MARK 3:2 - Bible sar

² *Parijiyḛ gə̄ umə̄n̄ Jeju yā ka̰a̰ ké a rāā kadə̄ rɔ̄ deē ní a ngáā ndɔ̄ *sabat tə́ wa, kadə̄ kə n-sekə́nən̄neé.

Bibəl ta Sar̄

² Parijiyḛ gə̄ umə̄n̄ Jeju yā ka̰a̰ ké a rāā kadə̄ rɔ̄ deē ní a ngáā ndɔ̄ sabat tə́ wa, kadə̄ kə n-sekə́nən̄neé.

MARK 3:2 Referans Kwoze

PĀ GƏ̄ 37:32

Ngé kem ndul gə̄ umə̄n̄ de kə́ súmūú ō, sāān̄ tɔ̄lən ō.

Najə̄ kə́ Majə yā Jeju ń Luk ndang ní 14:1

Jeju aw̄ ɓē ngār yā *Parijiyḛ gə̄ kógə̄ḿ tə́ ndɔ̄ *sabat tə́ yā kəsa yá̰a̰, anī de gə̄ ń ndin̄ ní əndān̄ kumdə́ dɔn tə́.

Najə̄ kə́ Majə yā Jeju ń Luk ndang ní 6:7

Ngé ngé ndóō de gə̄ *ndū najə̄ gə̄ ō, *Parijiyḛ gə̄ ō, ndi a umə̄n̄ Jeju sḛḛ, sāān̄ ka̰ā̰ ké Jeju a rāā kadə̄ rɔ̄ deē kógə̄ḿ a ngáā ndɔ̄ *sabat tə́ wa, yā kadə̄ kə n-əngen̄neé kum najə̄ kə́ yā sekə́nəń.

Najə̄ kə́ Majə yā Jeju ń Luk ndang ní 20:20

Loo ń noō tə́ ní, nin̄-əlan̄ gír kum̄ loo, adə̄ əlan̄ de kə́ ngé kəndā ma̰ȳ loo gə̄ rɔ̄ Jeju tə́. Nin̄-sēmə̄n̄ kumdə́ séḿ séḿ, adə̄ rāān̄ yá̰a̰ tītə̄ kə́ nin̄ i de kə́ súmūú gə̄, yā kadə̄ ré Jeju əda najə̄ kə́ majaĺ ɓáa kə n-əhɔnən̄ dɔ tə́ yā kəlan jī ngé ko̰o̰ ɓē gə̄ tə́ kadə̄ rāānən̄ kə gō ndū ń nin̄-ənīn̄ ní.

JA̰A̰ 9:16

De kə́rēý gə̄ dɔ dan *Parijiyḛ gə̄ tə́ ədan̄ na: Deē ń toō ḭḭ i rɔ̄ Nə́ɓā tə́ alé, tɔdɔ̄ ni-ngɔ̄m̄ ndɔ̄ *sabat alé. De kə́ rang gə̄ ədan̄ na: De kə́ nge rāā majaĺ asə rāā yá̰á̰ kə́ yáā kə́ tītə̄ ń noō gə̄ i ba̰ý? Adə̄ míndə kasə naā aĺ to dandə́ tə́.

MATIYE 12:10

Anī deē kógə̄ḿ kə́ jīn oy kɔ̄ɔ́ ndi tū tə́. Nin̄-dəjen̄ Jeju na ké *ndū najə̄ adə̄ deē ta róbə tɔ̄l̄ mo̰y dɔ deē tə́ ndɔ̄ *sabat tə́ wa. Dəjenən̄ najə̄ ní i yā kadə̄ kə n-sekə́nən̄neé.

DANIEL 6:4

Daniel ngeé ń toō tɔȳ de kə́ bo madə̄n kə́ jōó gə̄ ō, tɔȳ ngé kɔsə kum gotə mban̄g dɔ ɓē tə́ gə̄ malang ō, tɔdɔ̄ ndíĺ kə́ kə́ kemən tə́ i ndíĺ kə́ tayā. Adə̄ mban̄g gír̄ kəndān dɔ ɓē ko̰o̰ tə́ kə taá malang.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

MARK 3:3

Ba Jeju əda de kə́ jīn tutə ní kə ḭḭ kə ra dɔɔ́ ta kum de gə̄ tə́ malang.

JA̰A̰ 8:6

Nin̄-ədan̄ nge ń noō i yā nāānəń kadə̄ əngenə̄ń najə̄ kə́ yā sekə́nneé. Banī Jeju rugə nang tə́, ndang yá̰a̰ kə ta ngōn̄ jīneé dɔ nang tə́.