MARK 4:26 - Bible sar

²⁶ Jeju əda na: *Ɓē ko̰o̰ yā Nə́ɓā i tītə̄ deē kógə̄ḿ kə́ ənda kum kōō nang tə́.

Bibəl ta Sar̄

²⁶ Jeju əda na: Ɓē ko̰o̰ yā Nə́ɓā i tītə̄ deē kógə̄ḿ kə́ ənda kum kōō nang tə́.

MARK 4:26 Referans Kwoze

MATIYE 13:24

Jeju un kūjə́ najə̄ kə́ rang ɔrə̄ń najə̄ sedə́ ədadə́ na: Ɓē ko̰o̰ kə́ dɔ rā̰ tə́ to i tītə̄ deē kógə̄ḿ kə́ dubə̄ kum kōō kə́ majə kem ndɔr̄ yān tə́.

Najə̄ kə́ Majə yā Jeju ń Luk ndang ní 8:11

Najə̄ ń m-ún gidə kə̄ gogə́ m-ɔ̄r̄ ní kumən n toó: Kum kōō ní, i najə̄ yā Nə́ɓā.

Najə̄ kə́ Majə yā Jeju ń Luk ndang ní 8:5

Nge ndɔr̄ kógə̄ḿ teē aw̄ kənda kōō tə́. Dan ń ra a ənda kōō ní anī kum kōō kə́rēý gə̄ tə́sōn̄ kadə róbə́ tə́. Anī de gə̄ tə́ɓān̄ njadə́ tə́ ō, yel̄ kə́ dɔɔ́ gə̄ əsan̄ kɔ̄ɔ́ ō.

JAKƏ 3:18

Ngé gə̄ ń kem sɔl̄ lɔm nel̄də́ ní, a dubə̄n̄ i kōō kem sɔl̄ lɔm kə gō gidədə́. Ba kan̄ yá̰a̰ gə̄ ń nin̄ a əjan̄ ní, i yá̰a̰ rāā kə́ gōtə́ gə̄.

JA̰A̰ 12:24

Ādə̄ m-ə́dásí najə̄ kə́ bo ngá̰ý, ré kum kōō gémē əsō nang tə́ aĺ ō, oy aĺ ō anī, ni a to i kógə̄ḿ beē ngóy. Banī ré oy anī, a ojə madə̄ ngá̰ý.

IJAI 32:20

Banī yāsí a majə sesí, adə̄ ā ásiī dubə̄ yá̰a̰ kə̄ loo gə̄ tə́ ō, man̄ a to ngá̰ý ō, ā ásiī kəya̰ man̄g dɔɔ́ ō, kəya̰ kərō dɔɔ́ ō, kadə̄ njə̄rān̄ loo yādə́.

KOHELET 11:6

Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

KOHELET 11:4

De kə́ nge kəndā ma̰ȳ nél i nge dubə̄ kōō aĺ ō, de kə́ nge ka̰a̰ kil̄ man̄ i nge kəja kōō aĺ ō.

Gōsə̄ najə̄ gə̄ 11:18

Nge kem ndul ənge yá̰a̰ kənda nja kə́ gólə̄n banī yá̰a̰ kəndā nja kə́ rɔ̄kum to tām̄ yā nge dubə̄ kum háĺ kə́ gōtə́ tə́.

Najə̄ kə́ Majə yā Jeju ń Luk ndang ní 13:18

Anī Jeju əda na: *Ɓē ko̰o̰ yā Nə́ɓā teēn̄ naā i kə rí? Aké kə ḿ-ɔ́jəń i rí?

MATIYE 13:33

Ni ɔjədə́ kūjə́ najə̄ kə́ rang ɓáý to̰, ədadə́ na: Ɓē ko̰o̰ kə́ dɔ rā̰ tə́ to i tītə̄ *kaa mápa kə́ dəyá̰ un ló̰yń ndujə̄ mápá kə́ mbɔ̄jə́ kem səmbē bo mətá, adə̄ ndujə̄ mápá kə́ sḛ́ý beē tə́ aĺ ń toō ḭḭ malang.

MATIYE 13:31

Jeju ɔjədə́ kūjə́ najə̄ kə́ rang, ədadə́ na: Ɓē ko̰o̰ kə́ dɔ rā̰ tə́ to i tītə̄ kum mutardə kə́ deē un dubə̄ kem ndɔr̄ yān tə́ beē.

MATIYE 13:11

Ni-tél ədadə́ na: I tām̄ rāā kə́ Nə́ɓā rāā adə̄ sḭḭ̄ ī-gerī yá̰á̰ kə́ loo mundə̄ tə́ gə̄ kə́ dɔ *Ɓē ko̰o̰ kə́ dɔ rā̰ tə́ ba ɔgə̄ ngé gə̄ ń noō ger̄.

MATIYE 13:3

Ni un gidə najə̄ kə̄ gogə́ ɔrə̄ń najə̄ sedə́ dɔ yá̰a̰ gə̄ tə́ gír i ngá̰ý, ədadə́ na: Deē kógə̄ḿ teē, aw̄ kənda kōó.

MATIYE 4:17

Loo ń noō tə́ Jeju əla gír kɔjə de gə̄ najə̄, ədadə́ na: Ī-tūrī háĺsí, tɔdɔ̄ *Ɓē ko̰o̰ kə́ dɔ rā̰ tə́ i ngɔr.

MATIYE 3:2

tɔdɔ̄ *Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

MARK 4:25

Tɔdɔ̄ nge ń i kə yá̰á̰ ní, Nə́ɓā a adə̄n dɔ tə́, ba nge ń i kə yá̰á̰ aĺ ní, ká ré i yá̰a̰ yān gə̄gē anī, Nə́ɓā a taā jīn tə́ kɔ̄ɔ́.

MARK 4:27

Ká ré ni-ɓīī aáā, ni-ndól̄ aáā, ndɔ̄ɔ́ ō, kadaá ō, kum kōō ní a əɓa ō a tɔgə ō, ba deē ní ger̄ loon alé.