ni-ndóōdə́ yá̰á̰ ɓáý to̰.