MARK 14:61 - Bible sar

⁶¹ Jeju tél ədadə́ najə̄ alé, ba ndi kə tan kə́ mbóó. Anī ngol *ngé tun̄ yá̰a̰ gə̄ dəjen najə̄ ɓáý to̰, ədan na: Ḭ̄ i *Kərist, Ngōn̄ Nge ń de gə̄ a rɔȳnən̄ ní a?

Bibəl ta Sar̄

⁶¹ Jeju tél ədadə́ najə̄ alé, ba ndi kə tan kə́ mbóó. Anī ngol ngé tun̄ yá̰a̰ gə̄ dəjen najə̄ ɓáý to̰, ədan na: Ḭ̄ i Kərist, Ngōn̄ Nge ń de gə̄ a rɔȳnən̄ ní a?

MARK 14:61 Referans Kwoze

MARK 15:2

Pilatə dəjen najə̄ əda na: Ḭ̄ i mban̄g yā *Jipə gə̄ a? Jeju tél ədan na: Īkɔ́ ə́dá ɓá.

IJAI 53:7

Rāānən̄ yá̰á̰ kə́ tōr̄, banī ni ndigə yá̰á̰ ń rāān̄ seneé ní. Ni-əda yá̰a̰ alé. Əda yá̰a̰ alé, tītə̄ ngōn̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ batə̄ kə́ əjan̄ bḭḭ̄n anī nōō aĺ beē.

JA̰A̰ 19:7

*Jipə gə̄ tél ədanən̄ na: Jḭḭ j-aw̄ kə ndū najə̄ kógə̄ḿ, ba kə gō *ndū najə̄ yājí ngeé ń toō ní sɔɔ̄ kadə̄ ni-oy, tɔdɔ̄ ni-rāā rɔ̄n i Ngōn̄ Nə́ɓā tə́.

1 PIYER 2:23

Dan ń tájə̄nən̄ ní, ni-tél kə ndūú tájə̄də́ kum gotə aĺ ō. Dan ń rāānən̄ yá̰á̰ kə́ tōr̄ ní, ni-rāā yá̰á̰ kógə̄ḿ alé, ba əya̰ rɔ̄n i kem jī Nə́ɓā nge gān̄g sarya kə́ gō tə́ tə́.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

MATIYE 16:16

Simo̰ Piyer ə́dan na: Ḭ̄ i *Kərist Ngōn̄ Nə́ɓā kə́ ndi kə kumneé.

MATIYE 8:29

De gə̄ ní unən̄ ndūdə́ kə̄ dɔɔ́ ngá̰ý ədanə̄ń na: Ngōn̄ Nə́ɓā, yāí i rí sejí? Ī-reē laā i rāājí yá̰á̰ kə́ tōr̄ tə́ kété no ndɔ̄ tə́ a?

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

PĀ GƏ̄ 119:12

Kɔ́ɔ̄ɓē, m̄-rāāī kə́ra! Ī-ndóōm̄ yá̰a̰ gə̄ ń ī-ndang kadə̄ yā rāā ní.

PĀ GƏ̄ 39:9

Ī-gān̄g dɔḿ tū majaĺ yāḿ gə̄ tə́ malang. Ī-lōō kəya̰m̄ kadə̄ mbóo gə̄ əgōmə̄n̄.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

1 TIMOTE 6:15

Ni a ɔjə rɔ̄n kə̄ ndágá i kum mbang ń Nə́ɓā a ɔjə tə́ ní. I nəkɔ́ kógə̄ḿ beē ngóy n i dɔ yá̰a̰ gə̄ tə́ ō, nge rāā kadə̄ kemjí nel̄jí ō, Mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō ní.

1 TIMOTE 1:11

Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i *kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

KƏLA RĀĀ 8:32

Ba najə̄ ń ndi a tə́dá ní n toó: Ni to i tītə̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ ngōn̄ batə̄ kə́ ra tan mbóo no nge dəsā bḭḭ̄n tə́ beē, ni-tḛḛ̄ tan mḛḛ alé.

JA̰A̰ 19:9

Ni-tél udə gogə́ kem kújə ndi nge ko̰o̰ ɓē tə́, ba əda Jeju na: Ḭ̄ i de kə́ rá? Banī Jeju dalən alé.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

JA̰A̰ 10:24

Anī *Jipə gə̄ reē gīrə̄n̄ gidən ba ədanən̄ na: Ā ī-rāājí adə̄ kemjí a tɔ́sə̄jí beē i bátə́ ta kə́ rá? Ré ḭ̄ i *Kərist anī ə́dájí wáńg.

MARK 14:60

Anī ngol *ngé tun̄ yá̰a̰ gə̄ ḭḭ ra dɔɔ́ dɔ dáń ngé kán̄ naā gə̄ tə́, ba dəje Jeju na: Najə̄ ń de kə́ kum yá̰á̰ tə́ gə̄ ədan̄ dɔí tə́ toō ā ī-dal aĺ a?